ISAIA 10

1DINDON wẹ hlan yé he to osẹ́n mawàdódó tọn doai, podọ hlan wékantọ he to owé okà tọn wlan lẹ. 2Nado lẹ́ wamọnọ sọn whẹ̀dida mẹ, podọ nado lé onú dódó tọn sọn wamọnọ omẹ ṣie lẹ tọn de, na asuṣiọsi lẹ nido yín dùdù na yé, podọ na yé nido jajo do tọ́ṣiọvi lẹ 3Bé etẹwẹ mì na basi to azán mẹlapọn tọn gbè, podọ sọn gbigbà he na wá sọn ofi dindẹn tọn? bé mẹnu wẹ mì na họ̀n yì sù na alọgọna? fie wẹ mi na jo gigo mítọn do? 4Matin yẹn yé na litai to ogantọ lẹ glọ, yé na sọ j ai to yé he yè hù lẹ glọ. To ehe lẹpo mẹ homẹgble etọn ma lẹkọ, ṣigba alọ etọn dlẹn do gbonu jànwẹ.

5Dindòn wẹ na Assylia, ogànpò homẹgble ṣie tọn, podọ opò alọ yetọn mẹ tọn wẹ hòmẹfiọ ṣie. 6Yẹn na do e hlan akọta fufìutọ de, podọ hlan omẹ homẹgble ṣie tọn ta wẹ yẹn na dosẹ́n de do nado bẹ́ ogbànnà, podọ nado yí wẹnyànnu, podọ nado zín yé dai di ogbọn aliho tọn. 7Ṣigba é ma lẹ̀n mọ, mọ ayiha etọn ma lẹ̀n mọ; ṣigba é tin to ayiha etọn mẹ, nado gbà súdo, podọ nado sán akọta sẹ̀, é ma yín vude. 8Na é dọmọ, Be é ma yín ahọlu wẹ ahọvi ṣe lẹ patapata? 9Bé Kalnọ ma taidi Kalkemisi? bé Hamati ma sọ taidi Alpadi? bé Samalia ma sọ taidi Damasku? 10Dile alọ ṣie ko dlen jẹ ahọludu boṣiọ lẹ tọn de, boṣiọ he klohu Jelusalẹm tọn po Samalia po tọn. 11Bé yẹn ma na wà do Samalia po boṣiọ etọn lẹ po di le yẹn wà do Jelusaiẹm po boṣiọ etọn lẹ po do?

12Enẹwutu to ehe godo, whenuena OKLUNỌ wàzon etọn lẹpo to osó Ziọni tọn ji, podọ to Jelusalẹm ji, yẹn na wọhẹ sinsẹ́n ayiha sinsìnyẹn ahọlu Àssylia tọn tọn, po gigo goyíyí nukun etọn tọn po, 13Na é dọmọ, Gbọn huhlọn alọ ṣie dali tọn wẹ yẹn do basi i, podọ gbọn nuyọnen ṣie dali; na yẹn yónnum, yẹn ko sọ họn dogbotin gbẹtọ lẹ tọn sẹ̀; yẹn ko fìn adọkunnu yetọn, bo sọ zín gbẹtọ lẹ dai di sunnu adántọ. 14Alọ ṣie ko din adọkun gbẹtọ lẹ tọn mọ di adọ ohẹ tọn; podọ di le omẹ de nọ to azìn he pò bé wẹ yẹn bé aihọn lẹpo pli; ode yetọn ma húnhún awà kavi kẹ onù kavi bo fan. 15Bé asiọvi sogan yígo do ewọ he yí i do to naké sán go? kavi ayìnyòn sọgan zé ede do ewọ he to húnhún húnhún in ji? taidi na opo ni húnhún yé he zé e do aga ji, kavi taidi na atin ni zé ewọ he ma yín atin daga.

16Enẹwutu wẹ OKLUNỌ, OKLUNỌ awhànpa lẹ tọn hẹn yé he mọawú to omẹ etọn lẹ mẹ húliwhàn; podọ to gigo etọn glọ, é na kọ̀n jiji de taidi jiji mìyọn tọn.

17Hinhọn Islaeli tọn na zùn mìyọn, Omẹ Wiwe etọn na zùn ozòlọ; é na ji, bo na wlọ vẹun etọn po otẹun etọn po to azán dopo mẹ. 18E na sọ hù gigo zùngbo etọn tọn, po aigba susugege etọn tọn po, ayiha po agbasa po súdo: yé na sọ taidi le awhànsìa hẹntọ nọ to na dakú. 19Atin he pò to zungbo etọn mẹ lẹ na sọ yín pẹvide, na yòpọ nido kanwé yetọn.

20To enẹgodo to azán lọ gbè, na adade Islaeli tọn, po ehe hugan to owhé Jakob tọn gbè lẹ po ma na dotudo yé he zìn yé dai go bà; ṣigba yé na dotudo OKLUNỌ, Omẹ Wiwe Islaeli tọn go, to nugbo mẹ. 21Adade na lẹ́gọ́, yèdọ, adade Jakob tọn, wá Jiwheyẹwhe Ganhunupo de. 22Eyín omẹ towe Islaeli lẹ taidi otọ̀kẹn ohu tọn, gãnṣo adade to yé mẹ na lẹ́gọ̀, aṣẹ hùsúdo tọn na gọ́ flakọnyingbe tó dódó mẹ. 23Na OKLUNỌ, Jiwheyẹwhe awhànpa lẹ tọn na basi hùsúdo, yèdọ gbèmima to ṣẹnṣẹn aigba lẹpo tọn.

24Enẹwutu le wẹ OKLUNỌ, Jiwheyẹwhe awhànpa lẹ tọn dọ, Mì omẹ ṣie he nọnọ̀ Ziọni lẹ, mì dibuna Asilianu lẹ blo: éna li aglọ̀po we, bo na sọ zé opò etọn do oji we, di Egypti tọn hunkọ. 25Ṣigba to whenu vude, homẹfiọ na vọ̀, po homẹgbigble ṣie po to dindọn yetọn mẹ. 26OKLUNỌ awhànpa lẹ tọn na zé mẹhòbá daga do e ji, di hùhù Midiani tọn to osó Olẹbi tọn ji: podọ di aglọ̀pò etọn do ohù ji, mọ wẹ é na zé e daga di Egypti tọn hunkọ. 27To enẹ godo to azán lọ gbè, yè na zé agbàn etọn sẹ̀ sọn abọ́ towe ji, podọ zẹ̀gẹ etọn sọn okọ́ towe, yè na sọ hẹn zẹ̀gẹ lọ gble na amidèdota lọ wutu.

28Ewọ gọ̀ wá Aijati, é jù wá yì Miglọni; Mikma wẹ é bẹ́ kẹkẹ etọn pli do. 29Yé ko gbò ali lọ pla: yé ko de nọtẹn yetọn to Gueba; Lama dibu; Guibea Sauli tọn họ̀n. 30Yí ogbè towe do dawhá daga, hiẹ viyọnnu Gallimu tọn: basi na yè ni sè e jẹ Laisa, hiẹ Anatoti agbatọnọ. 31Yè diọtẹnna Madinena; gbẹtọ Guebini tọn lẹ bẹ́ yéde pli nado họ̀n 32E na nọte finẹ to Nobi to azán lọ gbè: é na sọ mì alọ etọn do osó viyọnnu Ziọni tọn tọn go, okọta Jelúsalem tọn.

33Dayi e go, OKLUNỌ, OKLUNỌ awhànpa lẹ tọn na sán atinla to obú mẹ; yè na sọ sán yé he súntate to yé mẹ lẹ sẹ̀, yè na zín goyítọ lẹ dai. 34E na yí ogàn do sán zunkan zùngbomẹ tọn liai, Liban na sọ jai gbọn asuka de dali.

Currently Selected:

ISAIA 10: BWL23

Highlight

Copy