Mâ-thai 22

Fûn-yîn Yèn-si̍t ke Pí-yi

(Lu-kâ 14:15-24)

1Yâ-sû yu yung pí-yi tui kì-têu kóng: 2“Thiên-koet khó-pí yit-ke koet-vòng vi chhṳ-kâ ke lai-é chún-phi fûn-yîn ke yèn-si̍t. 3Kì phai phu̍k-ngìn hi chhûi kì só chhiáng ke ngìn-hak lòi chhâm-kâ yèn-si̍t, chúng-he kì-têu m̀-hén lòi. 4Kì nang-ngoi yu phai yit-têu phu̍k-ngìn hi, fûn-fu kì-têu lâu ngìn-hak kóng: ‘Ngài ke chok-si̍t yí-kîn pài-hó lé, ngiù-kú lâu phì ke thèu-sâng ya chhṳ̀-hó, yit-chhiet chhiòn-phu chún-phi hó-se lé, chhiáng ngì-têu lòi chhâm-kâ fûn-yîn ke yèn-si̍t.’ 5Chúng-he, ke-têu su yêu-chhiáng ke ngìn-hak hàn-he m̀-tap kì, tak-sà mò-hàn chhṳ-kâ ke sṳ-chhìn: Yit-ke hi thièn-hong, yit-ke hi cho sên-lî, 6khì-thâ ke chhiu chok ke-têu phu̍k-ngìn, vú-yu̍k kì-têu, chiông kì-têu tá-sí. 7Koet-vòng fî-sòng fat-khién, chhiu phai pîn hi chhù-me̍t ke-têu hiûng-sú, piong-fó sêu kì-têu ke sàng-sṳ. 8Yèn-heu, kì tui phu̍k-ngìn kóng: ‘Fûn-yîn ke yèn-si̍t yí-kîn pài-hó, chúng-he siên-chhièn só chhiáng ke ngìn mò chṳ̂-kiet lé. 9Liá-ha ngì-têu hi thai-kiê, chiông só tù-tó ke ngìn chhiòn-phu chhiáng-lòi chhâm-kâ fûn-yîn ke yèn-si̍t.’ 10Só-yî phu̍k-ngìn chhiu hi kiê-lu, chiông só khon-tó ke ngìn, mò-lun hó-fái lûng-chúng chhiáng-lòi, sṳ́ fûn-yîn ke chok-si̍t chhô-to mân-mân.

11“Koet-vòng chhut-lòi khon ngìn-hak ke sṳ̀, khon-tó yit-ke mò chok lî-fu̍k ke ngìn, 12chhiu tui kì kóng: ‘Phèn-yû, ngì lòi liá-vi, ngióng-pân mò chok lî-fu̍k â?’ Ke ngìn tiâm-tiâm mò chhut-sâng. 13Koet-vòng chhiu fûn-fu phu̍k-ngìn: ‘Chiông kì ke sú-kiok thak-hí-lòi, fit-to ngoi-poi ke vû-am-chûng. Chhai ke-vi, kì voi thai-kieu, ngâu-ngà chhiet-chhṳ́.’ ”

14Yâ-sû kiet-lun kóng: “Su yêu-chhiáng ke ngìn tô, chúng-he tet-tó kién-sién ke ngìn séu!”

Na̍p-soi ke Mun-thì

(Mâ-khó 12:13-17; Lu-kâ 20:20-26)

15Fap-li-soi-ngìn chhut-hi, pí-chhṳ́ chhâm-siòng oi ngióng-pân tui Yâ-sû ke fa chhìm pá-piang lòi hoi kì. 16Kì-têu phai chhṳ-kâ ke ho̍k-sâng, thùng Hî-li̍t-tóng ke ngìn khiung-ha hi kien Yâ-sû, mun-kóng: “Sîn-sâng, ngài-têu tî ngì he sṳ̀n-sṳ̍t ke ngìn; ngì chûng-sṳ̍t chiông Song-ti ke tho-lî kau-sṳ ngìn, m̀-kón ngìn ngióng-pân sióng, yîn-vi ngì m̀-voi khon ngìn ke chhìn-mien. 17Chhiáng lâu ngài-têu kóng ngì ke yi-kien: Na̍p-soi pûn Lò-mâ Fòng-ti he vì-poi ngài-têu ke fap-li̍t mò?”

18Yâ-sû tî kì-têu ke fái sîm-su̍t, chhiu kóng: “Ká-hó ke ngìn â, ngióng-pân sióng-oi hoi ngài? 19Nâ yit-chak na̍p-soi ke ngiùn-pi pûn ngài khon!”

Kì-têu chhiu nâ yit-chak ngiùn-pi pûn kì. 20Yâ-sû mun kì-têu kóng: “Liá-ke siong lâu miàng-ho he má-ngìn ke?”

21Kì-têu en-kóng: “He Fòng-ti ke.”

Yâ-sû chhiu tui kì-têu kóng: “Ki-yèn he án-ngiòng, chiông Fòng-ti ke tûng-sî kûi-pûn Fòng-ti, chiông Song-ti ke tûng-sî kûi-pûn Song-ti.”

22Kì-têu thâng-tó liá-ke fa, fî-sòng hî-khì, chhiu lì-khôi kì.

Fu̍k-fa̍t ke Mun-thì

(Mâ-khó 12:18-27; Lu-kâ 20:27-40)

23Chhai ke-ngit, yû-têu m̀ siông-sin fu̍k-fa̍t liá-khien sṳ ke Sat-tû-kâi-ngìn lòi-kien Yâ-sû, mun kì kóng: 24“Sîn-sâng, Mô-sî kóng: ‘Na-he yû yit-ke ngìn ko-sṳ̂n, chúng-he mò chṳ́-ńg, kiâ ló-thâi yit-thin oi thó sú-koá ke â-só cho pû-ngiòng, thoi â-kô chhòn-chûng chiap-thoi.’ 25Thèu-pái, chhai ngài-têu liá-vi sṳt yû chhit-ke hiûng-thi: Thai-kô kiet-fûn heu, màng yû chṳ́-ńg chhiu ko-sṳ̂n, liù-hâ pû-ngiòng pûn kiâ ló-thâi; 26thi-ngi-ke lâu thi-sâm-ke ya he án-ngiòng, yit-chhṳ̍t to thi-chhit-ke, chhìn-hìn chhiòn-phu khiung-yong. 27Chui-mî, ke fu-ngìn-kâ ya ko-sṳ̂n. 28Chhiáng-mun, chhai fu̍k-fa̍t ke sṳ̀-chiet, chhit-ke ngìn chûng kì oi son he nai yit-sà ke pû-ngiòng nè? Yîn-vi kì-têu chhiòn-phu sṳt lâu kì kiet-fûn.”

29Yâ-sû en kì-têu kóng: “Ngì-têu m̀-chho̍k lé! Ngì-têu mò mìn-pha̍k Sṳn-kîn, ya mò chhîn-chhú Song-ti ke khièn-nèn. 30Kì-têu tui sí fu̍k-fa̍t ke sṳ̀, he lâu thiên-táng ke thiên-sṳ́ khiung-yong, mò thó ya mò ka. 31Koân-he sí-ngìn fu̍k-fa̍t ke sṳ, ngì-têu mò thu̍k-ko Song-ti lâu ngì-têu kóng ke fa he-mò? 32Song-ti kóng: ‘Ngài he Â-pak-lâ-hón ke Song-ti, Yî-sat ke Song-ti, Ngâ-kok ke Song-ti.’ Liá yi-sṳ he kóng, Song-ti m̀-he sí-ngìn ke Song-ti, he sâng-ngìn ke Song-ti.”

33Chung-ngìn thâng-tó án-ngiòng ke kau-hiun, kám-kok chhin hî-khì.

Chui-thai ke Kie-min

(Mâ-khó 12:28-34; Lu-kâ 10:25-28)

34Fap-li-soi-ngìn thâng-kóng Yâ-sû chiông Sat-tû-kâi-ngìn tù-to tiâm-tiâm, chhiu chhi-si̍p khiung-ha. 35Khì-chûng yû yit-ke Fap-li̍t kau-sṳ̂ sióng-oi yung yit-ke mun-thì lòi-hoi Yâ-sû, chhiu mun kì kóng: 36“Sîn-sâng, Mô-sî ke fap-li̍t tông-chûng, nai-thiàu kie-min he chui chhung-yeu ke?”

37Yâ-sû kóng: “ ‘Ngì oi yung chhiòn-phu ke sîm-chṳ, chhìn-kám lâu lî-chṳ kin-oi Chú — ngì ke Song-ti.’ 38Liá he kie-min chûng chui-thai lâu thi-yit chhung-yeu ke. 39Thi-ngi-thiàu ya he khiung-yong chhung-yeu: ‘Ngì oi siak lìn-sa, chhiu-chhiong siak chhṳ-kâ yit-yong.’ 40Chhiòn-phu Mô-sî ke fap-li̍t lâu siên-tî ke kau-hiun, chhiu-he yung liá lióng-thiàu kie-min cho kîn-kí.”

Yû-koân Kî-tuk ke Mun-thì

(Mâ-khó 12:35-37; Lu-kâ 20:41-44)

41Fap-li-soi-ngìn chhi-si̍p khiung-ha ke sṳ̀, Yâ-sû mun kì-têu: 42“Ngì-têu tui Kî-tuk ke khon-fap he ngióng-pân? Kì he má-ngìn ke chṳ́-sûn?”

Kì-têu en-kóng: “Kì he Thai-ví ke chṳ́-sûn.”

43Yâ-sû kóng: “Án-ngiòng, Thai-ví su Sṳn-Lìn ke kám-thung, ngióng-pân hàn chhṳ̂n kì cho ‘Chú’ nè? Thai-ví kóng:

44Chú tui ngài ke Chú kóng:

‘Ngì chhô chhai Ngài ke yu-phién,

tén Ngài sṳ́ ngì ke sù-thi̍t phu̍k chhai ngì ke kiok-hâ.’

45Ki-yèn Thai-ví chhṳ̂n kì cho ‘Chú’, Kî-tuk ngióng-voi yu he Thai-ví ke chṳ́-sûn nè?”

46Mò ngìn nèn kóng pan-ki fa lòi en Yâ-sû. Tui ke-ngit yî-heu, ya mò ngìn kám chai mun kì má-ke nàn-thì.

Currently Selected:

Mâ-thai 22: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mâ-thai 22

Videos for Mâ-thai 22

The Way of the Exile

BibleProject

Matthew 22:1-22

Lumo Project

Matthew 22:23-45

Lumo Project

Episode 31: Genesis 6:1-4: The Shocking Scandal of the Sons of God

The Bible Show

Mâ-thai 22

Popular Bible Verses from
Mâ-thai 22

Videos for Mâ-thai 22

The Way of the Exile

Matthew 22:1-22

Matthew 22:23-45

Episode 31: Genesis 6:1-4: The Shocking Scandal of the Sons of God

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mâ-thai 22

Mâ-thai 22

Popular Bible Verses from Mâ-thai 22

Videos for Mâ-thai 22

The Way of the Exile

Matthew 22:1-22

Matthew 22:23-45

Episode 31: Genesis 6:1-4: The Shocking Scandal of the Sons of God

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mâ-thai 22

Popular Bible Verses from
Mâ-thai 22