JOHANU 12

1ENẸWUTU azán ṣidopo jẹnukọnna juwayì lọ Jesu wá Bẹtani, fie Lazalọsi te, mẹhe Jesu fọ́n sọn osiọ lẹ mẹ. 2Mọwẹ yé basi núdùdù tenu ton de to finẹ: Malta sọ to lizọnyí: ṣigba Lazalọsi yín dopo to mẹhe jagla to tafo ji po e po lẹ mẹ. 3Enewutu Malia yí ojleka nusisá nadi tọn de, akuegegenu, bo to sisá do afọ Jésu tọn, bo yí oda etọn do to afọ etọn sunsun: oho lọ sọ gó na Owán nusisá lọ tọn. 4Ṣigba dopo to nuplọntọ etọnlẹ me, Juda Iskaliọtii; ovisunnu Simọni tọn, mẹhe na de e hia, dọmọ, 5Etẹwutu we yè ma sà nusisá he yín fatakakuẹ fodekanweko, bo yín nina hlan wamonọ le? 6E dọ ehe dinvie, é ma yín dọ é hò wamọnọ lẹ pọn wutu gba; ṣigba do ewọ yín ajotọ de wutu, podọ tintindo apò lọ, nọ bé onú yè bé do e mẹ lẹ yì. 7Enẹwutu Jesu domọ, Mì jo e do: ewọ whlá ehe dai na azán didi ṣie tọn. 8Na whepoponu wẹ mì tindo wamọno le to mì de; ṣigba mì ma tindo mi to whepoponu gba.

9Enẹwutu omẹvọtọ lẹ sọn Ju lẹ mẹ yọnẹn dọ é tin to fìne: yé wá, é ma yín Jesu tọn wutu kẹdẹ gba, ṣigba na yé nido mọ Lazalosl ga, mẹhe ewọ fọ́n sọn osiọ lẹ mẹ. 10Ṣigba ogán yewhenọ lẹ tọn, yí hónamẹ na yé nido hù Lazalosi ga; 11na ewọ tọn wutu wẹ Ju susu do yì, bo sọ yí Jesu se. 12To azán awetọ gbè, agùndaho de he wá hunwhẹ lọ kòn, whenuena yé sè dọ Jesu ja Jelusalẹm, 13yí odéma, bo tọ́njegbonu yì nado pé e, bo to awhádo dọ, Hosanna! donanọ wẹ ewọ he ja to oyín Oklunọ tọn mẹ, yèdọ ahọlu Islaeli tọn lọ. 14Poṣọ Jesu, mimọ kẹteketevu de, é sinai do e ji; dile yè wlan dọ, 15A dibu blo, oviyọnnu Zioni tọn: pọ́n, Aholu towe ja, é sinai do ketẹketẹvu de ji. 16Nuplọntọ etọn lẹ ma tunwun onú hele to whéwhéwhenu: ṣigba whenuena yè pagigona Jesu, whenenu wẹ yé flin dọ, yè ko wlan onú helẹ na ewọ tọn, podọ yé ko basi onu helẹ hlan en.

17Enẹwutu agùndaho he tin to e de lọ, whenuena é ylọ Lazalọsi sọn oyòwhé lọ me, bo fọ́n ẹn sọn osiọ lẹ mẹ, dekunnu. 18Na ehe lọ tọn wutu ga wẹ agùndaho lọ yì pé e, na yé sè dọ é ko basi ohia he. 19Enẹwutu Falesi lẹ dọ to yéde ṣẹnṣẹn, dọ, Mì mo le mì ma sọgan húgan to onú depope mẹ do? pọ́n aihọn lẹpo wẹ toyìyì hódo e.

20Dinvie Gleki dele tin to yé ṣẹnṣẹn mẹhe hẹji yì nado litai to hunwhẹ lọ kòn. 21Enẹwutu ehelẹ wá Filipi de, ehe tin sọn Betsaida Galili tọn, bo to kinkanbiọ e dọ, Mẹdaho, mí jlo Jesu na mọ 22Filipi sọ wa, bo dọ na Andle; Andlé wá, po Filipi po yé so dọ na Jesu. 23Jesu sọ gblọnna yé dọ, Ojle lọ wá, na yè nido pagigona Ovi Gbètọ tọn. 24Nugbo, nugbo, we yẹn dọ hlan mì, adavo olìkún dopo fiẹ biọ aigba mẹ bo sọ kú, e nọte na ede dopokede; ṣigba eyín é kú, é hẹn sinsẹ́n susu. 25Mehe yiwanna alindọn etọn na hẹn ẹn bú; mẹhe so gbewanna alindọn etọn to aihọn he mẹ na whlá ẹ hlan ogbè madopodo. 26Eyín mẹde to sinsẹn mi, gbo e ni hodo mi; ofi he yẹn te, finẹ devi ṣie na te ga eyín mẹdepope to sinsẹ̀n mi, ewọ lọ wẹ Oto ṣie na gbogbena. 27Dinvie wẹ yè to tuklado alindọn ṣie: be etẹwe yẹn na dọ? Otọ́, whlẹn mi gán son ojlẹ he mẹ: ṣigba na ehe lọ tọn wutu wẹ yẹn wá jẹ ojlẹ he 28Otọ́, pagigona oyín towe. Enẹwutu ogbè de sọn olọn mẹ wá, dọmọ, Yẹn ko pagigona ẹn, bo na sọ vó gigopána ẹn. 29Enewutu agùndaho lọ he site to finẹ, bo sè e lẹ, dọ osò yénwan: mẹdelẹ dọ, Angeli de ko dọhó hlan ẹn. 30Jesu so gblọn bo dọmọ, Ogbè he ma wá na yẹn wutu gba, ṣigba na mìwlẹ wutu wẹ. 31Dinvie wẹ whẹ̀dida aihọn he tọn de wá: dinvie we yè na yàn ahọvi aihon he tọn jẹgbonu. 32Podọ yẹn, eyín ye zé mi daga son aigba, na dòn gbẹtọ lẹpo hlan dẽ. 33Ṣigba ehe wẹ ewọ dọ dojlẹ gbọn okú he hunko ewọ na kú tọn dali. 34Enẹwutu agùndaho lọ gblọn nẹ dọ, Mi ko sè sọn osén mẹ dọ Klisti na nò kakadoi: nawe hiẹ dọ do dọ Yè ma sọgan nọ ma zé Ovi gbẹtọ tọn daga? Menu wẹ Ovi gbẹtọ tọn he? 35Enẹwutu Jesu dọ hlan yé, dọ, Ojle vude dogo wẹ hinhọ́n tin to mì me Mì zinzọnlin whenuena mì tindo hinhọ́n, na zinvlu ma na do pla mì: na mẹhe to zọnlinzin to zinvlu mẹ ma yon ofi he é jei. 36Whenuena mì tindo hinhọ́n, mì ni yí hinhọ́n sè, na mì nido yín ovi hinhọ́n tọn lẹ. Onú helẹ wẹ Jesu dọ, bo fọ́nyì, bo sọ ede whlá sọn yé de. 37Ṣigba le é basi ohia susu mọ to yé nukon, yé ma yí i se gba: 38na yè nido hen ohó Isaia yewhegan tọn di, ehe e dọ, dọmọ,

Oklunọ, mẹnu wẹ yí owẹn mítọn se?

Hlan mẹnu wẹ yè yí awà Oklunọ tọn hia? 39Na ehe lọ tọn wutu wẹ yé ma sọgan do yise, na Isaia sọ vọ dọmọ, 40E ko tọnnukunna yé, bo ko sọ hẹn ayiha yetọn sinyẹn; Na yé nikã yí nukun yetọn lẹ do mọ, bo sọ yí ayiha yetọn do mọhlan, Bo lé, Na yẹn nido hẹnazọ̀ngbọna yé. 41Onú hele wẹ Isaia dọ, na e mo gigo etọn wutu, bo so dohó etọn. 42Gãnṣo yèdọ omẹ susu wẹ yise to ogán daho lẹ mẹ ga, ṣigba na Falesi lẹ tọn wutu ye ma yigbè etọn gba, na yè nikã yàn yé son sinagọgu. 43Na yé yiwanna gigo gbẹtọ tọn hú gigo Jiwheyẹwhe tọn.

44Jesu sọ dawhá bo dọmọ, Ewọ he yí mì se, yẹn ma wẹ é yise gba, adavo ewọ he do mi hlan. 45Mẹhe sọ mo mi, mọ mẹhe do mi hlan. 46Yẹn wa hinhọ́n de biọ aihọn mẹ, na mẹdepope he yí mi se ma nido nò zinvlu mẹ gba. 47Podọ eyín mẹdepope sè ohó ṣie lẹ bo ma yìn yé, yẹn ma dawhẹna en gba: na yẹn ma wá nado dawhẹna aihọn gba, adavo nado whlẹn aihọn gán. 48Ewo he gbé mi, bo ma sọ yí ohó ṣie lẹ, tindo mẹhe to owhẹ̀ etọn da de: ohó he yen dọ lọ, dopolọ wẹ nasọ dawhèna ẹn to azán pòdo gbè. 49Na yẹn ma dọhó sọn dẽ de gbà; ṣigba Otọ́ he do mi hlan, ewọ ko na gbèdide de mi, onú he yẹn na nọ dọ, po ohó he yẹn na nọ gblọn po. 50Podọ yẹn sọ yọnẹn dọ gbèdide etọn wẹ ogbè madopodo: enẹwutu onú he yẹn to didọ lẹ depope, yèdọ dile Otọ́ dọ hlan mi do, mọwẹ yẹn to didọ do.

Currently Selected:

JOHANU 12: BWL23

Highlight

Copy