2 TẸSALONIKANU LẸ 2
2
1MẸMẸSUNNU, mìwlẹ mì vè, gbọn gigòwá Jesu Klisti Oklunọ mítọn tọn dali, podọ gbọn oplidopọ mítọn dali to ewọ de, 2na otùwhẹ yawu li mì blo, kavi obu di mìblo, ébo sọ yín gbon gbigbọ mẹ, kavi gbọn ohó me, kavi gbọn owé kinkan de dali di sọn mí de, taidi azán Klisti tọn sẹpó. 3Mì dike mẹdepope klọ mì to-nudepope mẹ blo: na azán lọ ma na wá, adavo aijijẹ de vá whé, bọ yè na yí dawe ylandonọ nẹ hia, ehe yín ovi vivà tọn; 4mehe to aliglọn, bo sọ to ede zé do oji hú ehe yè nọ ylọ Jiwheyẹwhe, kavi ehe yè nọ litaina lẹpo; sọmọ bọ é sinai tọ tẹmpli Jiwheyẹwhe tọn mẹ, bo zé ede do gbonu di Jiwheyẹwhe. 5Be mi ma flin dọ, whenuena yẹn tin to mì de, yẹn ko dọ onú helẹ na mi ga? 6Dinvie mì sa ko yón onú he glọnali nẹ na yè nido do e hia to ojlẹ etọn mẹ. 7Na nudabla ylando tọn ko sè do azọ̀n wiwà ji: ṣigba ewọ he to aliglọn nẹ na to aliglọn nẹ̃ kaka yè na do dè e sẹ̀ sọn ali ji. 8Whenenu wẹ yè na dè mẹjẹglo lọ hia, mehe Oklunọ na yí gbigbọ onù etọn mẹ tọn do súdo, bo nasọ yí sisé gigò etọn tọn do súkundona: 9yèdọ ewọ lọ, mẹhe wiwá etọn na taidi azọ̀n Satani tọn kẹdẹ, po huhlọn lẹpo po, ohia, po lalo hé jawu lẹ po, 10po oklọ mawàdódó tọn lẹpo po na yé he dòn lẹ; na yé ma yí owanyi nugbo tọn wutu, na yè nido whlẹn yé gán 11Podọ ehewutu, Jiwheyẹwhe na do oklọ sinsinyẹn hlan yé, na yé nido yí lalo se: 12na yè nido dawhèna yé mẹpo he ma yí nugbo se lẹ, ṣigba bo tindo homẹvivi tò mawàdódó mẹ.
13Ṣigba mìwlẹ ma sọgan nọ opé mado hlan Jiwheyẹwhe whepoponu na mì tọn wutu, mẹmẹsunnu mẹyiwanna Oklunọ tọn lẹ, na Jiwheyẹwhe ko dè mì do whlẹngan kòn to whéwhéwhenu, gbọn lèwé Gbigbọ tọn po yise nugbo tọn po dali: 14do ehe dali é ylọ mì gbọn wẹndagbe mítọn mẹ, nado mọ gigo Jesu Klisti Oklunọ mítọn tọn yí. 15Enẹwutu, mẹmẹsunnu, mì nọte gligli, bo hẹn otànhóhó he yè ko plọ́n mì lẹ go, gbọn ohó mẹ, kavi gbọn owé mítọn mẹ.
16Dinvie na Jesu Klisti Oklunọ mítọn lọsu, po: Jiwheyẹwhe po, yèdọ Otọ mítọn lọ, mẹhe yiwanna mí, bo sọ yí homẹmimiọn madopodo po tódido dagbedagbe po na mí gbọn ojọmiọn mẹ, 17ni miọnayihana mì, bo sọ hẹn mì lódo to ohó po azọ̀n dagbedagbe lẹpo po mẹ.
Currently Selected:
2 TẸSALONIKANU LẸ 2: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.