HABBAKUK 3
3
1ODẸ Habbakuk yẹwhegán lọ tọn de, zé jẹ Ṣigionoti kòn.
2OKLUNỌ È, yẹn ko sè Ìinlin hiẹ tọn, bo sọ yín avosatọ:
OKLUNỌ E, hẹn azón towe hinhónun to gblagbla owhè lẹ tọn mẹ,
To gblagbla owhè lẹ tọn mẹ hẹn ẹn zùn yinyọnẹn;
To homẹgble mẹ flin lẹblanu.
3Jiwheyẹwhe sọn Temani wá,
Podọ Omẹ Wiwe lọ sọn osó Palani mẹ.
Gigo etọn ṣinyọn olọn lẹ,
Podọ aigba lọ sọ tin gọ́ na pìpà etọn.
4Podọ osisẹ́ etọn tin di hinhọ́n;
Ewọ tindo azò lẹ jẹgbonu ja to adà etọn mẹ:
Podọ finẹ whiwhla huhlọn etọn tọn te.
5Azọ̀nylankan to yìyì to ewọ nukọn,
Podọ akán jiji lẹ sọ jẹgbonu yì to afọ etọn lẹ go.
6E ṣite, bo whàn aigba lọ;
E pọ́n, bo sọ yàn akọta lẹ doawe ji:
Yè bo sọ vúnvún osó madodògbó lẹ,
akọta madopodo lẹ dẹ́;
Madopodo wẹ aliho etọn lẹ.
7Yẹn mọ ogohọ̀ Kuṣani tọn lẹ to nukunbia mẹ:
Avọdido aigba Midianu tọn lẹ tọn sisọ.
8Bé yè hẹn OKLUNỌ yín homẹmahùnnọ do otọ̀ lẹ go wẹ?
Bé adi towe tin to otọ̀ lẹ ji wẹ,
Kavi homẹgble towe to ohù lọ ji,
Bọ hiẹ do hé òsọ towe lẹ ji
Tò kẹkẹ towe whlẹngan tọn lẹ ji?
9Ogába towe wẹ yè hẹn zùn òvọ́;
Whiwhle wẹ opò ohó towe tọn lẹ.
Hiẹ yí otọ lẹ do da aigba.
10Oso lẹ mọ we, bo tin to awufiesa mẹ;
Jẹhọndaho osìn lẹ tọn ju wáyi: Odogbo lọ do ogbè etọn,
Bo ze alọ etọn lẹ daga do fiyìji go.
11Owhè po osùn po ṣite abẹ to fininò yetọn mẹ:
To hinhọ́n ogá towe lẹ tọn mẹ le yé to yiyí do,
To sisẹ́ owhán súnsún towe tọn mẹ.
12Hiẹ gó gbọn aigba lọ mẹ homẹgble mẹ,
Hiẹ pọtọ akọta lẹ to adi mẹ
13Yè hẹn hiẹ jẹgbonu wá na whlẹn gan omẹ towe lẹ tọn,
Na whlengan to mẹyiamisisádodè towe de;
Hiẹ ko fẹ́ nukọntọ lọ sẹ́ sọn owhé meylankan tọn gbe
Hinhen dodonu zùn ovọ yèdọ jẹ́ okọ́ go.
14Hiẹ ko yí opò etọn titi do sọnú
nukọntọ awhànpadaho etọn lẹ tọn lọ:
Ye wá di jẹhọnahizi de nado vúnvún mi
Ayajije yetọn tin di nado và wamọnọ súdo to núglọ.
15Hiẹ ko yí osọ́ towe lẹ do tùnafọ ohù ji,
Àgbówhẹndaho osìn hlọnhlọnnọ lẹ tọn.
16Yen sè, ohòto ṣie bo sọ sisọ,
Nùflo ṣie lẹ whàn na ogbè lọ;
Oyìnyọn biọ ohú ṣie lẹ mẹ, yẹn bo sọ sisọ to otẹn ṣie mẹ:
Na yẹn nido gbọjẹ to teninọpón azán tukla tọn lọ mẹ,
Whenuena ewọ he na wá yé ji to gbédido lẹ mẹ hẹji wá gbẹtọ ewlẹ ji, nado wá yé ji.
17Na le ovotin ma tlẹ na gbàsẹ́ sọ,
Mowẹ osinsẹ́n ma na sọ tin to vẹ̃ntin lẹ mẹ;
Tuklajẹ olivieli tọn na gbòdo,
Podọ ogle lẹ ma sọ to núdùdù de na dèjó gba;
Lẹngbọpa lẹ na yín sinsán sẹ̀ sọn apó lọ mẹ,
Podo lẹngbọ de ma na sọ tin to sínsíntẹn lẹ mẹ:
18Gãnṣo yẹn na jaya to OKLUNỌ mẹ,
Yẹn na jaglim to Jiwheyẹwhe whlẹngan ṣie tọn me.
19Jehova, OKLUNỌ lọ, wẹ huhlọn ṣie,
Ewọ bo sọ basi afọ siẹ lẹ taidi afọ agbànlin tọn lẹ,
Bo na sọ hẹn mi nado nọ zinzọnlin to otẹn yìaga ṣie lẹ ji.
Currently Selected:
HABBAKUK 3: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
