JOHANU 1
1
1TO whéwhẹwhenu we Ohó lọ ko tin, Ohó lọ ko tin po Jiwheyẹwhe po, Ohó lọ wẹ Jiwheyẹwliẹ. 2Ewọ lọ wẹ ko tin to whẹwhẹ whenu po Jiwheyẹwhe po. 3Gbọn alọ etọn me wẹ yè dá onú popo, to godo etọn onú de ma tin bọ ye sọ dá to onù he yè dá lepo me. 4Ewọ mẹ wẹ ogbè te; ogbè lọ sọ wẹ kinhon gbẹtọ lẹ tọn. 5Hinhọ́n lọ sọ hón to zinvlu me; zinviu lọ ma sọ kẹn, 6Dawe de wá bọ yè dohlan sọn Jiwheyẹwhe de, oyín mẹheton nọ yin Johanu 7Ewọ lọ wẹ wá di kunnudetọ, nado dekunna na hinhọ́n lọ, na gbẹtọ lẹpo nido yise gbọn ewọ dali 8Ewọ ma wẹ hinhọ́n lọ gba, ṣigba e wá nado dekunnu na hinhọ́n lọ. 9Ehe wẹ hinhọ́n nugbo lọ, yèdọ hinhọ́n he to wunhón na gbẹtọ lẹpo, he wiwá aihọn mẹ. 10Ẹwọ ko tin to aihon me, gbọn ewọ mẹ wẹ yè dá aihọn, aihọn ma sọ yón ẹn. 11E wá na onú etọn lẹ, ọmẹ etọn lẹ ma sọ yí i. 12Ṣigba yé omẹ sọha he yí i lẹ, yé we é na ojlọjẹ nado lẹzùn visunnu Jiwheyẹwhe tọn, yèdọ mẹhe yise to oyín etọn mẹ lẹ: 13mehe yè ji, é ma yín gbọn ohùn dali, kavi gbọn ojlo agbasalàn tọn dali, mọ é ma yín gbọn ojlo gbẹtọ tọn dali, adavo sọn Jiwheyẹwhe dali. 14Yè sọ lẹ Ohó lọ zùn agbasalan, é sọ nò mí ṣẹnṣẹn, mí pọ́n gigo etọn gigo he di Ovi dèton dopo akàn sọn Otọ́ de, mẹhe go na ojọmiọn po nugbo po. 15Johanu dekunnu nẹ, bo dawhá, dọmọ, Ehe wẹ, ohó mẹhe tọn yẹn dọ, dọmọ, Mẹhe ja to godo ṣie, é húgan mì; na é ko lẹzùn nukọntọ na mi wutu. 16Na sọn gigọ́ etọn mẹ wẹ mí omẹ pó mọyí te, podọ ojọmiọn na ojọmiọn. 17Na gbọn Moṣe me wẹ yè na osén omẹ, ṣigba Jesu Klisti mẹ wẹ ojọmiọn po nugbo po gbon wá 18Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.
19Ehe wẹ okunnu Johanu tọn, whenuena Ju lẹ do yẹwhenọ lẹ, po Levite lẹ po hlan sọn Jelusalẹm nado kanbiọ ẹ dọ, Menu wẹ hiẹ? 20Ẹwọ sọ yigbè, é ma mónu; ṣigba é yigbè dọ, Yẹn ma wẹ Klisti lọ gba 21Yé sọ kanse ẹ dọ, Bé mẹnu wẹ? Bó Eliya wẹ hiẹ? E sọ dọmọ, Yẹn ma yin ewọ gba. Bé hiẹ we yẹwhegán nẹ? Ewọ sọ gblọn dọmọ, Lala. 22Whenẹnu yé dọ hlan ẹn, dọ, Mẹnu wẹ hiẹ? na mí nido nagbè mẹhe do mí hlan lẹ. Etẹ́wẹ hiẹ dọ gbọn dewe tọn dali? 23E dọmọ, Yẹn wẹ ogbè mẹhe tọn to awhádo to zùngbo mẹ, Mì basi ali Oklunọ tọn do titegbe, 1 dole yẹwhegán Isaia dọ do. 24Yè sọ do yé hlan sọn ogbé Falesi lẹ tọn mẹ. 25Yé kanbiọ ẹ, bo dọ hlan ẹn, dọ, Etẹwutu wẹ hiẹ to bibaptizi, eyín hiẹ ma yín Klisti lọ, kavi Eliya, kavi yẹwhegán nẹ? 26Johanu sọ gblọnna ye dọ, Yẹn yí osìn do baptizi: dawe de to ote to ṣẹnṣẹn mìtọn, mẹhe mì ma yónẹn; 27mẹhe ja to godo siẹ, afọpakan mẹhetọn yẹn ma jẹ na tún. 28Onú helẹ wẹ yè basi to Betania, to Jọdani godo, to ofi he Johanu to bibaptizi te.
29To azán awetọ gbè, Johanu mọ Jesu ja e de, bo dọmọ, Pọ́n Lengbọvu Jiwheyẹwhe tọn, he zé ylando aihọn tọn yì. 30Ehe we, ohó mẹhe tọn yẹn dọ, dọmo Dawe de ja to godo ṣie, mẹhe húgan mi: na é ko lẹzùn nukọntọ na mi wutu. 31Yẹn ma so yón ẹn, ṣigba na ye nido sọ ẹ hia na Islaeli, enẹwutu wẹ yẹn wá, bo yi osìn do to bibaptizi. 32Johanu sọ dekunnu, bo dọmọ, Yẹn mọ Gbigbọ jete sọn olọn di apoe de, é jẹte do e ji. 33Yẹn ma sọ yón ẹn, ṣigba mẹhe do mi hlan nado yí osìn do baptizi, ewọ we dọ hlan mi, dọ, Ota mẹhe tọn ji hiẹ mọ, bọ Gbigbọ jẹ do, bọ e nọte to e ji, ewọ lọ wẹ, mẹhe nọ yí Gbigbọ Wiwé do baptizi. 34Yẹn ko mọ ẹn, bo ko dekunnu dọ ehe wẹ Ovi Jiwheyẹwhe tọn.
35Azán awetọ godo Johanu vó site po nuplọntọ etọn awe po; 36e to pinpon Jesu dile é to zọnlinzin do, bo domọ, Pọ́n Lẹngbovú Jiwheyẹwhe tọn 37Nuplọntọ awe le sè whenuenà é dọ, yé sọ hodo Jesu, 38Whenenu wẹ Jesu légodo, bo mo yé to hihodo e, bo sọ dọ hlan yé, dọmọ, Etéwẹ mì to dindin? Yé dọ hlan ẹn, dọ, Labbi, (tadena ehe ton yín, Meplóntọ,) fie wẹ hiẹ nọnọ̀? 39È sọ dọ hlan ye, dọ, Wá, mì nasọ mọ. Yé wá, bo só mọ fie é nọnọ̀, yé sọ nò po e po to gbènẹgbè: na é yì ojle ogàn aotọ tọn mẹ. 40Dopo to omẹ awe he sè whenuena Johanu dọhó, bo sọ hodo e lẹ mẹ, we Andlé, nọvisunnu Simọni Pita tòn 41E din Simoni nọvisunnu etọn lọsu mọ whé, bo sọ dọ hlan ẹn, dọ, Mìwlẹ ko mọ Messiyá lọ, (tadena ehe tọn yín, Klisti). 42E so hẹn ẹn wá Jesu de. Whenuena Jesu pọ́n ẹn, é dọmọ, Hiẹ wẹ Simọni ovisunnu Johànu tọn, Kéfa we yè na nọ ylọwe dọ, (tadena ehe tọn yín, Osé).
43To azán awetọ gbè, é jlo na tọ́njẹgbonu yì Galili, é sọ pọ́n Filipi: Jesu sọ dọ hlan en, dọ, Hòdo mi. 44Betsaidatọ we Filipi, otò Andlé po Pita po ton. 45Filipi sọ mọ Nátanaeli, bo do hlan ẹn, dọ, Mìwlẹ kó mọ ẹn, mehe Moṣe to osén mẹ, po yewhegán lẹ po kanwé etọn, Jesu Nazalẹti tọn, ovi Josefu ton. 46Natanaeli sọ dọ hlan ẹn, dọ, Bé onú dagbe de sọgan tón sọn Nazaleti? Filipi dọ hlan ẹn, dọ, Wá pọ́n. 47Jesu mọ Natanaeli ja e de, é dọ gbon etọn dali, dọ, Pọ́n Islaelinu nugbo, mẹhe mẹ oblu ma tin te! 48Natanaeli sọ dọ hlan ẹn, dọ, Fie hiẹ yọ́n mi sọn? Jesu gblọn bo dọ hlan ẹn, dọ, Whẹpo Filipi ylọ we, whenuena hiẹ tin to ovotin glọ, yẹn ko mọ we. 49Natanaeli gblọn nẹ do, Labbi, hiẹ we Ovi Jiwheyẹwhe tọn; hiẹ wẹ Ahọlu Islaeli tọn. 50Jesu gblon, bo dọ hlan en, dọ, Hie yise na yen dọ hlán we, dọ, Yẹn ko mọ we whenuena hiẹ tin to ovotin glọ wutu? hie na mo onú he hú ehele. 51E sọ dọ, hlan ẹn, dọ, Nugbo, nugbo, wẹ yẹn dọ hlan mi, Mì na mọ olọn hùn do nuvo angẹli Jiwheyẹwhe tọn lẹ na to aga hẹ́ bo to tejẹ do Ovi gbẹtọ tọn ji.
Currently Selected:
JOHANU 1: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.