PSALM 81
81
1MI jihàn lélé hlan Jiwheyẹwhe huhlọn mítọn:
Mì jaya homẹhùnhùn tọn hlan Jiwheyẹwhe Jakobu tọn.
2Mì yí ohàn wiwe, bo sọ hẹn akọ̀hún wá,
Ajalẹn gbèvivinọ po asiazọ̀n hànjinu po.
3Mì kún opẹ̀n lọ to osùn yọ́yọ́ mẹ.
To osùn mázán ji, to azán hùnwhẹ ayidego mítọn ji.
4Na ehe wẹ osẹndoai na Islaeli,
Osẹ́n Jiwheyẹwhe Jakobu tọn tọn de.
5Ehe wẹ é doai to Josẹfu mẹ na
Whenuena é gbọn aigba Egipti tọn ji jẹgbonu:
Fie yẹn sè ohógbè mẹhe yẹn ma yọnẹn de tọn te.
6Yẹn dè abọ̀ etọn sọn oglọ agbàn lọ tọn
Yè sọ hẹn alọ etọn lẹ vò sọn oha lọ mẹ.
7Hiẹ ylọ to nukunbibia mẹ, yẹn whlẹn we;
Yẹn siọ we to fìwhiwhlá osò tọn lọ mẹ:
Yẹn mọdòna we to osìn Mẹliba tọn kọ̀n, Selah.
8Mì sè, mì omẹ ṣie emi, yẹn na sakunnu hlan we;
Islaeli, eyín hiẹ na dotóai hlan mi,
9Yẹwhe dẽvo de ma na tin to hiẹmẹ;
Mọ hiẹ ma na sẹ́n yẹwhe ojono de.
10Yẹn wẹ OKLUNỌ Jiwheyẹwhe towe,
He hẹn we hẹaga sọn aigba Egipti tọn ji:
Kẹ̀ onù towe gblo, yẹn na gọ́ ẹ.
11Ṣigba omẹ ṣie lẹ ma sè ogbẹ̀ ṣie;
Islaeli ma sọ jlo ṣie.
12Mọwẹ yẹn gbọ yé ni yìyì to tólivivẹ ayiha yetọn tọn mẹ;
Na yé nido zinzọnlin to ohónamẹ yetọn titi lẹ mẹ.
13Ṣó dọ omẹ ṣie lẹ do dotóai hlan mi,
Dọ Islaeli do zọnlinzin to aliho ṣie lẹ ji!
14Yẹn do gba whàn kẹ̀ntọ yetọn lẹ tọn plaun,
Yẹn do diọ alọ ṣie do mẹglatọ yetọn lẹ go.
15Wangbẹnamẹtọ OKLUNỌ tọn lẹ do jo yéde hlan ẹn:
Ṣigba whenu yéwlẹ tọn do notẹ dẹn kaka.
16Likún dagbedagbe wẹ ewọ do yí do na núdùdù yé ga:
Owín he to awinyan mẹ wẹ yẹn do yí do pékòna yé.
Currently Selected:
PSALM 81: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.