JOHANU 8

1Ṣigba Jesu yì osó olivie tọn ji. 2To afọnnu é legò wá templi mẹ, gbẹtọ lẹpo so wá e de; e so sinai, bo to yé plọn. 3Wekantọ le, po Falesi lẹ po sọ hen nawe de wá e de, mehe yé wlé to ayodide mẹ; whenu yé zé e do ṣẹnṣẹn, 4yé dọ hlan en, dọ, Mẹplontọ, yè wlé nawe he to ayòdide me, to bibasi mẹ. 5Dinvie to osén mẹ Moṣe ko degbèna mí nado nọ dlẹn zannu do omẹ mọhunkọ; ṣigba nawẹ hiẹ dọ? 6Yé do ehe do whle e pọ́n, na yé nido tindo núde nado sle ẹ. Ṣigba Jesu fè, bo yí alọviyẹyẹ etọn do to wekan to aigba. 7Ṣigba whenuena yé ma gbọ kinkanbiọ ẹ, é zé ede daga, bo dọ hlan yé, dọ, Mehe tin matin ylando to mì ṣẹnṣẹn, gbọ ewọ whé ni dlẹn zannu do e. 8E sọ vó fè, bo to wekan to aigba 9Podọ yé, wẹ̃henuena yé sè e tọ́njegbonu yí dopodopo, hẹn sọn mẹho ji kaka jẹ godotọ ji: é sọ pò Jesu dopokẹdẹ, po nawe lo po to ote to ṣẹnṣẹn. 10Jesu sọ zé ede daga, bo dọ hlan en, dọ, Nawe, fie wẹ yé te? mẹde ma gblewhedo we? 11Ewọ sọ dọmọ, Mẹde ma, Oklunọ. Jesu sọ dọmọ, Mowẹ yẹn ma sọ gblewhẹdo we: yi, sọndinvieyì a sọ wàylan ba blo.

12Enẹwutu Jesu sọ vó hódọ hlan yé, dọ, Yen wẹ hinhọ́n aihọn tọn; mẹhe hodo mi ma na zinzonlin zinvlu mẹ, ṣigba é na tindo hinhọ́n ogbẹ́ tọn. 13Enẹwutu Falesi lẹ dọ hlan ẹn, dọ, Hiẹ to kunnude na dewe; okunnu towe ma yín nugbo. 14Jesu sọ gblọn bo do hlan yé, dọ, Eyín yẹn dekunnu na dè, nugbo wẹ okunnu ṣie; na yẹn yón ofì he yẹn sọn wá, po ofì he yẹn jei po; ṣigba mìwlẹ ma sọgan dọ ofì he yẹn sọn wá, po ofi he yẹn jei po. 15Mìwlẹ nọ dawhè gbọn agbasalan dali, yẹn ma dawhèna mede. 16Mọwẹ eyín yẹn dawhé, nugbo wẹ whẹ̀dida ṣie: na yẹn ma tin to dopo, ṣigba yẹn po Otọ́ he do mi hlan po. 17Mowẹ yè wlan en ga to osén mìtọn mẹ dọ, nugbo wẹ okunnude omẹ awe tọn. 18Yen wẹ mehe to kunnude na dẽ, Otọ́ he do mì hlan sọ Lo kunnude na mi ga. 19Enẹwutu wẹ yé dọ hlan ẹn, dọ, Fie wẹ Otọ́ towe te? Jesu gblọn dọmọ, Mì ma yón mi, mì ma sọ yón Otọ́ ṣie: eyín mì ko yón mi, mì na ko yón Otọ́ ṣie ga. 20Ohó hele we é dọ to adọkunnu tẹnmẹ le é to mẹplón to tẹmpli mẹ: mẹde ma sọ zé alọ do e ji; na ojlẹ etọn ma ko wá wutu.

21Enẹwutu é sọ vó dọ hlan yé, dọ, Yẹn jei, mìwlẹ na din mi, bo nasọ kú to ylando mìtọn me: fie yẹn jei, mìwlẹ ma sọgan wá. 22Enẹwutu Ju le dọ, Ewọ to na hù ede wẹ? na é dọmọ, Fie yẹn jei, mìwlẹ ma sogan wá. 23E sọ do hlan yé, dọ, Odò wẹ mìwlẹ tin sọn; aga wẹ yẹn tin sọn: aihọn he tọn wẹ mìwlẹ; yẹn ma yín aihọn he tọn gba. 24Enẹwutu wẹ yẹn dọ hlan mì, dọ, Mì na kú to ylando mìtọn mẹ: na eyín mì ma yise dọ yen lọ wẹ, mì na kú to ylando mìtọn mẹ. 25Enẹwutu yé dọ hlan ẹn, dọ, Menu wẹ hiẹ? Jesu sọ dọ hlan yé, dọ, Yèdo enẹ he yẹn ko dọ hlan mì sọn whéwhéwhenu lọ wẹ. 26Yen tindo onú susu na dọ, bo nado dawhèna mì: ṣigba nugbo wẹ mẹhe do mi hlan; yẹn sọ dọ hlan aihọn onú he yẹn sè sọn e de lẹ. 27Yé ma mọhlan dọ Otọ́ tọn wẹ é to didọ hlan yé gba. 28Enẹwufu Jesu dọmọ, Whenuena mì ko zé Ovi gbẹtọ tọn daga, whenẹnu wẹ mì na yọnẹn dọ yẹn wẹ ewọ lọ, na yẹn ma wà núde na dẽ; ṣigba le Otọ́ sié plón mi do, wẹ yẹn to onu helẹ dọ. 29Ewọ mẹhe do mi hlan tin to dẽ: Otọ́ lọ ma jo yẹn dopo do gba; na yẹn to onú he yín homẹhun hlan ẹn lẹ wà to whepoponu. 30Le é to ohó helẹ dọ, omẹ susu yí i se.

31Enẹwutu wẹ Jesu dọ hlan Ju he yise nẹlẹ, dọ, Eyín mìwlẹ nọte to ohó ṣie me, whenẹnu mìwlẹ yin nuplọntọ ṣie nugbo; 32mìwlẹ nasọ yón nugbo, nugbo lọ nasọ hẹn mì jẹ mẹdekannu. 33Yé sọ gblọn hlan ẹn, dọmọ, Okún Ablaham tọn wẹ mìwlẹ, mí ma ko tin to mẹglọnọ mẹ hlan mede gbède: nawẹ hiẹ dọ do, Mìwlẹ na yin hinhẹn jẹ medekannu? 34Jesu sọ gblọnna yé, dọ, Nugbo, nugbo, we yẹn dọ hlan mì, Mẹdepope he wàylando wẹ afànumẹ ylando tọn, 35Afànumẹ ma nọnọ̀ owhé gbè kaka doi: sìgba Ovi wẹ nọnọ̀ kaka doi. 36Enẹwutu eyín Ovi na hẹn mì jẹ mẹdekannu, mìwlẹ na jẹ mẹdekannu nugbo. 37Yẹn yọnẹn dọ okún Ablaham tọn wẹ mì; gànso mì tọ dindin nado hù mi, na ohó ṣie ma tindo otẹn to mì mẹ wutu 38Yẹn to onú he yẹn mọ to Otọ́ ṣie de dọ; mìwlẹ sọ to onú he mì mọ to otọ́ mìtọn de wà. 39Yé gblọn bo dọ hlan ẹn, dọ, Otọ́ mìtọn wẹ Ablaham. Jesu dọ hlan yé, dọ, Eyín ovi Ablaham tọn wẹ mì mìwlẹ do wà azón Ablaham tọn. 40Ṣigba dinvie mì to dindin na hù mi, mẹhe dọ nugbo na mì, he yẹn sè sọn Jiwheyẹwhe de: Ablaham ma wà ehe gba. 41Mìwlẹ to azọn otọ́ mìtọn tọn wà. Yé sọ dọ hlan ẹn, dọ, Yè ma ji mí sọn ogalilọ mẹ gba; mìwlẹ tindo Otọ́ dopo, enẹ we Jiwheyẹwhe. 42Jesu sọ dọ hlan yé, do, Eyín Jiwheyẹwhe wẹ Otọ́ mìtọn, mì do yiwanna mi: na yen tọ́njegbonu bo sọ sọn Jiwheyẹwhe de wá; yẹn ma wá na dẽ gba, ṣigba ewọ wẹ do mi hlan. 43Etẹwutu wẹ mì ma yón ohógbè ṣie? Yèdọ na mì ma sọgan sè ohó ṣie wutu. 44Otọ́ mìtọn lẹgba tọn wẹ mì, wantúntún otọ́ mìtọn tọn ojlo mìtọn wẹ nado wà. Hlọnhùtọ de wẹ ewọ sọn whéwhéwhenu, é ma nọ nọte to nugbo mẹ gbède, na nugbo ma tin to ewọ mẹ wutu. Whenuena é dọ lalo de, é dọhó etọn titi tọn: na lalonọ de wẹ ewọ, podọ otọ́ etọn. 45Ṣigba na yẹn dọ nugbo wutu, mì ma yí mi se gba. 46Be mẹnu wẹ yí ylando tón mi to mì mẹ? Eyín yẹn do nugbo, be etewutu wẹ mì ma yí mi se? 47Mehe yín Jiwheyẹwhe tọn nọ sè ohó Jiwheyẹwhe tọn lẹ; ehe tọn wutu wẹ mìwlẹ ma sè, na mì ma yín Jiwheyẹwhe tọn wutu. 48Yé Ju lẹ gblọn bo dọ hlan ẹn, dọ, Be mìwlẹ ma dọ dọ Samalito wẹ hiẹ nugbo, bo sọ tindo aovi de? 49Jesu sọ gblon dọmọ, Yẹn ma tindo aovi de gba; ṣigba yẹn to gbégbòna Otọ́ ṣie, mìwlẹ ma sọ gbògbéna mi. 50Yẹn ma din gigo dè tọn gba: medopo tin he to dindin bo sọ to whẹ̀da. 51Nugbo, nugbo, wẹ yẹn dọ hlan mì, Eyín mẹde yí ohó ṣie hẹn, é ma na mọ okú gbède. 52Ju le dọ hlan en, dọmọ, Dinvie wẹ mìwlẹ yọnẹn dọ hiẹ tindo aovi de. Ablaham kú po yẹwhegán lẹ po; hiẹ sọ dọmọ, Eyín mede yí ohó ṣie hen, é ma na dọ okú pọ́n gbède. 53Hiẹ klohú otọ́ mìtọn Ablaham, mẹhe kú? yẹwhegán lẹ sọ kú: mẹnu wẹ hiẹ yí dewe do basi? 54Jesu sọ gblọn dọmọ, Eyín yẹn pagigona dè, gigo ṣie ma yín nude: Otọ́ ṣie wẹ mehe gigopana mi; mehe mì dọ, ewọ wẹ Jiwheyẹwhe mìtọn. 55Mìwlẹ ma yọ́n ẹn; ṣigba yẹn yọn ẹn: eyín yẹn dọ, Yẹn ma yón ẹn, yen na tin jijlẹ do mìwlẹ go, lalonọ de: ṣigba yẹn yọn en, bo sọ yí ohó etọn hẹn. 56Ablaham otọ́ mìtọn jaya dọ ewọ ni do mọ azán ṣie: bo sọ yín homẹhùnnọ. 57Enẹwutu Ju lẹ dọ hlan ẹn, dọ, Owhè towe ma yì kandeao, hiẹ ko sọ mọ Ablaham? 58Jesu sọ do hlan yé, dọ, Nugbo, nugbo, wẹ yẹn dọ hlan mì, Whẹpo yè ji Ablaham, yẹn tin. 59Enẹwutu yé zé ozannu nado dían do e: aigba Jesu whlá ede, bo tón Sọn tẹmpli mẹ, é jugbọn yé ṣẹnṣẹn yìyì, mọwẹ é sọ juyì.

Currently Selected:

JOHANU 8: BWL23

Highlight

Copy