HÓWHÍNWHÉN LẸ 1
1
1HÓWHÍNWHÉN Sọlomọni tọn, ovi Davidi, ahọlu Islaeli tọn tọn le;
2Nado yón nuyọnẹn po mẹplọnlọ po;
Nado tùnwun oho wuntùntùn tọn.
3Nado mọ mẹplọnlọ zìnzìn tọn, to dódo, whẹ̀dida po kunnumahu po mẹ;
4Nado na zìnzìn hlan mayọndèno,
Oyọnẹn po hóyọnẹn po hlan sunnu dẹpẹ
5Na nuyọnẹntọ nido sè, bo sọ sudeji to nupinplọn mẹ;
Podọ na zìnzìntọ nido yíjẹ hónamẹ whínwhén lẹ kòn:
6Nado tùnwun hówhínwhón de, po oló de po;
Ohó nuyọnẹntọ tọn lẹ po agọ̀gbè yetọn lẹ po.
7Dòdo oyọnẹn tọn wẹ osi OKLUNỌ tọn:
Ṣigba oklenọ vlẹ nuyọnẹn po mẹplọnlọ po.
8Ovi ṣie, sè mẹplọngbè otọ́ towe tọn,
A gb osén onọ towe tọn dai blo:
9Na ye na yín gbakun whanpẹ tọn de hlan ota towe,
Podọ okòjé lẹ de lẹ́do okọ̀ towe.
10Ovi ṣie, eyín ylandonọ lẹ klọ we,
A dikè blo.
11Eyín ye dọmọ, Wá gọ́na mí,
Gbọ mí ni tòwu na ohùn,
Gbọ mí ni java do nuglọ na homẹvọnọ whemahu.
12Gbọ mí ni ze yé mì gbẹ́te di kútòmẹ;
To agbligbẹ, di yé he jẹte jei odò mẹ lẹ.
13Mí na din adọkun lẹpo mọ,
Mí na yí ogblan do gọ́ ohọ̀ mítọn lẹ.
14Hiẹ na kọn ovò towe do ṣẹnṣẹn mítọn;
Mí omẹ pó na tindo sẹ́gẹ dopo.
15Ovi ṣie, a zinzọnlin to aliho hẹ yé blo;
Gọ̀ afọ towe sọn omọ́ yeton ji:
16Na afọ yetọn dowezun hlan oylan,
Bo sọ yá nado kòn ohùn dai;
17Na yaya wẹ yè kun odò dai
To ohó depope nukunmẹ:
18Ye dowuna ohùn yéde tọn;
Yé to avajẹ to nuglọ na ogbọ́ yéde tọn.
19Mọwẹ aliho mẹhe yín wónkutọ bublu tọn lẹpo tọn te;
É nọ yí ogbẹ́ onúnọ etọn lẹ tọn yì.
20Nuyọnẹn to awhá lélé do to aligboji;
E to ogbè etọn do to ofi gbigblo lẹ:
21É to awhádo to aligbo jinján lẹ ji:
To bibiọ họmẹ họngbo lẹ tọn mẹ, to tòdahó mẹ,
E to oho etọn lẹ dọ:
22Na é na dẹn do, mì mayọndẽnọ, bọ mì na do yiwanna mayọndẽ?
Bọ mẹylẹtọ na do tindo homẹhùn to ovlẹ yetọn mẹ,
Bọ oklenọ na do gbẹwanna ọyọnẹn?
23Mì diọ to wọhẹ ṣie mẹ,
Dayi e go, yẹn na kọ̀n gbigbọ ṣie hlan mi mẹ,
Yẹn na yí ohó ṣie hia hlan mì.
24Na yẹn ylọ, bọ mì gbó wutu;
Yẹn dlẹn alọ ṣie, bọ mẹde ma hopón wutu;
25Ṣigba mì gbẹkọ ohónamẹ ṣie lẹpo go,
Bo ma sọ jlo wọhẹ ṣie.
26Yẹn ga na kò toojlẹ nukunbibia mítọn tọn mẹ;
Yẹn na vlẹ whenuena sisọsisọ mítọn wá.
27Whenuena sisọsisọ mítọn wá di gbigbà,
Bọ nukunbibia mítọn sọ wá di jẹhọn vivatọ;
Whenuena tukla po awufiẹ po wá mì ji;
28Whenẹnu wẹ yé na ylọ mi, ṣigba yen ma na siọ,
Yé na whesọ do din mi, ṣigba yéma na mọ mì.
29Na yé gbẹwanna oyonen,
Bo ma sọ dè osi OKLUNỌ tọn gba.
30Yé ma jlo ohónamẹ ṣie:
Yé vlẹ wọhẹ ṣie lẹpo.
31Enẹwutu yé na nọ dù sinsén ali yetọn titi tọn,
Bo yí ohónamẹ yetọn titi lẹ do gó yé.
32Na godogọyì mayọndẽnọ lẹ tọn na hù yé súdo,
Nuyónna oklenọ lẹ tọn na gbà yé súdo.
33Ṣigba mẹhe tuntóai hlan mi na tin mahanú,
Bo nasọ nọ́ blẹo matin obudi oylan tọn.
Currently Selected:
HÓWHÍNWHÉN LẸ 1: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.