HECHOS 15

Jerusalen llaqtapi huñunakusqankumanta

1Chay punchawkunapim wakin runakuna Judeamanta Antioquiaman rispanku yachachiyta qallaykurqaku llapa mana judio kaq iñiqkunata:

—Salvasqa kanaykichikpaqqa Moisespa kamachikusqanman hinam *f**señalasqa kanaykichik —nispa.

2Chaymi Pablowan Bernabey paykunawan llumpayta atipanakurqaku. Hinaptinmi iñiqkuna akllarqa Pablotawan Bernabeyta Jerusalenman rispa *f**apostolkunawan hinaspa *f**ancianokunawan chay asuntomanta rimamunankupaq, akllarqakutaqmi paykunamanta wakin iñiqkunatapas.

3Antioquia llaqtapi kaq iñiqkunapa kachasqanmá Jerusalen llaqtaman rirqaku, ristinmi pasarqaku Fenicia lawninta hinaspa Samaria lawninta, chay lawkunapim willakurqaku mana judio kaq runakunapas Diosmanña iñikusqankuta. Hinaptinmi iñiqkunañataq llumpayta kusikuqku.

4Pablowan Bernabey Jerusalenman chayaruptinkum llapallan iñiqkuna, *f**apostolkuna hinaspa *f**ancianokuna allinta chaskirqaku, chaymi Pablowan Bernabeyqa paykunamanpas willarqaku paykunawan tukuy imata Diospa ruramusqanmanta. 5Ichaqa Jesucristoman iñiq wakin *f**fariseokunam sayarispanku nirqaku:

—Mana judio kaq iñiqkunapas *f**señalasqam kananku hinaspam yachachina Moisespa kamachikuyninkunata kasukunankupaq —nispa.

6Chaymi huñunakurqaku *f**apostolkuna, iñiqkuna hinaspa *f**ancianokuna chay asuntomanta rimanankupaq. 7Llumpayta atipanakuptinkum Pedro sayarispan nirqa:

—Wawqeykuna, yachasqaykichikpi hinam qamkunamanta Dios akllawarqa Jesucristomanta allin noticiata mana *f**judio kaqkunamanpas willakunaypaq chaynapi paykunapas iñikunankupaq. 8Llapa runakunapa sonqon reqsiq Diosninchikmi paykunamanpas Chuya Espirituta qorqa ñoqanchikman hina, chaynapim qawachiwarqanchik paykunatapas chaskisqanta. 9Diosqa manam ñoqanchikmanpas nitaq paykunamanpas sayapakunchu aswanqa payman hapipakuptinkum sonqonkuta chuyanchaykun. 10¿Imanasqamá Diostaqa piñachichkankichik? Iñiqkunamanmi llasaq qepita churkuchkankichik ñoqanchikpapas hinaspa abuelonchikkunapapas mana apay atisqanchikta. 11Yachasqanchikman hinaqariki Señor Jesus favorecewaptillanchikmi Diosqa salvawanchik ñoqanchiktapas chaynataq paykunatapas.

12Chaynata Pedro rimaruptinmi lliw upallaruspanku Bernabeytawan Pablota uyarirqaku, paykunam willakurqaku Diospa qosqan atiywan mana judio kaqkunapipas admirakuypaq *f**milagrokuna ruramusqankumanta. 13Paykuna willakuyta tukuruptinñataqmi Jacobo nirqa:

—Wawqeykuna, uyariykuwaychik. 14Simon Pedrom willaruwanchik mana judio kaqkunatapas Dios watukuykusqanta chaynapi paykunamantapas runankunata akllaykunanpaq. 15Chaykunaqa tupanpunim Diosmanta willakuqkunapa qellqasqanwan. Bibliam nin:

16“Kaykuna pasaruptin kutimuspaymi

Davidpa castanta huktawan sayarichisaq.

Wasi tuñiruptin perqaq hinam huktawan rurasaq

17chaynapi wakin runakunapas

hinaspa sutiywan sutichasqa mana judio kaqkunapas

ñoqa Señorta maskawanankupaq.

18Ñoqa Diosmi ñawpaqmantapuni reqsichini kay rurasqaykunata.”

19—Ñoqapa piensasqayman hinaqa Diosman iñikuq mana judio kaqkunataqa amañayá iskayrayachiychikchu. 20Paykunamanqa qellqasunchik kaynatayá: “Amam mikunkichikchu taytacha-mamachakunaman ofrecesqa aychataqa, amam huchapakunkichikchu, amam mikunkichikchu yawartaqa nitaq yawarpa pasasqan aychatapas” nispa. 21Ñawpaq tiempokunamantaraqmi lliw llaqtakunapi Moisespa leynintaqa yachachinku sapa *f**samana punchawpi judiokuna *f**huñunakunanku wasikunapi leespanku.

Mana judio kaqkunaman cartasqankumanta

22Chaynata Jacobo rimaruptinmi *f**apostolkunawan *f**ancianokuna hinaspa lliw iñiqkuna “allinmi” nispa paykunamanta akllarqaku Barsabaswan sutichasqanku Judasta hinaspa Silasta chaynapi Pablowan hinaspa Bernabeywan kuskata Antioquia llaqtaman kachanankupaq. Judas Barsabaswan Silasqa iñiqkunapi dirigentekunam karqaku. 23Paykunawanmi apachirqaku kayna niq cartata:

*f**Apostolkunam iñiqmasinchik *f**ancianokunapiwan rimaykamuykiku Antioquia llaqtapi kaq, Siria lawpi kaq hinaspa Cilicia lawpi kaq mana judio kaq wawqe-panikunata. 24Yachanikum ñoqaykuwan kaqkunamanta wakin runakuna mana kamachichkaptiyku qamkunaman hamusqanta. Paykunam yachachikuyninkuwan pantachisuspaykichik iskayrayachisurqankichik: “*f**Señalachikuychik hinaspa Moisespa kamachikusqankunata kasukuychik” nispanku. 25Chaymi lliwchayku tanteanakuruspayku akllarqaniku runakunata chaynapi kuyasqanchik Bernabeywan hinaspa Pablowan qamkunaman hamunanpaq. 26Paykunaqariki wañuytapas mana manchakuspam Señorninchik Jesucristota servinku. 27Kachamusqayku Judaswan Silasmi qamkunaman qellqamusqaykuta willasunkichik. 28Chuya Espiritupa yanapakuyninwanmi piensaruniku sasa kamachikuykunataqa qamkunaman ama qonaykupaq, kamachimuyniykuqa kaykunallatam: 29Amam mikunkichikchu taytacha-mamachakunaman ofrecesqa aychataqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu. Allinpunim kaykunata kasukuptikichikqa. Qamkunañayá allinlla.

30Chay riqkunam despedikuspanku Antioquia llaqtaman pasarqaku. Chaypim llapa iñiqkunata huñuruspanku cartata qorqaku. 31Iñiqkuna leeruspankum sonqonku tiyaykuptin llumpayta kusikurqaku. 32Hinaptinmi Judaswan Silas Diosmanta willakuq kasqankurayku sumaqllataña rimaspa iñiqkunata kallpancharqaku chaynapi qaqa hina sayanankupaq. 33Chaypi unay punchawkuna karuptinkum: “Qamkunañayá allinlla” nispa iñiqkuna aviarqaku chaynapi Jerusalenmanta kachamuqkunaman kutikunankupaq. 34Silasmi ichaqa quedakurqa. 35Pablowan Bernabeypas Antioquia llaqtapim quedakurqaku hinaspam wakinkunapiwan Diospa palabranta yachachispanku Jesucristomanta allin noticiata willakurqaku.

Iskay kaq kutipi Pablopa viajasqanmanta

36Llumpay unaymantam Bernabeyta Pablo nirqa:

—Huktawanyá kutisun Jesucristomanta willakusqanchik llaqtakunaman chaynapi llapa iñiqkunapa imaynam kasqanta qawaykamunanchikpaq.

37Chaymi Bernabey munarqa Marcoswan sutichasqa Juanta pusanankupaq. 38Pabloñataqmi mana munarqachu Juanqa punta viajenkupi Panfilia lawmanta kutikuspa paykunawan mana risqanrayku. 39Llumpayta piñanakuspam iskayman rakinakururqaku, Bernabeymi Marcosta pusarikuspan buquepi pasarqa Chipre lawman. 40Pabloñataqmi compañaqninpaq Silasta akllaykurqa chaynapim Señorpa favorninta iñiqkuna mañaykapuptin pasakurqaku.

41Llapa iñiqkunata kallpanchastinmi rirqaku Siria lawninta hinaspa Cilicia lawninta.

Currently Selected:

HECHOS 15: QUEAYA87

Highlight

Copy