1 SAMUẸLI 13

1SAULI yín omẹ owhè ogbàn tọn whenuena é ṣẹ̀ nado dùahọlu; é sọ duahọlu owhè awe to Islaeli ji 2Sauli sọ dè sunnu fọtọ́n atọ̀n sọn Islaeli mẹ na ede; ehetọn fọtọ́n awe tin to Sauli de to Mikinasi mẹ podọ to osé Bẹteli ton mẹ, fọtọ́n dopo tin to Jonatani de to Gibea Bẹnjamini tọn mẹ: pipòtọ gbẹtọ lẹ tọn é do omẹ dopodopo hlan gohọ̀ etọn mẹ. 3Jonatani sọ hò tòwhan Filistini lẹ tọn he tin to Geba, Filistini lẹ sọ sè e. Sauli sọ kún opẹ́n lèdo aigba lẹpo, dọmọ, Gbọ Heblu lẹ ni sè. 4Islaeli lẹpo sọ sè dọ Sauli ko hò tòwhàn Filistini lẹ tọn, podọ Islaeli ga yè tindo to osùnú mẹ to Filistini lẹ de. Yè sọ pli gbẹtọ lẹ dopọ do Sauli godo to Gilgali. 5Filistini lẹ sọ ṣinyan yéde dopọ nado hòavùn hẹ Islaeli, kẹke fọtọ́n ogbàn, po osọ́nọ fọtọ́n ṣidopo po, podọ gbẹtọ di tòkẹn he tin to ohù to to gegé mẹ: yé sọ heaga wá, bo dosla to Mikinasi mẹ, whèyìhọ Bẹti-aveni tọn dali. 6Whenuena omẹ Islaeli tọn lẹ mọ dọ ye tin tọ jinján de mẹ (na yè hẹn nukunbia gbẹtọ lẹ,) whenẹnu wẹ gbẹtọ lẹ whla yéde to aigbaslo Lẹ mẹ, podọ to zunkàn lẹ mẹ, podọ to osé lẹ mẹ, podọ to ganhọ le me, podọ to dogbogbé lẹ mẹ. 7Dinvie dẽlẹ Sọn Heblu lẹ mẹ ko yì Jọdani gododọ̃n to aigba Gadi po Gileadi po tọn ji; ṣigba na Sauli tọn, ewọ tin to Gilgali mẹ, gbẹtọ lẹpo sọ to hihodo e to sisọsisọ mẹ.

8Ẹwọ sọ dọ̀ngbàn azán ṣinawe, kẹdedi ojlẹ didè he Samuẹli ko dọ: ṣigba Samuẹii ma wá Gilgali gba; yè sọ hẹn gbẹto lẹ kija sọn e de. 9Sauli sọ dọmọ, Mì hẹn avọ́ nunina mimẹ̀ lọ wá dè, po avọ́ nunina jijọho tọn po. E sọ na avọ́ nunina mimẹ̀ lọ. 10E sọ wá jọ, le é ko dotana nina avọ́ nunina mimẹ̀ lọ kẹdẹ, dayi e go, wẹ Samuẹli wá; Sauli sọ tọ́n yì nado pé e, na é nido dọnudo e. 11Samuẹli sọ dọmọ, Eté hiẹ ko wà? Sauli sọ dọmọ, Na yẹn mọ dọ yè hẹn gbẹtọ lẹ kija sọn dẽ wutu, podọ hiẹ ma sọ wá to azán he yè dè lẹ mẹ, podọ Filistini lẹ bé yéde dopọ to Mikinasi; 12Enẹwutu wẹ yẹn dọmọ, Dinvie wẹ Filistini lẹ na jẹte wá oji e to Gilgali, yẹn ma ko vẹvẹ na nukundagbe OKLUNỌ tọn: enẹwutu yẹn yí huhlọn do hẹn dẽ, bo na avọ́ nunina mimẹ̀ lọ. 13Samuẹli sọ dọ hlan Sauli dọ, Hiẹ wà onú di OHLO NỌ: hiẹ ma ko yìn gbèdide OKLUNỌ Jiwheyẹwhe towe tọn gba, ehe é degbèna we: na dinvie wẹ OKLUNỌ do ko hẹn ahọludu towe lódo to Islaeli ji kakadoi. 14Ṣigba dinvie ahọludu towe ma na yìkaka gba: OKLUNỌ ko din omẹ de nẹ́ di ayiha ede titi tọn, OKLUNỌ ko sọ dè e nado yín ahọvi to omẹ etọn lẹ ji, na hiẹ ma ko yìn enẹ he OKLUNỌ degbèna we wutu.

15Samuẹli sọ tite, bo hẹn ede fọ́n sọn Gilgali yì Gibea Bẹnjamini tọn. Sauli sọ hia gbẹtọ he tin to e de lẹ, nai sunnusi nuọntọ̀n nkọ. 16Sauli, po Jonatani visunnu etọn po, po omẹ he tin to e de lẹ po, nọnó Geba Bẹnjamini tọn mẹ: ṣigba Filietini lẹ dosla do Mikinasi mẹ. 17Ogblandutọ lẹ sọ tọ́n wá sọn osla Filistini lẹ tọn mẹ to ogbẹ́ atọ̀n mẹ: ogbẹ dopo lé hlan aliho he yì Ọfla ji, hlan aigba Ṣuali tọn ji: 18Ogbẹ́ awetọ diọ aliho hlan Beti—holọm dali ogbẹ́ atọ̀ntọ diọ aliho agboji tọn he pon odo do agbàdo Zẹboimi tọn ji hlan zùngbo lọ dali.

19Dinvie yè ma mọ ayátọ de to aigba Islaeli tọn lẹpo ji lédo, na Filistini lẹ dọmọ, Heblu lẹ nikã basi ohi lẹ po owhán lẹ po na yé: 20Ṣigba Islaelinu lẹpo sọ jẹte yì Filistini lẹ de nado gàn ome dopodopo agbogọdoẹ etọn, po alín etọn po, po asiovi etọn po, po akùn etọn po; 21Gãnṣo yé tindo ayinyọn de na akùn lẹ, podọ na alín lẹ, podọ na ogá lẹ, podọ na asiọvi lẹ, podọ nado tò gànbá lẹ. 22Mọwẹ é sọ wá jọ to azán awhàn tọn gbè, bọ yè ma mọ ohi de kavi owhan to alọ omẹ he tin to Sauli po Jonatani po depope de gba: adavo to Sauli po Jonatani visunnu etọn po de wẹ yè mọ de te. 23Otòwhàn Filistini lẹ tọn sọ tọ́n yì Mikinasi gòzizẹ.

Currently Selected:

1 SAMUẸLI 13: BWL23

Highlight

Copy