Псалманууд 102
102
1[Үгытэй хүнэй голхорон гунираад байхадаа Эзэнэй урда голхоролоо дэлгэһэн зальбарал.]
2Эзэн! зальбаралым шагныт,
хашхараамни Тан руу хүрэг лэ.
3Намһаа буруу бү харыт,
Гай гасаланта үедэм нам руу шэхээ табиит,
дуудахадам, дуулыт, яарыт, туһалыт.
4Үдэрнүүдни утаан мэтэ үгы боложо байна,
яһамни дүрэһэн модон мэтэ шатаатайл.
5Зүрхэмни сабшаһан үбһэн мэтэ хатана,
эдеэ хоолшье тухай би мартааб.
6Ёолоһондоо арһа, яһан болошооб.
7Сүл губида шубуун мэтэ,
һандаралай дунда шара шубуун мэтэ болооб.
8Унтанагүйб, хушалта дээрэ һуугааша
гансаардаһан шубуун мэтэб.
9Дайсад бүхэли үдэрөө намайе доромжолно,
намда мууе һанагшад нам руу хараал эльгээнэ.
10Үнэһэн минии хоол болоо,
ундамни нулимсатай худхаатай.
11Энэ хадаа Танай уур сухал болон бушаганаһан сухалһаа болоо,
Та намайе үргөөд, хаяат.
12Үдэрнүүдни һүүдэр мэтэ үгы болоно,
үбһэ ногоон мэтэ хатажа байнаб.
13Та, Эзэн, хэтын хэтэдэ оршонот,
нэрэтнай үеһөө үедэ дамжана.
14Бодыт, Сиондо энэрэл хайраяа үзүүлыт,
тэрэниие хайрлаха саг ерээл.
15Маанадта, Танай богоолнуудта, шулуунииньшье хайратайл,
тооһонииньшье хайратай.
16Эзэнэй нэрын урда арадууд шэшэрэлдэн байг лэ,
дэлхэйн хаашуул Танай алдарай урда!
17Юуб гэбэл, Эзэн Сиониие һэргээн бодхоохо,
алдар соогоо заларан харагдаха.
18Ядуу зоной маани Тэрэ дуулаха,
зальбаралыень буруушаахагүйл.
19Ерэхэ үеын зоной Эзэниие магтахын тула
саашанхи үенүүдтэ зорюулан энээн тушаа бэшэг лэ.
20Эзэн Өөрын нангин үндэрһөө хаража,
тэнгэриһээ газар руу хараал.
21Юуб гэхэдэ, Тэрэ баряанда байгааша зоной ёолоое дуулаа,
үхэхэ зониие сүлөөлөө.
22Сиондо Эзэнэй нэрэ тунхаглаг,
Иерусалимда Тэрээндэ магтаал үргэг.
23Энэ хадаа арадуудай болон хан түрэнүүдэй
хамта сугларжа, Эзэндэ алба хэхэдэнь болог.
24«Замдам Тэрэ хүсэ шадалым абаал,
наһыем хороогоо.
25Бурхамни! Наһанайнгаа хахадыеньшье эдлээгүй байхадам
намайе бү абыт. Үеһөө үедэ жэлнүүдтнай үргэлжэлэг лэ.
26Эртэ урда сагһаа хойшо Та дэлхэйн һуури табяат,
огторгой — Танай гарай бүтээл.
27Тэдэ хосорхо, харин Та үлэхэт.
Дэгэл мэтээр тэдэниие һэлгэн байхат.
28Харин Та тэрэл зандаа,
Танай жэлнүүд дууһахагүй.
29Богоолнуудайтнай хүүгэд ажаһууха,
үри һадаһадынь урдатнай таһалдахагүй», — гэжэ би хэлээб.
Currently Selected:
Псалманууд 102: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
