PSALM 2
2
1ETẸWUTU wẹ kosi lẹ to adanjẹ,
Bọ gbẹtọ le do to ayihamẹlẹnpón na onú ovọ́?
2Ahọlu aigba tọn lẹ ṣite,
Ogán lẹ sọ to núbìa do OKLUNỌ go,
Podọ do mẹyiamisisadodè etọn go, dọ,
3Mì gbọ mí ni wén ogàn yetọn gbidigbidi,
Bo zé okàn yetọn dlangbé sọn mí dali.
4Mẹhe sinai to olọn lẹ mẹ na kò yé:
OKLUNỌ na yí yé do davle.
5Whenẹnu wẹ é na dọhó hlan yé to homẹgble etọn mẹ,
Bo nasọ dobuna ye to adanjijẹ zògbe etọn mẹ.
6Mọ yẹn ko zé ahọlu ṣie Do Ziọni osé wiwe ṣie ji.
7Yẹn na dọ oséndoai lọ:
OKLUNỌ ko dọ hlan mi, dọmọ,
Hiẹ wẹ Ovi ṣie;
Egbé wẹ yẹn dè we tọ́n.
8Biọ mi, yẹn nasọ yí kosi lẹ na we na ogú towe,
Aigba pòdo lẹ na nútindo towe.
9Opò ogàn tọn wẹ hiẹ na do gbà yé;
Hiẹ nasọ lì yé pódọpọdọ di okò zẹnmẹtọ ton.
10Enẹwutu nuyọnẹn ni pe mì dinvie, mì ahọlu emi;
Na yè ni sọ plọ́n mì, mì whẹ̀datọ aigba tọn emi.
11Mì yi osi do sẹ̀n OKLUNỌ,
Bo sọ jaya po sisọsisọ po.
12Yí nùdonùgo na Ovi lọ, é nika sadi, míwlẹ bo nasọ và to ali lọ ji,
Whenuena homẹgble etọn fọ́ngu vude.
Donanọ wẹ yé he din fibẹ̀tado to e mẹ lẹ.
Currently Selected:
PSALM 2: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.