Éksondo̱ 6
6
1-2Kó Néná bi̱ katsoó Moisee̱:
—Ngotꞌe̱ má xche̱ ji nga achichí ꞌniú sa̱ꞌinjée̱ nda̱ ree̱ nangui Ejipto̱, kó ngaskande ti̱ kuii̱ ku̱i̱ꞌájnú nga kjo̱tjojnú kui na̱xi̱ńdaá. Án boá xi Ne tse̱. 3Xota̱ xi xcháa̱, Ne xi tjiín ngayeje ngaꞌniuú katsóna, ta̱nga kamábejín kó ꞌmí jaꞌén ja̱koxi̱na, kó kuí bí xi̱ꞌbi̱: AN XI AA̱N. 4Án boá xi katsóyatjóo̱n nga tsjàa̱ nangui Kanaa̱n, ki̱a̱ nínga kisꞌińdo xikoó xota̱ xi xín nangui chji̱a̱ni, 5kó ngotꞌe̱ ꞌne̱ nga jè tsintꞌie an kjo̱a̱ni̱ma̱ xi ndyi̱foaꞌatio xota̱ Israee̱l, kó ta̱ngatꞌanii̱ ni xi ndajín xi ndyi̱tsꞌénjo̱ xota̱ Ejiptoo̱ nga je jaꞌátsjienna ni xi indajo̱ an xota̱ na̱xi̱ńdána.
6-8Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangui Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌén. Án boá xi kjuínjo̱ an nangui xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjién án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.
9Kó Moisee̱ katsóyaá xota̱ Israee̱l ngayeje ni xi katsoó Néná, ta̱nga kui xotaa̱ nde tsintꞌiéjiín Moisee̱ ta̱ngatꞌanii̱ nga achichí jè jenda kjo̱a̱a̱ nga ꞌniú kiniꞌaán xá xi katsꞌén nga moso̱ kamá. 10Kósꞌe̱ Néná bi̱ katsoó Moisee̱:
11—Tꞌen ji kó bo̱a̱ tꞌíi̱n nda̱ ree̱ nangui Ejipto̱ tsi̱ꞌe̱ nga tsja̱ndieé xota̱ Israee̱l nga kjo̱tjo kui nanguii̱.
12Kó Moisee̱ bi̱ katsoó Néná:
—Xi ngaskande nde xota̱ Israee̱l katsꞌénjínna xki̱, akja̱ꞌmíra̱ nda̱ ree̱. Kó ngase nga stinguí stiyá najen an nga chji̱a̱ an.
13Kósꞌe̱ Néná atíxoma cha̱n chaa̱n Moisee̱ ko̱jo Aaroo̱n kjo̱a̱a̱ kótsꞌén ku̱i̱chji̱a̱jo nda̱ ree̱, ko̱jo kótsꞌén kꞌo̱xié xota̱ Israee̱l ki̱a̱ nangui Ejipto̱.
Xota̱ Israee̱l
14Kuí bí xi̱ꞌbi̱ xi nguito̱ko̱o̱ xota̱ Israee̱l:
Xota̱ xi chji̱a̱ni xota̱ tji̱e̱e̱ Rubee̱n, kuí bí xi̱ꞌbi̱:
Anoo̱k,
Faluu̱,
Esroo̱n,
ko̱jo Karmii̱.
15Xota̱ xi chji̱a̱ni xota̱ tji̱e̱e̱ Simeoo̱n, kuí bí xi̱ꞌbi̱:
Jemuee̱l,
Jamii̱n,
Oaa̱d,
Jakii̱n,
Soaa̱r,
ko̱jo Sauu̱l, ndií na̱ xi chji̱a̱ni nangui Kanaa̱n.
16-27Xota̱ xi chji̱a̱ni xota̱ tji̱e̱e̱ Lebii̱, Kuí bí xi̱ꞌbi̱:
Nguersoo̱n,
Keaa̱t,
ko̱jo Merarii̱.
Kuí bí xi̱ꞌbi̱ xi ndií Nguersoo̱n:
Libnii̱,
ko̱jo Simii̱.
Kuí bí xi̱ꞌbi̱ xi ndií Keaa̱t:
Amraa̱n,
Isaa̱r,
Ebroo̱n,
ko̱jo Usiee̱l.
Kuí bí xi̱ꞌbi̱ xi ndií Merarii̱:
Majlii̱,
ko̱jo Musii̱.
Kuí bí xi̱ꞌbi̱ xi ndií Amraa̱n ko̱jo na̱ Jokabee̱d:
Aaroo̱n,
ko̱jo Moisee̱.
Kuí bí xi̱ꞌbi̱ xi ndií Isaa̱r:
Koree̱,
Nefee̱j,
ko̱jo Sikrii̱.
Kuí bí xi̱ꞌbi̱ xi ndií Usiee̱l:
Misaee̱l,
Elsafaa̱n,
ko̱jo Sitrii̱.
Kó kuí bí xi̱ꞌbi̱ xi ndií Aaroo̱n ko̱jo na̱ Elisebaa̱:
Nandaa̱b,
Abiuu̱,
Itamaa̱r,
ko̱jo Eleasaa̱r.
Kuí bí xi̱ꞌbi̱ xi ndií Koree̱:
Asii̱r,
Elkanaa̱,
ko̱jo Abiasa̱f.
Lebii̱ úchán ko̱jo kantjiꞌún jó nó kamaá nga kisꞌijña nga̱sondie.
Kó Amraa̱n ti̱ úchán ko̱jo kantjiꞌún jó nó kamaá nga kisꞌijña nga̱sondie nga. Kó ndií Amraa̱n kui xi ꞌmí Aaroo̱n ko̱jo Moisee̱, kuí boá xi Néná má xi atíxomaa̱ tsi̱ꞌe̱ nga ku̱i̱chji̱a̱jo nda̱ ree̱ nangui Ejiptoo̱, tsi̱ꞌe̱ nga kꞌo̱xié xota̱ Israee̱l kui ngu̱i̱ndiee̱.
Aaroo̱n kisꞌijñajo̱ na̱ Elisebaa̱, kui xi tsa̱kji̱ín Aminandaa̱b kamá, ndichja Naasoo̱n.
Eleasaa̱r kisꞌijñajo̱ ngo tsa̱kji̱ín Futiee̱l kó ngo ndí kisꞌiee̱ kui xi Finee̱ ítꞌa jaꞌén.
Bi̱ tsꞌén tsíchji̱a̱jo Néná Moisee̱ ki̱a̱ nangui Ejipto̱
28Ni̱xtjin nga Néná tsíchji̱a̱jo Moisee̱ ki̱a̱ nangui Ejipto̱, 29bi̱ katsoó:
—Án boá xi Nèe̱ an, tꞌen ji kó bo̱a̱ tꞌíi̱n nda̱ ree̱ nangui Ejipto̱ ngayeje ni xi xiyaá ji.
30Ta̱nga Moisee̱ bi̱ katsoó Néná:
—Sa̱ꞌínsénjínna nda̱ ree̱ nangui Ejipto̱, ngatꞌa̱ stinguí stiyá najen an nga chjiá an.
Currently Selected:
Éksondo̱ 6: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
