Lʉʉka Ɨmhola ɨndongosi
Ɨmhola ɨndongosi
Ɨkɨtabu ɨkɨ kɨlyalembilue nʉ Lʉʉka jʉno alyalembile ɨkɨtabu ɨkya Mbombo sa Vasungʼhua. Ʉmuunhu ʉjʉ naalyale Mʉyahudi, alyale Mʉyunaani. Luvoneka alyale mwɨmbi kange alyale mwɨtɨki. Ʉnsiki ghʉmonga akaghendagha nʉ Paulo mʉ mbombo ɨja kʉpʉlɨsia ɨMhola ɨNofu. Mʉ kɨtabu ɨkɨ, ʉLʉʉka ijova ɨmbombo ɨja Yesu mʉ vʉtavɨke ʉvʉnono, kuuti avaanhu vano naVayahudi vakagʉle.
Mʉ kɨtabu ɨkɨ mwesili imhola nyinga sino nasilembilue mʉ fitabu ifingi ifya mʉ Lʉfingo ʉLʉpia, ndavʉle kuholua kwa Yohani ʉMwofughi, ɨmbombo jaake ɨja kʉpʉlɨsia, kuholua kwa Yesu ni mhola saake isa pa vwana. Kange, ʉLʉʉka mʉ kɨtabu ɨkɨ ikwoleka vʉle lʉlɨvuo ʉlʉghano lwa Ngʉlʉve kʉ vaanhu vooni. Ikwoleka ʉlʉghano ʉluo vwɨmɨla imhola isa Yesu Kɨlɨsite sino akavombagha na kukwoleka mʉ fihwanɨkɨsio, ndavʉle ifipango ifya Nsamalia ʉnnofu, ʉmwana ʉnsove, na vʉle alikalile vʉnofu nʉ nsongesia songo jʉno avaanhu vakankalaliile fiijo, na vʉle alyamʉlaghile ʉvwʉmi ʉvwa kʉvʉsila kʉsila ʉmhosi jʉno alyakomelilue pa kɨkovekano palɨkɨmo nʉ mwene.
Currently Selected:
Lʉʉka Ɨmhola ɨndongosi: wbi
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.