GENESIS 21
21
Abrahampa churin Isaac nacesqanmanta
1Saraman prometikusqantam Tayta Dios cumplirqa hinaspam nisqanman hina Sarawan rurarqa. 2Chaymi Sara wiksayakuruspan Diospa nisqan tiempopi wachakurqa Abrahampa machuyayninpiña churinta. 3Hinaptinmi Abraham churinta suticharqa Isaacwan. Paytam wachakurqa Sara. 4Chaymi Abraham Diospa kamachisqanman hina churin Isaacta pusaq punchawninpi señalarqa. 5Churin Isaac naceptinmi Abraham pachak watayoq karqa. 6Chaymi Sara nirqa:
—Diosmi asirachiwarqa, pipas chayta yacharuqqa ñoqamantachá asikunqa. 7¿Piraq Abrahamta ninman karqa churinta ñoqa ñuñunaypaq? Ichaqa wachakurunim qosay machuña kachkaptinpas —nispa.
Agarwan wawan Ismael qarqosqa kasqankumanta
8Wawa Isaac hatunyaruptinmi anukarqaku, chay punchawmi Abraham hatun convidota rurarqa. 9Hinaptinmi Sara qawarqa Isaacmanta Agarpa wawan Ismael burlakusqanta, Ismaelqa karqa Abrahampa churintaqmi Egipto nacionniyoq Agar sutiyoq warmipi. 10Chayraykum Abrahamta Sara nirqa:
—Qarqoy kay sirvientata wawantinta, kay sirvientapa wawanqa manam herenciataqa chaskinmanchu waway Isaac hinaqa —nispa.
11Chay nisqanwanmi Abraham llumpayta llakikurqa churin Ismaelrayku. 12Chaymi Dios nirqa Abrahamta:
—Amayá llakikuychu warmamantaqa nitaq sirvientaykimantapas. Sarapa tukuy nisusqaykita ruray. Cheqap castaykiwan sutichasqaqa kanqa Isaacllamantam. 13Sirvientapa wawanmantapas nacion kananpaqmi mirachisaq churiki kasqanrayku —nispa.
14Chaymi Abraham tutapaylla hatariruspan mikuyta qoqawcharqa huk odrepi yakutawan hinaspam Agartawan warmata aviarurqa. Ripukuspanmá Agarqa purillarqa Beer-seba chunniqpi mana maymanpas chayaykunanpaq kaptin. 15Chaymi odrepi yaku tukuruptin warmata saqerurqa sachapa llantuyninpi. 16Chaymanta pasaspam karuneq chimpanpi tiyaykurqa:
—Waway wañuqtaqa amayá qawasaqchu —nispa.
Chaymantam qaparispan waqallarqa.
17Diosmi warmapa qaparisqanta uyarirqa. Diospa angelninñataqmi cielomanta qayamuspan Agarta nirqa:
—¿Imanantaq Agar? Ama manchakuychu, warmapa qayakuynintam Dios uyarirun. 18Hatariy, asuykuspayki warmata hatarichiy hinaspa aysay, paypa mirayninmantam hatun nacionta rurasaq —nispa.
19Chaymantam qawariykachirqa huk pozota chaymi chayman rispan odreman yakuta huntarqa hinaspam warmaman tomachirqa. 20Chaymi warmata Dios yanaparqa. Wiñaruspanmi *f**yacharqa chunneqpi hinaspam flecha manejaq karqa. 21Paymi Paran sutiyoq chunneqpi yacharqa, chaymantam Egipto nacionniyoq warmiwan maman casarachirqa.
Abrahanwan Abimelec contrato rurasqankumanta
22Chay tiempopim Abimelec tropanpa capitannin Ficolpiwan Abrahamta nirqaku:
—Diosmi tukuy ruraynikipi qanwan kachkan. 23Kunanyá juramentawayku Diosrayku chaynapi ñoqatapas churiykunatapas chaynataq willkaykunatapas ama engañawanaykikupaq. Ichaqa contrato rurasqanchikman hinayá ruray imaynam ñoqapas qanwan rurasqayman hina, hina chaynallatayá ruray forastero hina kay *f**yachasqayki allpapi runakunatapas —nispa.
24Chaymi Abrahamñataq nirqa:
—ArĂ, juramentaykim —nispa.
25Abrahanmi Abimelecta anyarqa huk pozo yakuta Abimelecpa sirvientenkuna qechurusqanmanta. 26Chaymi Abimelecñataq nirqa:
—Manam yachanichu pim chay rurarusqantaqa, qampas chaytaqa manam willawarqankichu, manamá chaytaqa kunankamapas uyarirqanichu —nispa.
27Hinaptinmi Abraham ovejakunata, vacakunata hapispan Abimelecman qoykurqa chaymi iskayninku contratota rurarqaku. 28Hinaspam Abraham kanchanmanta qanchis malta ovejakunata rakirqa. 29Chaymi Abrahamta Abimelec nirqa:
—kay qanchis ovejakuna sapaqchasqaykiqa ¿imaninantaq? —nispa.
30Hinaptinmi Abrahamñataq nirqa:
—Kay chaskiwasqayki qanchis ovejakunam kanqa testigo kay pozoqa ñoqapa uchkusqay kasqanmanta —nispa.
31Chaymi chay lugarta suticharqa #Hebreo simipi Beerseba ninanqa “juramento pozo” ninanmi otaq “qanchisnintin pozo” ninanmi.Beersebawan chaypi juramentota iskayninku rurasqankurayku.
32Chay contratota Beerseba llaqtapi ruraruspam Abimelecqa capitannin Ficolpiwan kutikurqaku Filistea nacionman. 33Chaymi Abraham Beerseba llaqtapi plantarqa tamarisco sachata hinaspam chaypi mañakurqa wiñaypaq kawsaq Tayta Diosta. 34Abrahamqa Filistea nacionpim unay wata *f**yacharqa.
Currently Selected:
GENESIS 21: QUEAYA87
Highlight
Share
Copy
Want to have your highlights saved across all your devices? Sign up or sign in
