JOHANU 15

1YẸN we ovẹntin nugbo lọ, Otọ́ ṣie wẹ oglesi. 2Alà depope to yẹn mẹ, he ma hẹn sinsẹ́n, ewọ dè e sè: podọ alà depope he hẹn sinsẹ́n, ewọ lè ẹ wé, na é nido hẹn sinsẹ́n húmọ. 3Mìwlẹ wé to dinvie gbọn ohó he yẹn dọ hlan mì dali. 4Mì nọnọ̀ yẹn mẹ, podọ yẹn to mìwlẹ mẹ. Dile alà ma sọgan hẹn sinsẹ́n ededenu, adavó é nọnọ̀ ovẹntin mẹ; mokẹdẹ wẹ mìwlẹ ma sọgan, adavo mì nọnọ̀ yẹn mẹ. 5Yẹn wẹ ovẹntin lọ, mìwlẹ wẹ alà lẹ: ewọ he nọnọ̀ yẹn me, podọ yẹn to ewo me, dopolọ wẹ hẹn sinsẹ́n susu: na jijẹla sọn dè mìwlẹ ma sọgan wà núde 6Eyín mede ma nọnọ̀ yen me, yé dè e dlangbe kẹdẹdi alà de, é sọ yé; yè sọ bé ye pli, bo zé yé dlẹn miyon mẹ, bo sọ fiọ yé. 7Eyín mì nọnọ yẹn mẹ, bọ ohó ṣie lẹ sọ nọnọ̀ mìwlẹ mẹ, mì na kàn onú he mì jlo biọ, é bo na sọ yín wiwà hlan mì. 8To ehe mẹ wẹ yè pagigona Otọ́ ṣie te dọ, mì ni hen sinsẹn susu; mowe miwlẹ nasọ yín nuplontọ ṣie. 9Yedọ le Oto yiwanna mi do, wẹ yẹn yiwanna mìwlẹ do ga: mì nọnọ̀ owanyi ṣie mẹ. 10Eyín mì yin osén ṣie lẹ, mì na nonò owanyi ṣie mẹ; yèdọ dile yen yin osén Oto ṣie tọn, bo sọ nọno owanyi etọn mẹ do 11Onú helẹ wẹ yen ko dọ hlan mì, na ayajẹ ṣie nido tin to mì me, podo na ayajẹ mìtọn nido yín hinhẹnpé. 12Ehe wẹ osén ṣie, Dọ mì ni yiwanna, mìnozo, yèdọ dile yẹn yiwanna mì do. 13Mede ma tindo owanyi he klo hú ehe, dọ mẹde zé ogbè eton liai na hontọn etọn lẹ 14Hónton ṣie wẹ mìwlẹ, eyín mì wa onú he yẹn degbèna mì lẹ. 15Sọn dinvie yẹn ma ylọ mi afanumẹ lẹ ba; na afanumẹ ma yon onu he Oklunọ etọn to wiwà: ṣigba yen ylọ mì họ́ntọn, na onu he yẹn ko sè sọn Otọ́ ṣie de lẹpo, yẹn ko hẹn zùn yinyọnẹn hlan mì. 16Mìwlẹ ma wẹ dèmi gba, ṣigba yẹn wẹ dè mì, bo sọ nasẹ mì dọ mi ni yì bo hẹn sinsẹ́n, podọ na sinsẹ́n mìtọn nido nọte: na onú depope mì na biọ sọn Otọ́ de to oyín ṣie mẹ, é nido na ẹn mì. 17Onú helẹ wẹ yen degbena mì dọ, mì ni yiwanna mìnọzo. 18Eyín aihọn gbẹwanna mì, mì yọnẹn dọ, é ko gbẹwanna mi, whẹpo é do gbẹwanna mì. 19Eyín mìwlẹ ko yín aihọn tọn, aihọn na yiwanna etọn titi; ṣigba na mì ma yín aihọn tọn wutu, ṣigba yẹn ko dè mì sọn aihọn mẹ, enẹwutu wẹ aihọn gbẹwanna mì. 20Mì ni flin ohó he yẹn ko dọ hlan mì dọ, Afànumẹ ma klohú Oklunọ etọn. Eyín yé dohomẹken mi, yé nasọ dohomẹkẹn mìwlẹ ga; eyín yé ko yí ohó ṣie hẹn, yé na yí mìtọn hẹn ga. 21Ṣigba onú helẹ pó wẹ yé na wà do mì na oyín ṣie tọn wutu, na yé ma yón ewọ he do mi hlan wutu. 22Eyín yẹn ma ko wá bo ko dọhó hlan yé, yé ma do tindo ylando: ṣigba dinvie yé ma tindo vèvènu de na ylando yetọn. 23Ewọ he gbẹwanna mi, gbẹwanna Otọ́ ṣie ga. 24Eyín yẹn ma ko wà to yé ṣẹnṣẹn azón he mẹde ma wà, yé ma do tindo ylando gba; ṣigba dinvie yé ko mọ, bo sọ gbẹwanna mi po Oto ṣie po. 25Ṣigba ehe jọ, na ohó he yè wlan to osén yetọn mẹ aido di, Yé gbẹwanna mi matin owhèhó de. 26Ṣigba whenuena Whèyídọtọ lọ wá mẹhe yẹn na dohlan mì sọn Otọ de, yèdọ Gbigbọ nugbo tọn, mehe tón sọn Otọ de, ewọ na dekunnuna mi: 27mìwlẹ na dekunnuna mi ga, na mì ko tin to dé sọn whéwhéwhenu wutu.

Currently Selected:

JOHANU 15: BWL23

Highlight

Copy