2 SAMUẸLI 6

1DAVIDI sọ vó omẹ sìnyansinyan Islaeli tọn lẹpo bé pli dopọ, fọtọ́n ogbàn. 2Davidi sọ tite, bo yì po omẹ he tin to e de lẹpo po, sọn Baale Juda ton, nado hẹn alki Jiwheyẹwhe tọn sọn finẹ wá aga, he yè nọ ylọ gbọn oyín dali, yèdọ oyín OKLUNỌ awhànpa le tọn tọn he sinai to kẹlúbimi ji. 3Yé sọ zé alki Jiwheyẹwhe tọn lọ do kẹkẹgèawenọ yọ́yọ́ de ji, bo hẹn ẹn tón sọn owhé Abinadabi tọn gbè he tin to okọta ji: Uza po Ahio po, visunnu Abinadabi tọn lẹ, sọ to kẹkẹgèawenọ yọ́yọ́ lọ dòn. 4Yé sọ hẹn ẹn tọn sọn owhé Abinadabi tọn gbè, he ko tin to okọta ji, po alki Jiwheyẹwhe tọn lọ po: Ahio sọ to yìyì to alki lọ nukọn. 5Davidi po owhé Islaeli tọn lepo po sọ yi hunkọhunkọ nuzinzán yè basi sọn filitin mẹ tọn lẹ, po ajalẹn lẹ po, po asiazón hànjinu lẹ po, po akòhún lẹ po, po asán lẹ po, po ajògàn lẹ po, do to aihúnda to OKLUNỌ nukọn. 6Whenuena yé wá jẹ ojitùn-gbàji Nakonì tọn, Uza dè alọ etọn tọ́n hlan alki Jiwheyẹwhe tọn, bo hẹn e go; na oyìnsú lẹ lọ dahli. 7Yè sọ hẹn adi OKLUNỌ tọn jimiyọn do Uza ji; Jiwheyẹwhe sọ hò e to finẹ na nuṣiwà etọn; finẹ é sọ kú do to alki Jiwheyẹwhe tọn lọ kọ̀n. 8Davidi sọ yín homẹmẹhùnnọ, na OKLUNỌ ko gbà jẹgbonu do Uza ji wutu: é sọ ylọ ofi nẹ dọ Pẹlezi-uza, jẹ egbé he, 9Davidi sọ yín avọ̀satọ na OKLUNỌ tọn to gbènẹgbe; é sọ dọmọ, Na alki OKLUNỌ tọn na wá dẽ do? 10Mowẹ Davidi ma jlo na diọtẹnna alki OKLUNỌ tọn hlan e de biọ tòdaho Davidi tọn mẹ gba; ṣigba Davidi hẹn ẹn yì olá biọ owhé Obẹdi-edọmi Gitinu tọn gbè. 11Alki OKLUNỌ tọn sọ tin to owhé Obẹdi-edọmi Gitinu tọn gbè osùn atọ̀n: OKLUNỌ sọ dona Obẹdi-edọmi, po owhé etọn lẹpo po. 12Yè sọ dọ na Davidi ahọlu dọmọ, OKLUNỌ ko dona owhé Obẹdi-edọmi tọn, po ehe yín etọn lẹpo po, na alki Jiwheyẹwhe tọn tọn wutu. Davidi sọ yì bo hẹn alki Jiwheyẹwhe tọn hẹji sọn owhé Obẹdi-edọmi tọn gbè biọ todaho Davidi tọn mẹ po ayajẹ po. 13E sọ yín mọ, dọ whenuena yé he hẹn alki OKLUNỌ tọn lẹ ko yì afọdidè ṣidopo, é nọ yí oyín dopo do sánvọ po kanlinjonọ dopo po. 14Davidi sọ yí hlọnhlọn etọn lẹpo do to wèdu to OKLUNỌ nukọn; yè sọ yí ẹfọdi ala tọn de do blahomẹna Davidi. 15Mọwẹ Davidi po owhẹ́ Islaeli tọn lẹpo po yi abobo po ogbè opèn tọn po do hẹn alki OKLUNỌ tọn hẹji wá. 16E sọ yín mọ, le alki OKLUNỌ tọn biọ tòdaho Davidi tọn mẹ wá, wẹ Mikali viyọnnu Sauli lọn pọ̀n gbonu to ovésénu, bọ Davidi ahọlu to linlọn bo to wèdu to OKLUNỌ nukọn; ewọ sọ vlẹ ẹ to ayiha etọn mẹ. 17Yé sọ hẹn alki OKLUNỌ tọn lọ wá whégbe, bo zé e do otẹn etọn mẹ, to gblaglda gohò he Davidi ko pọ́n nẹ tọn mẹ: Davidi sọ na avọ nunina mimẹ̀ lẹ po avọ̀ nunina jijọho tọn lẹ po to OKLUNỌ nukọn. 18Whenuena Davidi ko dotana avọ̀ nunina mimẹ̀ lọ po avọ̀ nunina jijọho tọn lẹ po, é dona gbẹtọ lẹ to oyín OKLUNỌ awhànpa lẹ tọn tọn mẹ. 19E sọ má do gbẹtọ lẹpo ṣẹnṣẹn, yèdọ do agùn Islaeli tọn pete ṣẹnṣẹn, hlan sunnu lẹ po yọnnu lẹ po, hlan omẹ dopodopo hihi akla tọn de, po mimá olàn tọn de po, po hihi vẹnhúhú lẹ tọn de po. Mọwẹ gbẹtọ lẹpo fọ́nyì omẹ dopodopo jẹ owhé etọn gbè. 20Whenẹnu wẹ Davidi lẹ́gọ̀ nado dona whédo etọn. Mikali viyọnnu Sauli tọn sọ tọ̀n wá nado pé Davidi, bo dọmọ, Na wẹ ahọlu Islaeli tọn yín gigonọ do to egbé, mẹhe dè ede domó to egbé to nukun deviyọnnu dẹvisunnu etọn lẹ tọn lẹ tọn mẹ, dile dopo sọn omẹ fusa lẹ mẹ nọ yí matinwínyan do dè ede domé do. 21Davidi sọ dọ hlan Mikali dọ, Nukọn OKLUNỌ tọn wẹ é yín, he glo mi pọn to otò towe ji, podọ to owhé etọn lẹpo ji, nado yí mi do dè ahọvi do omẹ OKLUNỌ tọn lẹ ji, do Islaeli ji: enẹwutu wẹ yẹn na daihún to OKLUNỌ nukọn. 22Yẹn na gbẹ́ sọ yín omẹ fusa hú le, bo na sọ yín mẹvọ̀nu to nukun dẽ lọsu tọn mẹ: ṣigba deviyọnnu lẹ, ohò mehe tọn hiẹ dọ, sọn yé de wẹ yè na tindo mi to gbégbò mẹ. 23Mikali viyọnnu Sauli tọn ma sọ tindo ovi de kakajẹ azán okú etọn tọn gbè.

Currently Selected:

2 SAMUẸLI 6: BWL23

Highlight

Copy