2 TẸSALONIKANU LẸ 3
3
1TO popolẹpo mẹ, mẹmẹsunnu, mì nọ hodẹ na mí, na ohó Oklunọ tọn nido tó nukọnyì, bo sọ yín ehe yè na pagigona, yèdọ dile é te to mì de: 2podọ na yè nido whlen mí sọn yé he ma lẹnnupọ́n po mẹylankan lẹ po de: na omẹ pó ma tindo yise goa. 3Ṣigba nugbonọ wẹ Oklunọ, mẹhe na hẹn mì lódo, bo na sọ mí whlá sọn oylan mẹ. 4Mí sọ do tugbigbo to Oklunọ mẹ na mì tọn wutu dọ, mì ko wà, bo nasọ to onú he mí degbèna mì lẹ wà. 5Na Oklunọ ni yín alihiamẹtọ mìtọn to ayiha mẹ do owanyi Jiwheyẹwhe tọn; mẹ, podọ do homẹfa Klisti tọn mẹ.
6Be mìwlẹ sọ degbèna mì, mẹmẹsunnu, to oyín Jesu Klisti Oklunọ mítọn tọn mẹ, dọ mì ni klán mìde sọn mẹmẹsunnu depope he zọnlin etọn ma jlọ dali, he ma di otànhóhó he mì yí sọn mí de. 7Na mìlọsu yẹ́n le mì do nọ hodo mí do: na mìwlẹ ma yí mìde do wà onú he ma jlọ de to mì ṣẹnṣẹn gba; 8mọ mìwlẹ ma sọ dù núdùdù omẹ depope tọn tata; ṣigba mìwlẹ to azónwà to tuklajijẹ po awufiẹsa pọ mẹ to okle po ozán po, na mí ma nado zán akuẹ omẹ depope tọn. 9Na é ma yín dọ, mìwlẹ ma tindo huhlọn wẹ gba, ṣigba mí to mìde yi do to ohia basi hlan mì nado nọ hodo mi. 10Na whenuena mí tlẹ tin to mì de, ehe lọ wẹ mí degbèna mì, dọ eyín omẹ depope ma jlo azón na wà, é ma jẹ ni dùnú gba. 11Na mìwlẹ sè dọ omẹ delẹ tin, bọ zọnlin yetọn ma gbọn titegbè to mì mẹ, he ma nọ wàzón lala, ṣigba yé kúkú gbọ lẹzun ajanmánọ. 12Dinvie yé he yín omẹ mọnkọ lẹ wẹ mí degbèdo, bo sọ to homẹjladona to Jesu Klisti Oklunọ mítọn mẹ, dọ yé ni nọ wà dẹdẹ do wàzn, na yé ni sọ nọ dù núdùdù yetọn titi. 13Ṣigba mì, mẹmẹsunnu emi, nusikọna mì to azọ̀n dagbe wiwà mẹ blo. 14Eyín ómẹ depope ma sọ yí ohó mítọn gbọn owẹ́ he dali, mì payi e go, mi sọ dogbé hẹ ẹ blo, na winyan nido hù i. 15Mì yí i do do kéntọ blo, ṣigba mì nọ kọhó nẹ di mẹmẹsunnu.
16Be na Oklunọ jijọho tọn lọsu ni na jijọho mì whepoponu to onú popo mẹ. Na Oklunọ ni tin tó mì mẹpo de.
17Onúdọdomẹ Paulu tọn sọn alọ yẹhlọsu tọn mẹ, ehe yín ohia to owé lẹpo mẹ: mọwẹ yẹn to wéwlan. 18Na ojọmiọn Jesu Klisti Oklunọ mítọn tọn ni tin to mì mẹpo de. Niṣẹ.
Currently Selected:
2 TẸSALONIKANU LẸ 3: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.