ZẸFANIA 2

1Mì bẹ́ míde pli, mọwẹ, mì bẹ́ míde plidopọ, Mì akọta he ma tindo ojlozògbe de emi; 2Whẹpo aṣẹ hẹn jẹgbonu wá, azán juyì di núyọ́, whẹpo adi zògbe OKLUNỌ tọn wá mì ji, whẹpo azán adi OKLUNỌ tọn tọn wá mì ji. 3Mi din OKLUNỌ, mi homẹmiọnnọ aigba lọ tọn le, he ko basi whẹ̀dida etọn; mì din dódó, mì din homẹmiọn: é sọgan yín mì na yín whiwhla to azán adi OKLUNỌ tọn tọn gbè. 4Na Gaza na yín gbigbẹ́dai, podọ Askelọni ovọ́jẹ de: yé na yàn Asdodi jẹgbonu to oklekle, podọ Ẹklọni ni sọ yín adòhọnna. 5Dindọn hían tòmẹnu agbègbèji ohù tọn tọn lẹ, akọta Kẹlẹtinu lẹ tọn! Ohó OKLUNỌ tọn tin agò do mì go, Hiẹ Kanani E, aigba Filistini lẹ tọn; yẹn na và we súdo, bọ tòmẹnu de ma na sọ tin. 6Podọ ohùtó lọ na yín kanlindùgbo lẹ, podo aigbaslo lẹ na lẹngbọhọ́tọ lẹ, po apó lẹ po na lẹngbopa lẹ. 7Podọ ohùtó lọ na tin na pipòtọ owhé Juda tọn tọn lẹ; yé na nọ yìn lẹngbọpa yetọn lẹ to enẹ ji: to ohọ̀ Askelọni tọn lẹ mẹ wẹ yé na mlọnai te to whèjai; na OKLUNỌ Jiwheyẹwhe yetọn na dla yé pọ́n, bo sọ vọ́ mẹmẹglọ yetọn hẹnwá. 8Yẹn ko sè ovlẹ Moabi tọn, po avlẹda ovi Amọni tọn le tọn lẹ po, he yé ko do to omẹ ṣie lẹ vlẹ, bo sọ hẹn yéde klo do agbóji yetọn go 9Enẹwutu le yẹn togbẹ̀, wẹ OKLUNỌ awhànpa lẹ tọn dọ, Jiwheyẹwhe Islaeli tọn, Nugbonugbo Moabi na tin di Sọdọmi, podọ ovi Amọni tọn lẹ di Gomọla, nutindo azózòmaliagba lẹ tọn, po ojẹdò lẹ po, po ovójẹ whepoponu de po: pipòtọ omẹ ṣie lẹ tọn na gble yé, podọ pipotọ omẹ ṣie lẹ tọn na sọ yi yé do dugú. 10Ehe wẹ yé na tindo na sakla yetọn, na yé ko vle bo sọ jlayinna yede to omẹ OKLUNỌ awhànpa lẹ tọn tọn ji wutu. 11OKLUNỌ na yín osinọ hlan yé: na ewọ na hẹn vodun aigba lọ tọn lẹpo kúhùvẹ́; gbẹtọ lẹ na sọ nọ litaina ewọ, omẹ dopodopo sọn otẹn etọn mẹ, yèdọ ohùtóigba akọta lẹ tọn lẹpo. 12Mì Étiopianu lẹ ga, mì na yín hùhù gbọn ohi ṣie dali. 13Podo ewọ na dlẹn alọ etọn jẹgbonu do agéwaji go, bo sọ và Asilia súdo; bo na sọ hẹn Nineve zùn ovọ́jẹ de, bo sọ hú taidi zùngbomẹ lọ. 14Lẹngbọ lẹ bo na sọ mlọnai to gblagbla ewọ tọn mẹ, kanlin hùnkọ lẹpo tọn lẹpo: apófọ po ajinján po na nọ nọ̀ opòtin etọn lẹ mẹ: ogbè yetọn na to hànji to vẹ́sẹ́nuvo lẹ mẹ; sìnnùgbla na tin to họntònu lẹ mẹ: na ewọ ko hẹn azọ́n kedali tọn lọ gbọgbé. 15Ehe wẹ tòdaho ayánọ he yí matintuklajẹ do nọ̀, he dọ to ayiha etọn mẹ dọ, Yẹn tin, podọ mẹdẽvo de ma tin fine adavo yẹn: nawẹ ewọ tin lẹzun ovọ́jẹ de do le, otẹn de na kanlin lẹ nado nọ mlọnai to e mẹ omẹ dopodopo he ju gbọn e dali lẹ na dèpiṣlọ bo sọ mì alọ etọn.

Currently Selected:

ZẸFANIA 2: BWL23

Highlight

Copy