Sat-kâ-li-â Sû 6

Chan-chhâ ke Yi-siong

1Ngài yu ngo-thèu khon-tó nang-ngoi yit-ke yi-siong, khon-tó yû si-liòng chan-chhâ tui lióng-chho thùng ke sân chûng-kiên chhut-lòi. 2Thô thi-yit liòng chan-chhâ ke he fùng-mâ, thô thi-ngi liòng chan-chhâ ke he vû-mâ. 3Thô thi-sâm liòng ke he pha̍k-mâ, thô thi-si liòng ke he yû pân-tiám ke mâ; tak-chhui ke mâ chhiòn-phu chhin khiòng-chong. 4Ngài chhiu mun lâu ngài kóng-fa ke thiên-sṳ́ kóng: “Chú â, liá-têu chan-chhâ he má-ke yi-sṳ?”

5Thiên-sṳ́ en ngài kóng: “Liá-têu he thiên-táng lòi ke si-chhṳn fûng, he tui phû-thiên-ha ke Chú mien-chhièn chhut-lòi ke.”

6Vû-mâ oi thô-hiong pet-fông to Pâ-pí-lùn hi, pha̍k-mâ hiong sî-fông hi, yû pân-tiám ke mâ hiong nàm-fông hi. 7Liá-têu khiòng-chong ke mâ yit chhut-lòi, chhiu tông sióng-oi hi chhiòn sṳ-kie. Thiên-sṳ́ fûn-fu kì-têu kóng: “Ngì-têu hi sùn-chhà chhiòn sṳ-kie!” Kì-têu chhiu cheu fûn-fu hi. 8Thiên-sṳ́ yu thai-sâng tui ngài kóng: “Khon â! Hiong pet-fông to Pâ-pí-lùn hi ke mâ, yí-kîn chhai ke-vi pûn Song-chú ke thai su-hi phìn-chhin hâ-lòi!”

Vi Yok-sû-â Tai Miên-liù

9Song-chú ke fa yu lìm-to ngài kóng: 10“Ke-têu to-chón-lòi ke ngìn tông-chûng, ngì oi chiông Het-thoi, Tô-pí-ngâ lâu Yâ-thai-ngâ só-hien ke lî-vu̍t, ngiàm-sṳ̀ tai-to Sî-fân-ngâ ke lai-é Yok-sî-â ke vuk-hâ hi; liá sâm-sà he tui Pâ-pí-lùn chón-lòi ke. 11Ngì oi yung kì-têu só-hien ke kîm-ngiùn cho yit-táng miên-liù, tai chhai Yok-sat-tap ke lai-é thai-chi-sṳ̂ Yok-sû-â ke thèu-nà-táng. 12Ngì oi lâu kì kóng: Song-chú — Van-kiûn ke Ngièn-soi án-ngiòng kóng: ‘Khon â, ke ham-cho “Su-kî” ke ngìn#6:12 “ke ham-cho “Su-kî” ke ngìn”: Chhâm-kháu 3:8., kì oi chhai chhṳ-kâ ke thi-fông sâng chhut-hi, pin chhùng-kien Song-chú ke sṳn-thien. 13Kì chhiu-he ke oi hí Song-chú ke sṳn-thien, chiap-su vòng ke yùng-yeu, chhô chhai pó-chho táng, thúng-chhṳ kì chṳ́-mìn ke ke-sà ngìn. Yû yit-ke chi-sṳ̂ oi khî chhai kì ke pó-chho phòng-piên; kì lióng-sà voi chhai fò-phìn chûng khiung-ha tá-piang#6:13 “Yû yit-ke chi-sṳ̂ ... tá-piang” ya-he yi̍t-cho “Kì yu oi chhai pó-chho táng cho chi-sṳ̂, pûn lióng-ke chṳt-vu ha̍p-yit fò-phìn”..’ 14Liá-táng miên-liù oi liù chhai Song-chú ke sṳn-thien cho ki-ngiam-phín, ki-ngiam Het-thoi#6:14 “Het-thoi” he kîn-kí yit kú yi̍t-pún, Hî-pak-lòi-vùn he “Hî-lièn”., Tô-pí-ngâ, Yâ-thai-ngâ lâu Sî-fân-ngâ ke lai-é Yok-sî-â#6:14 “Yok-sî-â” he kîn-kí yit kú yi̍t-pún, Hî-pak-lòi-vùn he “Hièn”..”

15He̍t chhai yén-fông ke ngìn oi chón-lòi hia̍p-chhu chhùng-kien Song-chú ke sṳn-thien. Sṳn-thien chhùng-kien yî-heu, ngì-têu chhiu voi tî he Song-chú — Van-kiûn ke Ngièn-soi chhâi-phai ngài to ngì-têu liá-vi lòi. Na-he ngì-têu vàn-chhiòn chûn-sú Song-chú — ngì-têu Song-ti ke min-lin, liá-sṳ yit-thin voi sṳ̍t-hien.

Currently Selected:

Sat-kâ-li-â Sû 6: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Sat-kâ-li-â Sû 6

Video for Sat-kâ-li-â Sû 6

Zechariah 1-6

BibleProject

Sat-kâ-li-â Sû 6

Popular Bible Verses from
Sat-kâ-li-â Sû 6

Video for Sat-kâ-li-â Sû 6

Zechariah 1-6

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 6

Sat-kâ-li-â Sû 6

Popular Bible Verses from Sat-kâ-li-â Sû 6

Video for Sat-kâ-li-â Sû 6

Zechariah 1-6

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 6

Popular Bible Verses from
Sat-kâ-li-â Sû 6