MATIU 12

1TO ojlẹ ne mẹ wẹ Jesu jugbọn gbadóglè ṣẹnṣẹn to gbọjẹzángbè; hùvé sọ to nuplọntọ eton le hù, ye so ṣẹ̀ gbadófé yà, bo sọ to dùdù 2Whenuena Falesi lẹ mo ẹn, yè dọ hlan en, dọmọ, Pọ́n, nuplọnto towe le to onú he ma jẹ na wà wà to gbọjẹzángbè.

3Ṣigba é dọ hlan yé, domo, Be mìwlẹ ma hia onú he Davidi wa, whenuena hùvé to ewọ hù po mẹhe tin to e de le po 4le é biọ ohò Jiwheyẹwhe tọn me, bọ yé dù akla sọhia tọn, ehe é ma jẹ nẹ̃ na dù, kavi na mehe tin to e de le, adavo na yẹwhenọ lẹ dopokedẹ. 5Kavi mìwlẹ ma hia to osén mẹ dọ, to gbọjẹzángbè, yẹwhenọ he to templi me lẹ to azán gbọjẹ tọn hẹn gble, bo sọ yín mawaylannọ? 6Ṣigba yẹn dọ hlan mì, dọ, Ode hú templi tin to ofi. 7Ṣigba eyín mìwlẹ do yọn onú he ehe yín, Lẹblanu wẹ yẹn jlo, é ma yín avọ́, mìwlẹ ma do gblewhèdo mawàylannọ lẹ gba. 8Na Ovi gbẹtọ tọn wẹ Oklunọ gbọjẹzán tọn.

9Whenuena é ton son finẹ, é biọ sinagọgu yetọn mẹ: 10pon, dawe de tin to finẹ, mẹhe alọ etọn dopo kusẹ. Yé sọ kanbiọ ẹ dọmọ, E jẹ na hẹnazọ̀ngbọ na omẹ to gbọjẹzángbè? na yé nido mo otẹn jewhè eton.

11E do hlan yé, domo, Gbẹtọ téwẹ tinto mì ṣẹnṣẹn, he na tindo lengbo dopo, ehe flẹ́ jẹ odò mẹ to gbojẹzángbè, bé ewọ ma na tédo e go, bo zé e jegbonu? 12Bé nẹmunẹmu wẹ gbẹtọ do yon hú lẹngbo Enẹwutu é jẹ nado wà dagbe to gbojẹzángbè.

13Whenẹnu wẹ é dọ hlan dawe lọ, dọ, Dlen alọ towe. E sọ dlẹn ẹn: é sọ jẹ gángán di awetọ.

14Whenẹnu wẹ Falẹsi lẹ tónjẹgbonu, bo kanayiha do e go, le yé na hù i súdo do. 15Ṣigba whenuena Jesu yon en, é jagò sọn finẹ: gbẹtọ susu sọ to hihodo e, é sọ henazòngbona yé omẹ pó; 16é sọ kóna yé do, yé do e hia blo: 17na ehe yè dọ gbon onù Isaia yẹwhegán tọn mẹ nido di, dọ, 1

18Mì pon, devi fie, mẹhe yẹn ko dè;

Meyiwánna ṣie, mehe me yè henhomẹhùn alindọn ṣie te dagbedagbe:

Yẹn na yi gbigbọ ṣie do e ji, ewọ naso la whẹ̀dida hlan Kosi lẹ.

19E ma to avùn na hò, é ma to awhá na do;

Mọ mẹdepope ma to ogbè etọn na sè to alihogbó ji

20Ofán gbigbà wẹ ewọ ma to na wén,

Sekan he to azò tì we ewọ ma to na si,

Kaka é do whẹ̀dida hlangbonu jè awhàngba mẹ.

21Oyín etọn mẹ wẹ Kosi lẹ na dotódido te.

22Whenenu wẹ yè hen dawe lẹgbanọ, nukuntọnnọ podọ unbọpen de wá e de: é sọ hẹnazòngbọ nẹ, somọ bọ unbọpẹn mọnú bo sọ to hódọ. 23Yè sọ hẹn avọ̀vò, agùndaho lẹpo lọ, bo sọ domọ, Ehe we visunnu Davidi tọn lọ nugbo?

24Whenuena Falẹsi lẹ sè, yé dọmọ, Dawe he ma yàn legba lẹ jẹgbonu gba, adavo gbọn Beẹzẹbuli ogán aovi lẹ tọn dali.

25Yínyón linlẹn yetọn lẹ, é dọ hlan yé dọmọ, Ahọludu depope he klán do ede ji, yè hen ẹn wá vójẹ; podọ otòdaho depope kavi owhé he so klán do ede ji, ma na nọte gba? 26Eyín Satani yàn Satani jegbonu, é klán do ede ji; bó nawẹ ahọludu etọn na nọte do? 27Eyín yen gbọn Beezebuli dali yàn aovi lẹ jẹgbonu, menu dali wẹ visunnu mìton le ka to yé yàn jẹgbonu gbọn? Enẹwutuwẹ yé na yín whẹdatọ mìtọn lẹ. 28Ṣigba eyín yen to aovi lẹ yàn jẹgbonu to Gbigbọ Jiwheyẹwhe tọn mẹ, bé ahọludu Jiwheyẹwhe ton wá mì ji. 29Kavi nawẹ mede sọgan bio owhé adantọ lọ tọn gbe do, bo gba agbàn etọn lẹ, adavo é bla adantọ lo whé? whenẹnu we é na wla owhé etọn 30Ewo he ma nọ hẹ mi, é jẹago do ogo e; mehe ma sọ bé pli hẹ mi, e vunvúnvúnvún pé 31Enẹwutu we yẹn do hlan mì, dọ, Ylando depope po nùzinzan lepo po wẹ yè na jona gbẹtọ : ṣigba nùzinzan do Gbigbọ Wiwé go, yè ma to na jona gba. 32Mẹdepope he dọhó do Ovi gbeto tọn go, yè na jona ẹn: ṣigba mẹdepope he dọhó do Gbigbọ Wiwé go, yè ma na jona ẹn to aihọn he mẹ, podọ to aihọn he ja mẹ. 33Kavi hẹn atin yín dagbe, sinsén etọn yín dagbe; kavi hẹn átm yín yinyọn, sinsẹ́n etọn yín ylanylan: na sinsẹ́n atin tọn wẹ yè do nọ yón atin. 34Mì ovi amapoe tọn emi nawẹ mìwlẹ yínyín mẹylankan sọgan dọ onú dagbe lẹ do? na sọn susugégé ayiha me tọn mẹ we onù to didọ. 35Omẹ dagbe lọ sọn adọkunnú dagbe ayiha eton me tọn me we é nọ hẹn onú dagbe jẹgbonu wá: 1 gbẹtọ ylankan sọn adọkunnú ylankan etọn mẹ wẹ e nọ hẹn onú ylankan jẹgbonu wá 36Ṣigba yen dọ hlan mì, dọ, Ohó gblo he gbẹtọ to didọ lẹpo, yé na whè yé dọ to azán whẹ̀dida tọn gbè. 37Na gbọn ohó towe mẹ wẹ yè na sùwhena we, gbọn ohó towe mẹ wẹ yè nasọ gblewhẹdo we.

38Whenenu wẹ dopo to wekantọ po Falẹsi lẹ po mẹ dọ hlan ẹn, dọmọ, Mẹplóntọ, mìwlẹ jlo na mọ ohia de son de we 39Ṣigba é gblọn bo dọ hlan yé, dọmọ, Whẹndo ylankan ayòdetọ to ohia din na mọ; yè ma to ohia de na na ẹn gba, adavo ohia Jona yẹwhegán tọn. 40Na dile Jona nò okle atọ̀n ozán atọ̀n to ohò olia tọn mẹ; mowẹ Ovi gbẹtọ tọn na nò okle atón ozán atọ̀n to aigba hòmẹ; 41Gbẹtọ Ninivẹ tọn lẹ na fọ́n to whẹ̀dida mẹ do whẹndo he ji, bo so gbléwhèdo e: na yé lẹnvọjo na yewhẹhodidọ Jona tọn wutu: bo pon, ode bú Jona tin to ofi 42Ahọsi hùwaji dali tọn na fọ́n to whédida mẹ do whẹndo he ji, bo sọ gbléwhèdo e: na é sọn podo aigba tọn wa nado sè núọnen Sọlọmoni tọn; bo pọ́n, ode hú Solomoni tin to ofi. 43Ṣigba gbigbọ mawe, whenuena yè hẹn ẹn tón sọn gbẹtọ lọ go nọ gbọn ofi matinsìn le, do to gbọjẹ din, bo ma sọ mọ ẹn. 44Whenẹnu wẹ é dọmọ, Yẹn na lẹgò yì owhé ṣie gbè fie yẹn tón sọn; whenuena é sọ wá, é mo ẹn jẹvo, yè zà ẹ, bo sọ doasọ nẹ. 45Whenẹnu wẹ é yì, bo sọ hẹn gbigbọ ṣinawe devo he ylankan hú ewlọsu, yé sọ biọ ohò etọn mẹ, bo so nọnọ̀ fine: godomẹ dawe lọ tọn sọ ylanhú tintantọn. Mọkẹdẹ wẹ é na nọ hlan whendo ylankan he ga.

46Le é to ohó helẹ dọ hlan gbẹtọ lẹ, pọ́n, onọ etọn po mẹmẹsunnu etọn lẹ po site to gbonu, bo dindin ohó na dọ hẹ ẹ. 47Whenẹnu wẹ dawe de dọ hlan ẹn, dọ, Pọ́n, onọ towe po mẹmẹsunnu towe lẹ po site to gbonu, yé dindin ohó na dọ hẹ we. 48Ṣigba é gblọn bo dọ hlan mehe dọ nè, dọmọ, Mẹnu wẹ onọ ṣie? mẹnu sọ wẹ mẹmẹsunnu ṣie lẹ? 49E sọ dlẹn alọ etọn jegbonu hlan nuplọntọ etọn lẹ, bo dọmọ, Mì pọ́n onọ ṣie po mẹmẹsunnu ṣie lẹ po! 50Na medepope he wa ojlo Otọ ṣie he tin to olọn mẹ tọn, ewọ wẹ mẹmẹsunnu ṣie, mẹmẹyọnnu ṣie, po onọ ṣie po.

Currently Selected:

MATIU 12: BWL23

Highlight

Copy