GENESIS 38
38
Tamar warmimantawan Judamanta
1Chay tiempopim wawqenkunamanta Juda rakikuruspan chayarurqa Adulam llaqtayoq Hira sutiyoq runapaman. 2Hinaspam chaypi Canaan casta Sua sutiyoq runapa warmi churinta rikuruspan paywan casarakurqa. 3Paymi wiksayakuruspan wachakururqa qari wawata hinaspam suticharqa Erwan. 4Yapatawan wiksayakuruspam wachakururqa qari wawata hinaspam suticharqa Onanwan.
5Quisib llaqtapi Juda kachkaptinmi warmin kasqallan wiksayakuruspan wachakururqa qari wawata hinaspam suticharqa Selawan.
6Chaymi Judaqa piwi churin Erta casarachirqa Tamar sutiyoq warmiwan. 7Er sutiyoq Judapa piwi churinmi Tayta Diospa qayllanpi mana allin ruraq karqa chaymi Tayta Dios wañurachirqa. 8Chaymi Juda nirqa churin Onanta:
—Casarakuy wawqekipa viudanwan hinaspa cuñado hina debernikita cumpliy chaynapi wawqekipa miraynin ama tukunanpaq —nispa.
9Chaymi wawqenpa miraynin mana kananta munaspan wawqenpa viudanwan Onan puñuspa pampallaman sutuchiq. Payqa yacharqam wiksayakuruptinqa mana paypa churin kananta. 10Chay rurasqanmi Tayta Diosta mana gustarqachu hinaptinmi paytapas wañurachirqa. 11Llumchuynin Tamartam Juda nirqa:
—Taytaykipa wasinpi hina viudalla *f**yachamuchkay churiy Sela hatunyanankama —nispa.
Judam piensarqa: “Yanqañataq wañurunman churiy Selapas wawqenkuna hina” nispan. Chaymi Tamarqa taytanpaman ripukurqa chaypi *f**yachananpaq.
12Unaymantañam Judapa warmin otaq Sua sutiyoq runapa churin wañukurqa chaymi Judaqa lutokusqanta horqokuruspan rirqa Timnat llaqtata ovejankuna rutuq. Paytam compañarqa Adulam llaqtayoq amistadnin Hira. 13Chaymi Tamarman willaykurqaku:
—Suegroykim ovejankuna rutuq richkan Timnat llaqtata —nispa.
14Chaymi Tamarqa viuda pachanta horqokuruspan rebosanwan tapakuykuspan tiyarqa Enaim llaqtaman yaykunapi. Chayqa karqa Timnat llaqtaman rina ñanpa patanpim. Tamarqa yacharqam cuñadon Selaqa hatun runaña kasqanta, yacharqataqmi suegronqa prometikusqanman hina mana casarachisqantapas.
15Hinaptinmi Tamarta Juda rikuruspan piensarqa chuchumika kasqanpaq, chaynataqa piensarqa chay warmipa uyan tapasqa kasqanraykum. 16Chaymi Judaqa chay warmipa lawman muyuykuspan nirqa:
—Puñuytam munani qanwan —nispan.
Chaynataqa nirqa llumchuynin kasqanta mana yachastinmi. Hinaptinmi chay warmiñataq nirqa:
—¿Imatataq qowanki ñoqawan puñuspaykiqa? —nispa.
17Chaymi Judañataq nirqa:
—Huk chivatochatam apachimusqayki —nispa.
Hinaptinmi warmiñataq nirqa:
—Prendaykita qoway apachimuwanaykikama —nispa.
18Chaymi Judañataq tapurqa:
—¿Ima prendatataq munanki? —nispa.
Hinaptinmi chay warmiñataq nirqa:
—Watuyoq selloq anilloykita qoykuway tawnaykitawan —nispa.
Chaymi qoykuspan paywan puñururqa. Hinaptinmi Tamarqa wiksayakururqa. 19Chaymi Tamar pasakuspan rebozanta horqokuruspan viuda pachanwan pachakururqa.
20Chaymantam Judaqa Adulam llaqtayoq amistadnin runawan huk chivatochata apachirqa chaynapi warmiman qosqan prendankunata mañamunanpaq ichaqa manam tarimurqachu. 21Hinaspam chay warmiwan tupasqan lugarpi runakunata tapukurqa:
—¿Maypitaq kachkan ñanpa hichpanpi tiyaq Enaimpi kaq chuchumika warmi? —nispa.
Hinaptinmi paykunañataq nirqaku:
—Manam kaypiqa kanchu chuchumika warmiqa —nispa.
22Chaymi Hira kutispan Judata nirqa:
—Manam tarimunichu, chaypi runakunapas: “Kaypiqa manam chuchumika warmiqa kanchu” nispam nimuwanku.
23Chaymi Juda nirqa:
—Chay qosqaytaqa apakuchunyá mana pipas asipayawananchikpaq. Ñoqaqariki apachirqaykim kay chivatochata hinaptinmi mana tarimunkichu —nispa.
24Kimsa killa pasaruptinmi Judaman willamurqaku:
—Llumchuyniki Tamarqa huchapakurunmi hinaspam wiksayoq kachkan —nispa.
Chaymi Juda nirqa:
—Horqomuspa kañaychik —nispa.
25Chaymi payta horqomuchkaptinku kacharqa suegronman nichiq:
—Kay prendapa dueñon runapatam wiksayakuruni. Reqsikuy ¿pipataq kay watuyoq selloq anillowan tawnaqa? —nispa.
26Chaymi Juda reqsikuykuspa nirqa:
—Churiy Selawan mana casarachisqayraykum payqa inocente ñoqamantaqa —nispa.
Chaymi manaña puñurqañachu paywan.
27Chaymi Tamarpa wachakunan tiempo chayaramuptin mellizocha kasqa. 28Wachakuchkaptinmi huknin wawa makinta horqoramurqa hinaptinmi partera hapiruspan puka qaytuwan watarurqa:
—Kaymi lloqsimurqa puntata —nispan.
29Makinta kaq kutiykarachiptinmi huknin wawqen lloqsiramurqa puntata hinaptinmi partera nirqa:
—¿Imaynataq kichamurqanki lloqsimunaykipaq? —nispa.
Chaymi suticharqa #Hebreo simipi Fares ninanqa “kichay” otaq “llikiy” ninanmi.Fareswan. 30Paypa qepantañam wawqen lloqsimurqa puka qaytu watuyoq chaymi suticharqa Zarawan.
Currently Selected:
GENESIS 38: QUEAYA87
Highlight
Share
Copy
Want to have your highlights saved across all your devices? Sign up or sign in
