JUAN 2

Cana llaqtapi casarakuymanta

1Kimsa punchaw pasaruptinmi Galilea law Cana llaqtapi karqa casamiento. Chaypim karqa Jesus chaynataq mamanpas. 2Jesustam discipulonkunatawan qayachirqaku chay casamientoman. 3Vino pisiruptinmi Jesusta maman nirqa:

—Vinom pisirun —nispa.

4Chaymi Jesus nirqa:

—Mamay ¿imanasqataq niwanki chaynataqa? Manaraqmi tiempoy chayamunraqchu —nispa.

5Chaymi serviqkunata Maria nirqa:

—Ruraychik Jesuspa imam kamachisusqaykichikta —nispa.

6Soqta urpukunam kachkarqa rumimanta rurasqa, chayna urpukunapim judiokuna yakuta waqaychaq *f**chuyanchakunankupaq. Sapa urpumanmi yaku huntaq iskay-kimsa puyñu. 7Chaymi serviqkunata Jesus nirqa:

—Hillpuychik yakuta kay urpukunaman —nispa.

Chaymi hillpurqaku huntanankama. 8Chaymi Jesus nirqa:

—Wisispa apaychik mayordomoman —nispa.

Chaymi kamachisqanman hina aparqaku. 9Yakumanta vinoyaruqta mayordomo malliykuspanmi mana yacharqachu ni maypi waqaychasqankutapas, serviqkunallam yacharqa chay vinoqa yakumanta kasqanta. Mayordomom noviota qayaykuspan nirqa:

10—Llapa runaqa puntataqa servinku allinnin vinotam, llumpayta tomaruptinkuñam qamyantaqa qonku. Qamñataqmi allinninta waqaychasqanki qepapaqraq —nispa.

11Kay punta kaq *f**milagrotam Jesus rurarqa Galilea law Cana llaqtapi. Chaywanmi qawachikurqa atiyninta hinaptinmi discipulonkuna iñirqa payman.

12Chaymantam rirqa Capernaum llaqtaman mamanwan, wawqenkunawan hinaspa discipulonkunawan, chaypim *f**yacharqaku unayneq.

Templomanta negociantekunata Jesus qarqosqanmanta

(Mt 21:12-13. Mr 11:15-18. Lc 19:45-46)

13Judiokunapa *f**Pascua Fiestanku hichpamuchkaptinmi Jesus rirqa Jerusalenman. 14Templopim tarirurqa bueyeskuna, ovejakuna hinaspa palomakuna *f**rantikuq runakunata chaynataq qollqe cambiaqkunatapas. 15Chaymi Jesus waskamanta latigota rurakuykuspa templomanta lliwta qarqorurqa ovejantinta hinaspa bueyesnintinta. Qollqe cambiaq runakunapa qollqentapas tallirurqam hinaspam mesankutapas wikaparamurqa. 16Palomakuna *f**rantikuqkunatañataqmi nirqa:

—¡Kaykunata horqowaychik kaymanta! ¡Taytaypa wasintaqa amayá qatu wasitaqa ruraychikchu! —nispa.

17Hinaptinmi discipulonkuna yuyarirurqaku:

—Sinchitam sientini Diospa wasinmantaqa —niq qellqasqata.

18Judiokunañataqmi nirqa:

—Kaykunata rurachkaspaykiqa ima *f**milagrollatapas qawachiwaykuyá derechoyoq kasqaykita yachanaykupaq —nispa.

19Chaymi Jesus nirqa:

—Tuñirachiychik kay templota hinaptinmi kimsa punchawllapi hatarirachisaq —nispa.

20Judiokunañataqmi nirqa:

—Kay temploqa rurasqa karqa tawa chunka soqtayoq watapim ¿hinaptinchu qamqa kimsa punchawllapi hatarirachiwaq? —nispa.

21Templomanta rimaspanqa Jesusqa nichkarqa kikinpa cuerponmantam. 22Jesus wañukusqanmanta kawsarimuptinmi discipulonkuna yuyarirqaku chaynakuna nisqanta hinaspam creerqaku Bibliapi chaynataq Jesuspa nisqankunapipas.

Jesusqa llapallantam reqsin

23Jerusalenpi kaspanmi *f**Pascua Fiestapi rurarqa achkaq *f**milagrokunata chaymi achka runakuna iñirqaku Jesusman. 24Ichaqa manam confiakurqachu runakunapiqa llapankuta reqsisqanrayku. 25Manataqmi pitapas necesitarqachu pi runamanta ima ninantapas, kikin Jesusmi reqsirqa sapakama runapa sonqontaqa.

Currently Selected:

JUAN 2: QUEAYA87

Highlight

Copy