GENESIS 35

Betel llaqtapi Jacobta Diospa bendecisqanmanta

1Diosmi nirqa Jacobta:

—Betel lawman rispayki chaypi *f**yachamuy hinaspa chaypitaq ñoqapaq altarta ruramuy. Ñoqam kani wawqeki Esaumanta lluptichkaptiki rikuriqniki Dios —nispa. 2Chaymi Jacob nirqa familiantawan llapallan paywan kaqkunata:

—Wischuychik hatallisqaykichik taytacha-mamachakunata hinaspa limpiakuychik, mudakuychiktaq pachaykichiktapas. 3Hakuchik Betel lawman, llakiypi rimapayawaqniy Diosmanmi chaypi ruramusaq altarta, paymi purisqaykunapi ñoqawan karqa.

4Chaymi Jacobman qoykurqaku hatallisqanku llapallan taytacha-mamachakunata chaynataq rinrinkupi kaq aretekunatapas chaymi Jacob pamparurqa Siquem llaqtapa hichpan encina sachapa sikinpi. 5Ripukuptinkum Dios qorqa manchakuyta muyuriqnin llaqtapi kaq runakunaman chaynapi Jacobpa churinkunata mana qatinankupaq.

6Jacobmi chayarqa llapallan runakunapiwan “Luz” sutiyoq llaqtaman, chaypa huknin sutinqa Betelmi, chayqariki tarikun Canaan allpapim. 7Chaypi altarta ruraruspam chay sitiota suticharqa #Hebreo simipi El-Betel ninanqa “Betel llaqtapa Diosnin” ninanmi.El-Betelwan wawqenmanta lluptichkaptin Dios chaypi rikuriykusqanrayku. 8Chaypitaqmi wañururqa Rebeca uywaq Deborapas hinaptinmi pamparurqaku Betel llaqtapa hichpan encina sachapa sikinpi chayraykum Jacob chay sachata suticharqa “Waqaqkunapa Encina Sachan” nispa.

9Chaypim Dios huktawan Jacobman rikurirqa Padan-aram lawmanta kutimuptin hinaspam payta bendecispan 10nirqa:

Jacobmi karqa qampa sutikiqa

Kunanqa manam chayñachu kanqa.

Israelwan sutichasqañam kanki kunanmantaqa.

Israelwan suticharuspanmi 11Dios nirqa:

Tukuy Atiyniyoq Diosmi kani ñoqaqa.

Achka churiyoq kaspayá miray qamqa.

Achka nacionkunam miraynikichikmanta kanqa.

Reykunam qanmanta lloqsinqa.

12Abrahanman qosqay allpatam qosqayki.

Isaacman qosqay allpatam qosqayki.

Qosqaykimá qanmanpas

chaynataq miraynikikunamanpas.

13Hinaptinmi Dios pasakurqa chay sitiopi Jacobwan rimaruspa. 14Chaymi Jacob sayachirqa Diospaq huk suytu rumita rimasqanku sitiopi hinaspam sapaqchananpaq hichaykurqa rumipa hawanman vinotawan aceiteta. 15Chaymi Dioswan rimasqanku sitiota Jacob suticharqa Betelwan.

Raquelpa wañukusqanmantawan pampakusqanmanta

16Betel lawmantam pasarqaku ichaqa Efrata llaqtachaman hichpachkaptinkuñam Raquel wachakuspa llumpayta ñakarirqa. 17Wachakuspan sinchita ñakarichkaptinmi partera nirqa:

—Ama manchakuychu, kay wawapas qarim kasqa —nispa.

18Chaymi Raquelqa wañunayachkaspanña suticharqa Benoniwan hinaspam wañukurqa. Taytanñataqmi suticharurqa #Hebreo simipi Benjamin ninanqa “alliq makiypa churin” ninanmi.Benjaminwan.

19Raquel wañuruptinmi Efrata llaqtachaman riq ñanpa patanpi pamparurqaku. Efrata llaqtachapa huknin sutinqa Belen llaqtam. 20Raquelpa sepulturanpa hawanpim Jacob wasichata hina perqarqa, chaypim Raquelpa sepulturan kachkan kay libro qellqasqa kasqan tiempokama.

21Chaymanta Israel pasaspanmi karpanta sayachirqa Edar torrepa waklawninpi. 22Israel chay allpapi *f**yachachkaptinmi taytanpa compañeran Bilhawan Ruben puñururqa. Chayta Israel yacharuspam llumpayta piñakurqa.

Jacobpa churinkunamanta

(1 Cr 2:1-2)

Jacobpa qari churinkunam karqa chunka iskayniyoq. 23Leapim karqa piwi churin Ruben, qatiqninkunañataqmi karqa Simeon, Leviy, Juda, Isacar hinaspa Zabulon. 24Raquelpi churinkunam karqa Joseywan Benjamin 25Raquelpa sirvientan Bilhapi churinkunañataqmi karqa Danwan Neftaliy. 26Leapa sirvientan Zilpapi churinkunañataqmi karqa Gadwan Aser. Kaykunam Jacobpa qari churinkuna, Padan-aram lawpi naceqkuna.

Isaacpa wañukusqanmanta

27Chaymantam Jacob chayarqa Isaac taytanpa kasqan Mamre llaqtaman otaq Arba llaqtaman. Chay llaqtapa huknin sutinmi karqa Hebron. Chaypim ñawpaqta Abrahampas chaynataq Isaacpas *f**yacharqa. 28Isaacmi pachak pusaq chunkan watanpi 29wañukurqa hinaspam abuelonkunapa kasqanman rirqa. Sinchi yuyaqñam payqa wañukurqa chaymi churin Esauwan, churin Jacob pamparqaku.

Currently Selected:

GENESIS 35: QUEAYA87

Highlight

Copy