Gẹnẹsisi 16

1SALAI, asi Ablam tọn ma jivi de nẹ̃: ewọ tindo deviyọnnu de, Egiptinu, mehe oyín etọn yín Hagali 2Salai sọ dọ hlan Ablam, dọmọ, Dayi e go, OKLUNỌ ko hẹn mi dote sọn vijiji mẹ: yẹn vè we, biọ hòmẹ yì viyọnnu ṣie de lò; eya yen na mọ ovi zehẹn gbọn e dali. Ablam sọ yí ogbè Salai tọn sè. 3Salai asi Ablam tọn sọ yí Hagali deviyọnnu etọn Egiptinu lọ, to godo he Ablam ko nẹ̀ aigba Kenani tọn ji hò owhè ao, bo yí i na Ablam asú etọn nado yín asi etọn.

4Ewọ sọ biọ hòmẹ yì Hagali de, é sọ mọhò: whenuena é sọ mọ dọ emi mọhò, yọnnumẹmẹnu etọn zùn mẹvivlẹ to nukun etọn me 5Salai sọ dọ hlan Ablam, dọmọ, Ylanwàdo mi tin to oji we: yẹn yi deviyọnnu ṣie do akọ́n towe me; whenuena é mo dọmọ emi mohò, yẹn zùn mẹvivlẹ to nukun etọn mẹ: OKLUNỌ ni dawhè to yẹn po hiẹ po ṣẹnṣẹn. 6Ṣigba Ablam dọ hlan Salai, dọmọ, Dayi e go, deviyọnnu towe tin to alọ towe mẹ: wà enẹ he jẹto nukun towemẹ hẹ ẹ. Salai sọ zánalọ sinsinyẹn hẹ ẹ, é sọ wọ̀yì sọn nukọn etọn.

7Angẹli OKLUNỌ tọn sọ mọ ẹn to asisá otò de tọn tó to zùngbo me, to asisá, kòn to aliho he yì Suli ji. 8Ewọ sọ dọmọ, Hagali, deviyọnnu Salai tọn, fie wẹ hiẹ son wá? fie we hiẹ tọ́n jei? Ewọ sọ dọmọ, Wiwò yẹn te sọn Salai yọnnumemẹnu ṣie nukọn.

9Angẹli OKLUNỌ tọn lọ sọ dọ hlan ẹn, dọmọ, Gòyi yọnnumẹmẹnu towe de, bo sọ hùwhẹ́ dewe to alọ etọn glọ. 10Angẹli OKLUNỌ tọn lọ sọ dọ hlan ẹn, domọ, yẹn na hẹn okún towe lẹ jipli gegé, bọ yè ma na sọgan dọ sọha etọn na gégé. 11Angẹli OKLUNỌ tọn lọ sọdọ hlan en dọmọ, Dayi e go, hiẹ tin to ohò, bo na jivi sunnu de, bo na ylọ oyín etọn dọ Iṣmaeli; na OKLUNỌ ko sè nukunbibia towe wutu. 12Ewọ na yín gbẹtọ di kẹtẹkẹtẹ ogbé me tọn de; alọ etọn nasọ tin to gbẹtọ lẹpo go, alọ gbẹtọ lẹpo tọn nasọ tin to ewọ go: ewọ nasọ nọnọ̀ nukọn mẹmẹsunnu etọn lẹpo tọn.

13Ewọ sọ ylọ oyín OKLUNỌ he dọhó hlan en tọn dọ, Hie wẹ Jiwheyẹwhe de he nọ mọnú: na ewọ dọmọ, Be yẹn yèdọ to ofi gbè sọ to ewọ mẹhe to mimọ mi pọ̀n? 14Enẹwutu wẹ yè do nọ ylọ odotọ lọ dọ Bẹeli-lahai-loi: dayi e go, é tin to Kadesi po Belẹdi po ṣẹnṣẹn.

15Hagali sọ ji visunnu de na Ablam: Ablam sọ ylọ oyín ovi he Hagali jl tọn dọ Iṣmaeli. 16Ablam sọ yín owhè kanwesidopo mẹho whenuena Hagali ji Iṣmaeli hlan Ablam.

Currently Selected:

Gẹnẹsisi 16: BWL23

Highlight

Copy