GENESIS 11

Babel llaqtapi torre hatarichisqankumanta

1Kay pachapiqa lliw runakunam karqaku huk rimayniyoqlla. 2Chaymi intipa qespimunan lawmanta lloqsimuspanku tarirurqaku Sinar lawpi huk pampata hinaspam chaypi *f**yacharqaku. 3Paykunam ninakurqaku:

—Rurasunchik ladrillokunata hinaspa kañasunchik hornopi —nispa.

Chaymi rumikunapa rantinpi ladrillokuna servikurqa. Breañataqmi mezclamanta servikurqa. 4Paykunam ninakurqaku:

—Hatarichisunchikyá llaqtata, perqasuntaqyá cielokama haypaq torretapas chaynapi ancha reqsisqa kananchikpaq. Yanqañataqmi tukuy hinastinman kay pachapi cheqeruchwanchik —nispa.

5Ichaqa Tayta Diosmi uraykamuspan qawarqa runakunapa rurasqan llaqtata chaynataq torretapas. 6Chaymi Tayta Dios nirqa:

—Kay runakunaqa kachkan huk castallam, rimankupas huk rimayllatataqmi. Chayraykum kay ruraytapas qallaykunku, chaynaqa ruray munasqankumantaqa manam imapas sayachiyta atinmanchu. 7Chaynaqa uraykuspanchikyá pantarachimusun rimayninkuta chaynapi mayqanninkupas rimasqankuta mana entiendenakunankupaq —nispa.

8Chaynatam Tayta Dios cheqerachirqa tukuy hinastinman chay sitiomanta chayraykum llaqta hatarichiytapas dejarurqakuña. 9Chayraykum chay llaqtata #Hebreo simipi Babel ninanqa “pantanachisqa” ninanmi.Babelwan suticharqaku, chaypim Tayta Dios kay pachapi runakunapa rimayninta pantanarachirqa hinaspam tukuy kay pachapa hawanman cheqerachirqa.

Sem sutiyoq runapa mirayninkunamanta

(1 Cr 1:24-27)

10Kaykunam Sempa mirayninkuna: Sem pachak watayoq kachkaptinmi churin Arfaxad nacerqa iskay wataña sinchi para pasaruptin. 11Churin Arfaxadpa nacesqanmantam Sem kawsarqa pichqa pachak watataraq, chay watakunapim karqaraq qarikunapas warmikunapas churinkuna.

12Arfaxad kimsa chunka pichqan watayoq kachkaptinmi churin Sala nacerqa. 13Arfaxadmi churin Salapa nacesqanmanta kawsarqa tawa pachak kimsan watataraq, chay watakunapim karqaraq qarikunapas warmikunapas churinkuna.

14Sala kimsa chunka watayoq kachkaptinmi churin Heber nacerqa. 15Churin Heberpa nacesqanmantam Sala kawsarqa tawa pachak kimsan watataraq, chay watakunapim karqaraq qarikunapas warmikunapas churinkuna.

16Heber kimsa chunka tawan watayoq kachkaptinmi churin Peleg nacerqa. 17Churin Pelegpa nacesqanmantam Heber kawsarqa tawa pachak kimsa chunkan watataraq, chay watakunapim karqaraq qarikunapas warmikunapas churinkuna.

18Peleg kimsa chunka watayoq kachkaptinmi churin Reu nacerqa. 19Churin Reu nacesqanmantam Peleg kawsarqa iskay pachak isqonnin watataraq, chay watakunapim karqaraq qarikunapas warmikunapas churinkuna.

20Reu kimsa chunka iskaynin watayoq kachkaptinmi churin Serug nacerqa. 21Churin Serugpa nacesqanmantam Reu kawsarqa iskay pachak qanchisnin watataraq, chay watakunapim karqaraq qarikunapas warmikunapas churinkuna.

22Serug kimsa chunka watayoq kachkaptinmi churin Nacor nacerqa. 23Churin Nacorpa nacesqanmantam Serug kawsarqa iskay pachak watataraq, chay watakunapim karqaraq qarikunapas warmikunapas churinkuna.

24Nacor iskay chunka isqonnin watayoq kachkaptinmi churin Tarey nacerqa. 25Churin Tareypa nacesqanmantam Nacor kawsarqa pachak chunka isqonniyoq watataraq, chay watakunapim karqaraq qarikunapas warmikunapas churinkuna.

26Tarey qanchis chunka watayoq kachkaptinmi nacerqa churin Abram, Nacor hinaspa Haran.

Tareypa mirayninkunamanta

27Tareypa mirayninkunam kaykuna: Tareypa churinkunam karqa Abram, Nacor hinaspa Haran. Haranpa churinñataqmi karqa Lot. 28Haranmi wañukurqa taytan Tareymantapas puntataraq, wañukurqaqa Caldea law Ur sutiyoq nacesqan llaqtapim.

29Chaymi Abrampas Nacorpas casarakurqa. Abrampa warminmi karqa Sarai, Nacorpa warmiñataqmi karqa Milca. Haranmi karqa Milcapawan Iscapa taytan. 30Saraiñataqmi qolluq kasqanrayku mana wawayoq karqa.

31Caldea lawpi Ur llaqtamantam Tarey lloqsirqa Canaan lawman rinanpaq hinaspam pusarqa churin Abramta, Abrampa warmin llumchuynin Saraita chaynataq Haranpa churin willkan Lottapas. Ichaqa Haran llaqtaman chayaruspankum chaypi *f**yacharqaku. 32Tareymi iskay pachak pichqan watata kawsaruspan Haran llaqtapi wañukurqa.

Currently Selected:

GENESIS 11: QUEAYA87

Highlight

Copy