MALAQUÍAS 4
4
Señor Diospa juzganan p'unchay
1Horno hina rawrarishaq p'unchaymi chayamushan. Chay p'unchaymi llapa anchaykachaqkunapas llapa mana allin ruwaqkunapas q'opa hina ruphaykachisqa kanqa, manataq imallapas puchunqachu. Ñoqa Tukuy-atiyniyoq Señor Diosmi chayta nini. 2Qankuna manchakuwaqniykunapaqmi ichaqa chaninchayniy inti hina k'anchaykamusunkichis, qespikuytataq apamusunkichis. Hinan kanchamanta kacharisqa torillokuna hina kusisqallaña saltankichis. 3Chaykunata ruwasqay p'unchaymi millay runakunata t'ustunkichis, usphata hinan paykunata sarunkichis. Ñoqa Tukuy-atiyniyoq Señor Diosmi chayta nini.
4Llapa Israel runakunapaqmi Horeb orqopi kamachiy Moisesman qorqani kamachikuyniykunata yachachikuyniykunatawan, chaykunata yuyarispa kasukuychis.
5Ñoqa Señor Diospa hatun mancharikuy p'unchayniy manaraq chayamushaqtinmi, profeta Eliasta kachamusqaykichis. 6Paymi tayta-mamakunata wawankuwan allipunachinqa, wawakunatapas tayta-mamankuwan allipunachinqa. Mana hina kaqtinqa, hamuspaymi suyuntinta ñakaspa muchuchiyman.
Currently Selected:
MALAQUÍAS 4: QUECUZ
Highlight
Share
Copy
Want to have your highlights saved across all your devices? Sign up or sign in
Revised Quechua Cuzco Bible © Peruvian Bible Society, 2004.
