JOHANU 3

1DAWE de tin to Falẹsi lẹ mẹ, he yè nọ ylọ Nikodemi, ogán Ju lẹ tọn de: 2ewọ lọ wẹ wá Jesu de to ozán mẹ, bo dọ hlan ẹn, dọ, Labbi, mìwlẹ yónẹn dọ, mẹplóntọ sọn Jiwheyẹwhe de wá wẹ hiẹ: na mẹhe sọgan basi ohia he hiẹ to bibasi helẹ de ma tin, adavo Jiwheyẹwhe tin po e po. 3Jesu gblọn bo dọ hlan ẹn, dọ, Nugbo, nugbo, wẹ yen dọ hlán we, Adavo yè vo gbẹtọ ji, ewọ ma sọgan mo aholudu Jiwheyẹwhe tọn. 4Nikodemi só dọ hlan en, dọ, Nawe yè sogan ji gbẹtọ do, whenuena é ko whén pó? é sọgan sọ vọ oho ono etọn tọn mẹ biọ whlawetọ bo yín jiji? 5Jesu gblọn dọmọ, Nugbo, nugbo, wẹ yen dọ hlan we, Adavo yè yí osìn po Gbigbọ po do ji gbẹtọ ewo ma sogan biọ ahọludu Jiwheyẹwhe tọn mẹ. 6Ehe yè ji gbon agbasa dali agbasa wẹ; ehe yè jì gbọn Gbigbo dali gbigbo we. 7Avò vo we blo na yen dọ hlan we, dọ, Yè ma sọgan nọ ma vo mì ji wutu. 8Jẹhọn to yinyìn ; do ofì he é jlò, hiẹ sẹ̀ sè ogbè etọn, ṣigba hiẹ ma yón ofi he é sọn wà, podọ ofì he é jei: mokedẹ we mẹdepope he yè ji gbọn Gbigbọ dali. 9Nikodemi sọ gblọn, bo dọ hlan ẹn, dọ, Nawẹ onu helẹ sọgan wa do yín mọ? 10Jesu so gblọn bo dọ hlan ẹn domọ, Hiẹ wẹ meplọntọ Islaeli tọn lọ bo mà yọn onú helẹ gba? 11Nugbo, núgbo, wẹ yen dọ hlan we, Mìwlẹ to onu he mí yonẹn lẹ dọ, bo sọ to kunnu onu he, mí mọ lẹ tọn de; mìwlẹ ma sọ yí kunnude mìtọn. 12Eyín yẹn dọ onú aihọn he tọn lẹ na mì, bo mì ma yise, nawẹ mì na yise do, eyín yẹn dọ onu olọn tọn na mì? 13Mẹde ma hẹ aga yì olọn, adavo mehe jete son olọn, yèdọ Ovi gbẹtọ: tọn lọ 14Dile Moṣe zé odàn do aga to zùngbo mẹ, mọkẹde wẹ yè ma sọgan nọ ma zé Ovi gbẹtọ tọn do aga: 15na medepope he yise nido tindo ogbè madopodo to e me;

16Na Jiwheyẹwhe yíwánna aihọn sọmọ bọ e yí Ovi dètón etọn dopo ákan namẹ, na medepope he yí i sè ma nado dòn, sigba nido tindo ogbè madopodo 17Na; Jiwheyẹwhe ma do Ovi hlan aihọn mẹ nado dawhèna aihon gba: ṣigba na yè nido gbon ewọ me whlẹn aihọn gán. 18Mẹdepope he yí i se yè ma dawhẹna gba ewọ he ma yí i sè yè ko dawhè nẹ dai, na é ma yí oyín Ovi dètón dopo akan Jiwheyẹwhe ton lọ sè wutu. 19Ehe wẹ owhè, dọ hinhọ́n wá aihọn mẹ, bọ gbẹtọ yíwánna zinvlu hú hinhòn, na ylan wẹ azon yetọn lẹ wutu. 20Na medepope he wẹ danu wa nọ gbẹwanna hinhọ́n, é ma sọ nọ wá hinhọ́n nu, yè nikã wọhe azón eton le. 21Ṣigba mẹhe wa nugbo we nọ wa hinhọ́n nu, na yè nido do azon etọn lẹ hia, dọ yè basi yé to Jiwheyẹwhe me.

22To o helẹ godo Jesu po nuplọntọ etọn lẹ, po wá aigba Judé tọn ji; finẹ é nọte hẹ yé te bo baptizi. 23Johanu ga to bibaptizi to Enonu he sepọ Salimi, na osìn susu tin to fìne: yé wá, yè sọ baptizi yé. 24Na yè ma ko zé Johanu dlẹn ogànhọ mẹ kaka jẹ dinvie. 25Enewutu ohókanbiọ de fọ́n to nuplonto Johanu tọn delẹ, po Ju de po ṣẹnṣẹn gbon olèwé dali. 26Yé wá Johanu de, bo dọ hlan ẹn, dọ, Labbi, mẹhe nọ hẹ we to Jọdani godo, mẹhe hiẹ dekunnuna, do ayi e go, ewọ lọ to bibaptizi, gbẹtọ lepo sọ to wiwá e de. 27Johanu so gblọn bo dọmọ, Mẹde ma sọgan mọ núde yí, adavo yè na ẹn sọn olọn. 28Mìlọsu dekunnuna mi, dọ yẹn dọmọ, Yẹn ma wẹ Klisti lọ gba, ṣigba dọ yẹn wẹ yè dohlan nukọn nẹ̃. 29Ewọ mẹhe tindo asiyọ́yọ́ wẹ asisúnọ: ṣigba họ́ntọn asisúnọ tọn, he site bo to ogbè etọn sè jaya susu na é sè ogbè asisúnọ tọn wutu enẹwutu yè hẹn ayajẹ ṣie he zùn gigọ́. 30Ewọ ma sọgan nọ ma sudeji, ṣigba yen ma sọgan nọ ma depo.

31Ewọ mẹhe sọn aga húgan yé omẹ pó: mehe sọn aigba, aigba tọn we, é sọ nọ dọhó aigba tọn, mehe sọn olọn wá húgan yé ome pó. 32Onú he ewọ mọ bo sọ sè, enẹ wẹ é to kunnude na, mẹde ma sọ yí okunnu etọn 33Mẹhe yí okunnu etọn to kunnude dọ nugbo we Jiwheyẹwhe. 34Na mẹhe Jiwheyẹwhe dohlan wẹ dọ ohó Jiwheyẹwhe tọn: na é ma na Gbigbọ to ojlénu mẹ gba. 35Otọ́ yíwánna Ovi, bo yí onú lẹpo do alọ etọn mẹ. 36Mẹhe yise to Ovi mẹ tindo ogbè madopodo: mẹhe ma yise to Ovi mẹ ma to na mọ ogbè; ṣigba homẹgble Jiwheyẹwhe tọn nọte to e ji.

Currently Selected:

JOHANU 3: BWL23

Highlight

Copy