GENESIS 29
29
Haran llaqtapi Jacob *f**yachasqanmanta
1Jacob kasqallan rispanmi intipa qespimunan lawpi runakunapaman chayarqa.
2Campopi pozota qawariptinmi chaypa hichpanpi kimsa hatajo ovejakuna kachkasqa. Chay pozomantam animalkuna tomaqku. Chay pozopa hawanpim kachkasqa hatun rumi. 3Chaypim llapa hatajontin ovejakuna huñunakuq hinaptinmi michiqkuna chay pozopa hawanmanta rumita tikraspa ovejakunaman chayraq tomachiqku, tomayta tukuruptinñataqmi rumita pozopa hawanman kasqallan kutiykachiqku. 4Jacobmi michiqkunata tapurqa:
—Taytakuna ¿maylawtaq kankichik? —nispa.
Hinaptinmi paykunañataq nirqa:
—Haran llaqtapi kaqmi kaniku —nispa.
5Chaymi Jacob paykunata tapurqa:
—¿Reqsinkichikchu Nacorpa willkan Labanta? —nispa.
Hinaptinmi paykunañataq nirqaku:
—ArĂ, reqsinikum —nispanku.
6Chaymi Jacob nirqa:
—¿Allinllachu kachkan? —nispa.
Chaymi paykuna nirqaku:
—Allinllam kachkan, waqaya churin Raquelpas hamuchkan ovejankunawan —nispa.
7Chaymantam Jacob nirqa:
—Punchawsuraqmi kachkan, manaraqmi animalkuna huñuna horaraqchu. Ovejakunaman yakuta tomarachispayá riychik michiq —nispa.
8Chaymi paykunañataq nirqa:
—Kay pozopa hawanmanta rumi tikraytam mana atinikuchu llapallan hatajo ovejakuna huñunakamunankama, chayñam rumita tikraptinku animalkunaman tomachisaqku —nispa.
9Paykunawan Jacob rimachkaptinmi taytanpa ovejankunawan Raquel chayaramurqa. Payqa karqa taytanpa ovejankuna michiqmi. 10Chaymi Jacob rikururqa Raquelta hinaspam pozoman asuykuspa rumita tikrarurqa pozopa hawanmanta hinaspam tomachirqa yakuta Labanpa ovejankunaman. Raquelqa karqa Labanpa churinmi, Labanñataqmi karqa maman Rebecapa turin. 11Jacobmi Raquelta muchaykuspan waqarqa. 12Jacobmi willarqa taytan Labanpa sobrinon kasqanta otaq Rebecapa wawan kasqanta chaymi Raquel kallpaspan taytanman willamurqa.
13Labanñataqmi paninpa wawan Jacobmanta noticiata uyariruspan kallparqa chaskiqnin. Abrasaykuspa muchaykuspanmi pusarqa wasinman chaymi Jacobñataq Labanman willakurqa tukuy ima pasasqanta. 14Chaymi Labanñataq nirqa:
—Cheqaptapunipas qamqa aylluymi kanki —nispa.
Leawan hinaspa Raquelwan Jacob casarakusqanmanta
Huk killaña Labanwan Jacob *f**yacharuptinmi. 15Jacobta Laban nirqa:
—¿Sobrinoy kaspaykichu debaldella serviwankiman? Niykuwayá ¿haykatataq ganawaq? —nispa.
16Labanpam iskay warmi churinkuna karqa. Piwi kaqmi karqa Lea, sullka kaqñataqmi karqa Raquel. 17Leaqa karqa sumaq ñawichayoqmi, Raquelñataqmi karqa buenamozallaña. 18Jacobmi Raquelta kuyaruspan nirqa:
—Sullka kaq churiki Raquelpaqmi servisqayki qanchis wata —nispa.
19Chaymi Laban nirqa:
—Allinmi qanmanyá qosqayki huk runaman qonaymantaqa, chaynaqa kaypiyá kasunchik —nispa.
20Jacobmi Raquelrayku servirqa qanchis watatapuni. Ichaqa payta kuyasqanraykum rikchakarapurqa as punchawkunallapaq. 21Chaymi Jacob nirqa Labanta:
—Qowayña Raquelta paywan casarakunaypaq, rimanakusqanchik tiempoqa cumplikurunñam —nispa.
22Labanmi chay lugarpi llapallan runakunata huñuruspan casarakuy convidota rurarqa. 23Ichaqa Labanmi churin Leata tutallan pusarurqa Jacobman chaymi Jacobqa puñururqa Leawan. 24Churin Leamanmi qoykurqa sirvientan Zilpata paypa sirvientanña kananpaq. 25Achikyaqtaña Jacob qawaykuspanmi yacharurqa Leawan puñurusqanta. Chaymi Labanta Jacob nirqa:
—¿Imatataq kayta ruraruwanki? ¿Imanasqataq engañaruwanki? ¿Manachum Raquelrayku servirqaykiqa? —nispa.
26Chaymi Labanñataq nirqa:
—Manam costumbrechu kay llaqtapiqa sullkanta puntata casarachiyqa. 27Cumpliykuyraq Leawan casarakusqayki semanata, chaymantañam Raquelwanqa casarachisqayki. Paymantachiki huk qanchis watatawanraq serviwanki —nispa.
28Jacobmi chaynata rurarqa. Casamienton semana cumplikuruptinñam Raquelwan Laban casarachirqa. 29Labanqa churin Raquelmanmi qoykurqa sirvientan Bilhata paypa sirvientanña kananpaq. 30Jacobqa Raquelwanpas puñururqam hinaspam Leamantapas astawanraq kuyarurqa. Labantamá servirqa qanchis watatawanraq.
Jacobpa churinkunamanta
31Leaqa Jacobpa despreciasqan kasqanta Tayta Dios qawaspanmi yanaparqa wachakuq kananpaq. Raquelñataqmi karqa mana wachakuq. 32Wiksayakuspam Lea wachakurqa qari wawanta hinaspam suticharqa #Hebreo simipi Ruben ninanqa “Qawaychik qari churita” ninanmi.Rubenwan:
—Humillasqa kasqaytam Tayta Dios qawariykuwan, kunanqa qosayqa kuyawanqañachá —nispa.
33Huktawan wiksayakuspam wachakurqa qari wawanta hinaspam nirqa:
—Despreciasqa kasqayta Tayta Dios uyarispanmi kay wawaytawan qoykuwan —nispa.
Paytam suticharqa #Hebreo simipi Simeon ninanqa “uyariy” ninanmi.Simeonwan.
34Wiksayakurqataqmi huktawan hinaspam wachakurqa qari wawanta hinaspam nirqa:
—Kunanqa qosayqa ñoqallawanñachá kanqa kimsataña qari churinta wachakuchkaptiyqa —nispa.
Chayraykum suticharqa #Hebreo simipi Leviy ninanqa “hukllaway” ninanmi.Leviywan.
35Huktawanmi wiksayakuruspan wachakururqa qari wawanta hinaspam nirqa:
—Kunanqa Tayta Diostam alabasaq —nispa.
Chayraykum suticharqa #Hebreo simipi Juda ninanqa: “alabay” ninanmi.Judawan. Chaymantam manaña wachakurqañachu.
Currently Selected:
GENESIS 29: QUEAYA87
Highlight
Share
Copy
Want to have your highlights saved across all your devices? Sign up or sign in
