Псалманууд 103
103
1[Давидай зохёоһон.]
Сэдьхэлни, Эзэниие магта!
Зүрхэмни, нангин нэрыень магтан дуула!
2Сэдьхэлни, Эзэниие магта!
Хэһэн бүхы һайень бү марта!
3Тэрэ бүхы гэм зэмыеш наманшална,
бүхы үбшэ хабшангыеш эдэгээнэ,
4ами наһыеш абарна,
энэрэл хайра, үршөөлынь толгой дээрэшни титим болон табигдаа.
5Хүсэхэдэшнил, Тэрэ һайн юумээр шамайе хангана,
иигэжэ бүргэдтэл адли, ши залууш!
6Эзэн дарлагдаһан бүхы зоной түлөө
зүб шударга болон үнэн зүбые үйлэдэнэ.
7Моисейдэ Өөрын харгы замуудаа харуулаа,
Израилиин улад зондо гайхамшагта хэрэгүүдээ үзүүлээ.
8Эзэн хадаа хайрладаг, нигүүлэсхы,
уурлаашье һаа, тэсэбэритэй, энэрэл хайраар элбэг.
9Тэрэ хододоо бушаганжа байдаггүй,
хэтэ мүнхэдөө уурлажа байдаггүй.
10Маанадай хэһэн нүгэлэй хэмээр Тэрэ маанадта харюулдаггүй,
гэм зэмэймнай түлөө дууһан бидэндэ амасуулдаггүй.
11Тэнгэриин газар дэлхэй дээгүүр хэр үндэр байһандал адли
Тэрээнһээ түбэгшөөдэг зондо энэрэл хайрань агуу ехэ юм.
12Баруун зүгһөө хойто зүгэй хэр холо байдагтал адли
Тэрэ гэм бурууемнай маанадһаа холодуулаа.
13Эсэгын хүүгэдээ хайрладагтал адли
Тэрэ Өөрһөөнь түбэгшөөдэг зониие хайрладаг.
14Юуб гэхэдэ, Тэрэ юунһээ бидэнэй бүтээгдэһэниие мэдэнэ,
маанадай тооһо шорой байһые һанажа байна.
15Хүнэй наһан гээшэ үбһэнэй наһандал адли,
тэрэ хээрын сэсэг шэнги ургажа хапгдардаг.
16Дээгүүрнь һалхинай үлеэхэдэ тэрэ үгы болодог,
байһан газарыньшье танихын аргагүй.
17Харин Эзэнэй энэрэл хайра Өөрһөөнь түбэгшөөдэг зондо
мүнхэһөө мүнхэ,
Зүб шударгань үри һадаһадтайнь хододоо байхал.
18Энэнь хэлсээень сахигшадта,
заабаринуудынь бэелүүлэгшэдтэ хабаатай.
19Эзэн тэнгэридэ хан шэрээгээ залаа,
бүхы дэлхэйе захирна.
20Тэрэнэй үгэ дууладаг, айладалынь дүүргэдэг,
хүсэ шадалтай тэнгэриин элшэнэрынь,
Эзэндэ магтаал үргэгты!
21Түмэн Сэрэгынь, зарасанарынь,
захиралтынь дүүргэгшэд бултадаа
Эзэниие магтагты!
22Захирдаг бүхы газартань байгааша
бүтээлнүүдынь болохо таанар бултадаа
Эзэндэ магтаал үргэгты!
Сэдьхэлни, Эзэниие магтан дуула!
Currently Selected:
Псалманууд 103: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
