ZACARIAS 12
12
Jerusalen llaqta librasqa kananmanta
1Ñoqa Zacariasmanmi Israel nacionmanta Tayta Dios willawarqa. Tayta Diosqa cielokunatam chutarirqa, paymi kay pachapa cimientontapas churarqa, paytaqmi runakunamanpas kawsaq espiritunta qorqa, paymá niwarqa:
2—Ñoqam Jerusalen llaqtata tikrarusaq vino huntayoq vasota hina hinaptinmi chayta tomaq muyuriqninpi llapallan nacionkuna sinkarunqaku, chaynaqa rikurirunqaku Judá nacionpa hinaspa Jerusalen llaqtapa contranpi guerrawan muyuruq hamuspankum. 3Llapallan nacionkuna Jerusalen llaqtapa contranpi hatariruptinmi chay tiempopiqa llasa-llasaq rumiman hinaña tikrarusaq Jerusalen llaqtata. Pipas chay rumi hoqariy munaqqa kikillanmi ikipakurunqa. 4Chay tiempopim ñoqa Tayta Dios llapallan caballokunata mancharirachisaq, chay caballo sillakuqkunatapas locoyarachisaqmi. Judá castakunata waqaychaspam nacionkunapa llapallan caballonkunatañataq ñawsayarachisaq. 5Chaymi chaykunata qawaykuspa Juda nacionpi kamachikuqkunañataq sonqonkupi kaynata ninqaku: “Jerusalen llaqtapi *f**yachaqkunaqa kallpasapallañam kachkanku, chaynaqa kachkanku Llapallan Kamachiq Tayta Dios paykunapa Diosnin kasqanraykum” nispa. 6Chay tiempopim Juda nacionpi kamachiqkunata tikrarusaq yantapa chawpinman sansa wischuykusqaman, paykunataqa tikrarusaq gamillakunapa chawpinpi ratachkaq mecheromanmi hinaptinmi paykunaqa muyuriqninpi kaq nacionkunata kaynaman-waknaman kañarunqaku. Jerusalen llaqtaqa huktawanmi runakunapa *f**yachasqan kanqa hina kikin Jerusalenpi.
7—Ichaqa ñoqa Tayta Diosqa Juda castakunataraqmi puntataqa salvasaq, chaynataqa rurasaq Davidpa castankuna hinaspa Jerusalen llaqtapi *f**yachaqkuna ancha reqsisqa kasqankuwan Judapa wakin castankumanta mana hatunchakunankupaqmi. 8Chay tiempopiqa ñoqa Tayta Diosmi Jerusalen llaqtapi *f**yachaqkunata waqaychasaq, chay tiempopiqa wichi-wichi purikuq runapas Rey David hina kallpasaparaqmi rikurirunqa, Rey Davidpa castankunañataqmi rikurirunqa Dios hinaraq. Paykunaqa rikurirunqaku ñawpaqninku riq Tayta Diospa angelnin hinaraqmi. 9Chay tiempopiqa kikiypunim alistakuykusaq Jerusalen llaqtapa contranpi hamuq llapallan nacionkunata chinkarachinaypaq.
10—Chay punchawkunapiqa Davidpa castankunamanwan Jerusalen llaqtapi *f**yachaqkunamanmi huntaykusaq llakipayakuq hinaspa ruegakuq espirituwan. Paykunaqa chay tuksirusqankutam qawawanqaku, paykunaqa waqanqaku sapachallan wawamantapas waqachkaq hinam, punta kaq wawamantapas waqachkaq hinam aminankukama waqanqaku. 11Chay punchawpiqa Jerusalen llaqtapim runakuna waqanqaku, paykunaqa waqanqaku Meguido pampapi Hadad-rimon sutiyoq taytachankumanta waqachkaq hinam. 12Chay Israel nacionpi *f**yachaqkunaqa sapa-sapa familiantinmi waqanqaku. David castamanta kaq familiakunam sapaq lawpi waqanqaku, paykunapa warminkupas sapaq lawpim waqanqaku. Natan castamanta kaq familiakunapas sapaq lawpim waqanqaku warmintin. 13Leviy castamanta kaq familiakunapas sapaq lawpim waqanqaku warmintin. Semei castamanta kaq familiakunapas sapaq lawpim waqanqaku warmintin. 14Sapa-sapaq lawpimá waqanqaku wakin castakunamanta kaq familiakunapas, waqanqakuqa hina warmintinkamam.
Currently Selected:
ZACARIAS 12: QUEAYA87
Highlight
Share
Copy
Want to have your highlights saved across all your devices? Sign up or sign in
