LUKU 9

1E ylọ nuplọntọ etọn wiawe lẹ dopọ, bo sọ na huhlọn yé po aṣẹ́ po to aovi lepo ji, podọ nado hẹn awutuzòn lẹ gbọ. 2E sọ do yé hlanyì gbonu nado dọyewheho ahọludu Jiwheyẹwhe tọn, podọ nado hẹn azọ̀n lẹ gbọ. 3E sọ dọ hlan yé, dọ, Mì hẹn núde yì na gbéjizọnlin mìtọn blo, opò, kavi sakoto, kavi akla, kavi akuẹ; mọwẹ dopodopo mìtọn sọ do awù awe blo. 4Owhé depope gbè mì biọ, finẹ wẹ mì ni nò, finẹ wẹ mì ni fọ́nyì sọn. 5Podọ omẹ sọha he ma yí mì, whenuena mì fọ́njei sọn otòdaho lọ mẹ, na mì ni húnhún kógudu sọn afọ mìtọn go na okunnu de do yé ji. 6Yẹ sọ fọ́nyì, bo sọ gbọn gbeta lẹ mẹ to y: yì, bo to yẹwheho wẹndagbe tọn dọ, bo sọ to azọnhengbọna omẹ to ofi popo.

7Hẹlọdi otògán sọ sè onú he yè to wiwà lẹpo: é sọ jẹflu talala, na yè to didọ to mẹdẽ lẹ de, dọ Johanu wẹ fọ́n sọn osiọ lẹ mẹ; 8podọ to mẹdẹvo lẹ de, dọ Eli sọawúhia; podọ to mẹdevo lẹ de, dọ dopo to yẹwhegán hóhó tọn lẹ mẹ fọ́n. 9Hẹlọdi sọ dọmọ, Johanu yẹn ko gbòtana: ṣigba mẹnu wẹ ewọ he yẹn to onú helẹ hunkọ sè gbọn e dali he? E sọ jlo na mọ ẹn.

10Apọsteli lẹ, whenuena yé lẹgò, yé dọ onú he yé wá lẹpo nẹ̃. E sọ yi yé, bo sọ yì apadopo hlan todahọ dali, he yè nọ ylọ Bẹtsaida. 11Ṣigba agùndaho lẹ lọ mimọ ẹn hlan hodo e; é sọ yí yé, bo sọ dọhó ahọludu Jiwheyẹwhe tọn hlan yé, bo sọ hẹnazọ̀ngbọna yé he jlo azọ̀nhẹngbọna lẹ. 12Wbenuena okle sọ ṣẹ̀ vivọ, whenẹnu wẹ mẹwiawe le wá, bo sọ dọ hlan ẹn, dọmọ, Do agùndaho lọ hlan yì, na yé nido yì gbeta, po otò he lédo lẹ lo mẹ, na yé ni yì jẹ, podọ nado din núdùdù; na zùngbo mẹ wẹ mí te to ofi. 13Ṣigba é dọ hlan yé, dọ, Mì na yé nado dù. Yé sọ dọmọ, Mìwlẹ ma tindo hú akla atón po wlieyi awe po gba; adavo mìwlẹ yì hó núdùdù na gbẹtọ he lẹ. 14Na yé yì sunnu degbadefọtọ̀n hunkọ. E sọ dọ hlan nuplọntọ etọn lẹ, dọ, Mì hẹn yé ni jagla kande aokandeao to ogbémẹgbẹmẹ. 15Yé sọ wà mọ, yé sọ hẹn yé omẹ pó jagla. 16Whenẹnu wẹ é yí akla atón, po whevi awe lẹ po, pinpọn aga hlan olọn, é dona yé, bo sọ kán, bo yí na nuplọntọ lẹ nado zé do agùndaho lọ nukọn. 17Yé sọ dù, yé omẹ pó sọ gọhò: yé bé oha wiawe pli na dupò he pò hlan yé.

18E sọ wá jọ le é pò ewọ dopo to dèho, nuplọntọ lẹ tin to e de: é sọ kanse yé dọmọ, Mẹnu wẹ agùndaho lẹ lọ dọ dọ yẹn yín? 19Yé sọ gblọn, dọmọ, Johanu Baptisti; ṣigba mẹdelẹ dọ, Eli; medevo sọ dọmọ, dopọ to, yẹwhegán hóhó tọn lẹ mẹ wẹ fọ́n. 20Ẹ sọ dọ hlan yé, dọmọ, Ṣigba mẹnu wẹ mìwlẹ dọ dọ yẹn yín? Pita sọ gblọn dọmọ, Klisti Jiwheyẹwhe tọn. 21E só nasé yé bo sọ dosénna ma nado dọ ehé na mẹde; 22dọmọ, Ovi gbẹtọ tọn ma sọgan nọ ma jiya onú susu tọn, bọ yè nasọ gbé ẹ sọn mẹho lẹ de, po ogán yẹwhenọ lẹ tọn po, po wekantọ lẹ po, bo sọ yín hùhù, to azán atọntọ, yè nasọ fọ́n ẹn do ogbẹ. 23E sọ dọ hlan yé omẹ pó, dọ, Eyín mẹde na jlo hodo mi, gbọ é; ni món ede, bo sọ zé satin etọn egbesọ, bo hodo mi. 24Na mẹdepope he na jlo whlẹn alindọn etọn gán, na bú i; sigba mẹdepope he na bú alindọn etọn na yẹn wútu, dopolọ wẹ na whlẹn ẹn gán. 25Na etẹwe omẹ de do yín alẹnọ, eyín é duale aihọn pete tón, bo bú, kavi hẹn ede lọsu siai? 26Na mẹdepope he winyan ṣie po ohó ṣie po tọn hù, ewọ wẹ winyan etọn na hù Ovi gbẹtọ tọn, whenuena é ja to gigo ewlọsu tọn mẹ podọ to Otọ́ etọn tọn mẹ, podọ to angẹli wiwe lẹ tọn mẹ. 27Ṣigba yẹn dọ sọn nugbọ de mẹ na mì, Mẹdelẹ site to ofi, he ma na dó okú pon, kaka yé na mọ ahọludu Jiwheyẹwhe tọn.

28E sọ wá jọ azán sinatòn nkọ to ohó helẹ godo, é yí Pita, po Johanu po, po Jakobu po, bo sọ hé aga biọ osó lọ mẹ, nado hodè. 29Le é to dèho, nukunmẹ etọn diọ, avọ̀ etọn wé pẹn, bo sọ to sisó mlanmlan. 30Do ayi e go, sunnusi awe to hódọ hẹ ẹ, he yín Moṣe po Eli po: 31Mẹde sọawúhia to gigo mẹ, yé sọ to ohó oku etọn tọn dọ, ehe ewọ na dotana to Jelusalẹm. 32Ṣigba nukun Pita po yé he tin to e de lẹ po tọn pọ́n na amlọn: whenuena yé sọ fọ́n, yé mọ gigo etọn, po sunnusi awe he site to é de lẹ po. 33E sọ wá jọ, le yé klan sọn e de, Pita dọ hlan Jesu, dọ, Oklunọ, é yọn na mìwlẹ nado tin to ofi: bo sọ gbọ mí ni basi avaja atón; dopo na hiẹ, dopo na Moṣe, dopo na Eli; ma yón onú he é to didọ. 34Le é to onú helẹ dọ, aslọ de wá, bo sọ ṣinyọn oyè yé ji: obu sọ di yé whenuena yé to aslọ lọ mẹ biọ jei 35Ogbè de sọn aslọ lọ mẹ, dọmọ, Ehe wẹ Ovi yiwanna ṣie; mì nọ sè etọn. 36Whenuena ogbè lọ sọ juwayì, Jesu dopo akan wẹ yé mọ. Yé sọ whlá ẹ, yé ma sọ dọ onú he yé mọ depope na mẹde to azán nẹlẹ mẹ.

37E sọ wá jọ, to aihọn gbè, whenuena yé tejẹ sọn osó lọ ji ja agùndaho de pé e. 38Do ayi e go, dawe de sọn agùndaho lọ mẹ dawhá, dọmọ, Mẹplọntọ, yẹn vé we, nado pọ́n ovi ṣie; na ovi ṣie dopo akan lọ wẹ. 39Bo do ayi e go, gbigbọ de nọ hẹn ẹn, é sọ nọ dawhá ajiji; é nọ dlẹn ẹn, bọ é nọ yén fútúfutu, é nọ gbleawu nẹ, é ma nọ jo é apla gba. 40Yẹn sọ vé nuplọntọ towe lẹ nado yàn ẹn tón; yé ma sọ sọgan gba. 41Jesu sọ gblọn dọmọ, Whendo mayisenọ, gblewanọ, na yẹn na nò hẹ mì dẹn sọ? Hẹn ovi towe wá ofi le. 42Le é sọ ja, aovi lọ zé e liai, bo sọ dlẹn ẹn, Jesu sọ wọhẹ gbigbọ mawe lọ, é hẹnazọ̀ngbọna ovi lọ, bo sọ dòn en na oto etọn. 43Awu sọ ji yé omẹ pó do gigodaho Jiwheyẹwhe tọn go. Ṣigba whenuena yé omẹ pó sọ to avọ̀sa do onú he é wà lepo go, é dọ hlan nuplọntọ etọn lẹ, dọ, 44mì gbo ohó helẹ ni siọ biọ otọ́ mìtọn me: na yè na jo Ovi gbẹtọ tọn do alọ gbẹtọ le tọn mẹ. 45Ṣigba yé ma yón ohó lọ, é sọ buwun do yé, na yé ma tunwun in; obu sọ to yé di nado kàn ohó lọ biọ e.

46Whenẹnu wẹ linlẹn fọ́n to yé mẹ, menu wẹ na yín mẹhe klohú to yé mẹ. 47Whenuena Jesu mọ linlẹn ayiha yetọn me tọn, é yí ovivu dopo, bo zé e sinai to é de, 48bo dọ hlan yé, dọ, Mẹdepope he na yí ovivu helẹ to oyín ṣie mẹ, é yí mí: mẹdepope he sọ yí mi, é yí ewọ he do mi hlan: na ewọ he whehú to mì omẹ pó mẹ, dopolọ wẹ yín kiklo.

49Johanu sọ gblon bo dọmọ, Mẹplọntọ, mìwlẹ mọ mede yí oyín towe do to aovi lẹ yàn; mí sọ ko nẹ, na é ma hodo we hẹ mí wutu. 50Jesu sọ dọ, hlan ẹn, dọ, A kó nẹ ba blo: na ewọ he ma jagò do mì go, mìtọn wẹ.

51E sọ wá jọ; whenuena ojle yíyí i do aga whenu sọ, é zé nukun etọn whete do Jelusalẹm yìyì ji, 52e sọ do médagun hlan nukọn etọn: yé sọ yì, bo biọ gbeta Samalitọ lẹ tọn de mẹ, nado wleawu dai nẹ̃. 53Yé ma sọ yí i, na nukun eton tin dimẹ é jei Jelusalẹm wutu. 54Whenuena nuplọntọ etọn le Jakobu po Johanu po mọ ehe, yé dọmọ, Oklunọ, hiẹ na jlo mí ni ylọ miyọn sọn aga, na é ni fiọ ye, dilè Eli wà do? 55Ṣigba e lé, bo wọhẹ yé, bo sọ domọ, Mì ma yón gbigbọ he hunkọ mì tindo gba 56Na Ovi gbẹtọ tọn ma wá nado hù ogbè gbẹtọ tọn súdo; adavo nado whlẹn yé gán. Yé sọ yì gbeta devo.

57Le yé jei to aliho, dawe de dọ hlan ẹn, dọ, Oklunọ, yẹn na hodo we gbọn fidepope he hiẹ jei, 58Jesu sọ dọ hlan ẹn, dọmọ, Wọtupọẹ lẹ tindo odò, ohẹ oji aga tọn lẹ sọ do adó, ṣigba Ovi gbẹtọ tọn ma tindo ófì de na do ota etọn ai te gba. 59E sọ dọ hlan mẹdevo, dọmọ, To hihọdo mi. Ṣigba ewọ dọ hlan en, dọmọ, Oklunọ, gbọ yen ni yì, bo disiọ otọ́ ṣie tọn whé. 60Ṣigba ewọ dọ hlan ẹn, dọmọ, Gbọ osiọ lẹ ni disiọ yéde tọn; ṣigba hiẹ ni yì, bo dọ yẹwheho ahọludu Jiwheyẹwhe ton tón. 61Mẹdevo ga sọ dọ hlan ẹn, do, Oklunọ yen na hodo we; ṣigba gbọ yen ni yì, bo biogbè yé he to owhe ṣie gbè lẹ whé. 62Jesu sọ dọ hlan ẹn, dọ, Mẹde ma tin he ko yí alo etọn do oglepònu go, bo pọ́n gódo, tin jẹ na ahọludu Jiwheyẹwhe tọn gba.

Currently Selected:

LUKU 9: BWL23

Highlight

Copy