Lucas 10

Qanchis chunka iskayniyuq discipulonkunata Jesús kachasqanmanta

1Kaykunapa qepantam, Señorqa qanchis chunka iskayniyuqta akllarqa, paykunatam maymi rinan llaqtakunaman iska-iskaytakama ñawpachirqa.

2 # Mt 9.37-38. Chaymi paykunata nirqa:

Cheqaptapunipas achkallañam cose-chanapaqqa kachkan, cosechaqku-nam ichaqa aslla, chaynaqa cose-chapa dueñontayá mañakuychik cosechaqkunata kachamunanpaq. 3#Mt 10.16.Chaynaqa, riychikyá. Qamkunataqa imaynam ovejakunata hinam atoqkunapa chawpinman kachachkaykichik.

4 # Mt 10.7-14; Mr 6.8-11; Lc 9.3-5. Amayá apaychikchu qollqetapas, wayqatapas hinaspa mudana usutatapas; ñanpiqa amam pitapas rimaykunkichikchu. 5Hukkaqnin wasiman yay-kuspaqa puntatayá kaynata rimakuykuychik: “Hawkayay kay wasipi kachun”, nispaykichik.

6Sichum chay wasipi kaqkunamanta hukkaqnin hawkayaypi kaptinqa, chay rimaykusqaykichikmi cumplikunqa, mana chayqa qamkunawanmi kutikunqa. 7#1~Co 9.14; 1~Ti 5.18.Yaykusqaykichik wasillapim qepankichik, imam qosusqaykichiktam mikunkichik hinaspa tomankichikpas. Llamkapakuqqa pagontam chaskinan. Amam wasin-wasinqa purinkichikchu.

8Sichum hukkaqnin llaqtaman chayaptikichik chaskiykusuptikichikqa, imam qarasusqaykichiktam mikunkichik; 9hinaspam onqoqkunata sanoya-chispa ninkichik: “Diospa munaychakuyninmi hichpallaykichikpiña kachkan”, nispaykichik.

10 # Hch 13.51. Sichum hukkaqnin llaqtaman yaykuptikichik mana chaskisuptikichikñataqmi, callekunaman lloqsispa ninkichik: 11“Usutaykuman kay llaqtapa allpan laqakamuqtapas qamkunapa contraykichikpim taspiniku. Chaywanpas yachaychikyá, Diospa munaychakuyninmi hichpallaykichikpiña kachkan”, nispa.

12 # Gn 19.24-28; Mt 11.24. # Mt 10.15. Nikichikmi, chay llaqtaqa juicio punchawpim Sodoma llaqtamantapas aswan castigasqa kanqa.

Jesuspa ñakasqan llaqtakunamanta

(Mt 11.20-24)

13 # Is 23.1-18; Ez 26.1—28.26; Jl 3.4-8; Am 1.9-10; Zac 9.2-4. ¡Imaynaraq kanki Corazín llaqta! ¡Imaynaraq kanki Betsaida llaqta! Sichum Tiro hinaspa Sidón llaqtakunapi qamkunawan ruwasqay milagrokunata hina ruwayman karqa, hinaptinqa unayñachá qachqa pachawan churakuspanku chaynataq uchpa hawanpi tiyaykuspanku Diosman kutirikunmanku karqa.

14Chayraykum juicio punchawpiqa Tiropi chaynataq Sidonpi yachaqku-namantapas aswan castigasqa kankichik. 15#Is 14.13-15.Capernaúm llaqta, ¿creenkichu hanaq pachakama hoqarisqa karuyta? Aswanqa uku pachakamam uraykachisqa kanki.

16 # Mt 10.40; Mr 9.37; Lc 9.48; Jn 13.20. Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Qanchis chunka iskayniyuq willakuqkunapa kutimusqanmanta

17Chay qanchis chunka iskayniyuq runakuna kachasqanmi kusisqallaña kutiramuspanku willakurqaku:

¡Señorllayku, demoniokunapas sutikipiqa kasuwankum! nispanku.

18Jesusñataqmi nirqa:

Arí, ñoqapas Satanastam rikurqani cielomanta rayo hina wichimuqta. 19#Sal 91.13.Atiytam qoykichik maqta urukunata hinaspa atoq-atoqkunata sarunaykichikpaq chaynataq supaypa atiyninta vencenaykichikpaqpas, manam imapas imanasunkichikchu. 20Amayá kusikuy-chikqa demoniokunapa kasususqaykichikwanchu, aswanqa sutikichik hanaq pachapi qellqasqa kasqanwanyá, nispan.

Jesuspa llumpay kusikusqanmanta

(Mt 11.25-27; 13.16-17)

21Chaypunillam Jesusqa, Chuya Espiritupa kusikuyninwan huntasqa kaspan nirqa:

Hanaq pachapipas kay pachapipas munaychakuq Taytalláy, yachayniyuqkunamanta hinaspa yuyayniyuqkunamanta pakaykuspaykim wawakunaman kaykunata reqsichirqanki, chayraykum yupaychayki. Arí, Taytalláy, chaynatam munarqanki.

22 # Jn 3.35. # Jn 10.15. Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

23Chaymantam discipulonkunata sapaqpi nirqa:

Mayna kusisqam kay qawasqaykichikta qawaqkunaqa. 24Cheqaptapunim nikichik, achka profetakunawan reykunam qamkunapa rikusqaykichik rikuykuyta munarqaku, ichaqa manam rikurqakuchu, chaynataqmi uyarisqaykichik uyariykuytapas munarqaku, ichaqa manam uyarirqakuchu, nispa.

Samaria lawmanta kaq runapa allin ruwasqanmanta

25 # Mt 22.35-40; Mr 12.28-34. Diospa leynin yachachiq runam sayariykuspan Jesusta pruebananpaq tapurqa:

Yachachikuq, ¿imata ruwaspaytaq wiñay kawsayta haypayman? nispa.

26Chaymi Jesusñataq nirqa:

¿Imataq leypi qellqasqa kachkan? ¿Ima niqtataq leenki? nispa.

27 # Dt 6.5. # Lv 19.18. Hinaptinmi chay runa nirqa:

“Señor Diosnikitam tukuy sonqoykiwan, tukuy vidaykiwan, tukuy kallpaykiwan hinaspa tukuy yuyaynikiwan kuyanki; runamasikitapas kikikita hinataqmi kuyanki niqtam”, nispa.

28 # Lv 18.5. Chaymi Jesusñataq nirqa:

Allintam nirunki, sichum chaynata ruwaspaykiqa kawsankim, nispan.

29Paymi ichaqa allinpi lloqsiyta munaspan Jesusta huktawan tapurqa:

¿Pitaq runamasiyqa? nispan.

30Chaymi Jesusñataq nirqa:

Huk kutipim Jerusalenmanta Jericó llaqtaman huk runa richkarqa, hinaptinmi suwakuna saltearuspanku pachantapas llatanarurqaku, maqaparuspankum yaqa wañunayachkaqtaña saqerurqaku. 31Chay ñannintam huk sacerdote richkaspan chay runata rikururqa, ichaqa qawarispanmi karullanta pasarurqa.

32Huk levitapas chay sitioman hichpaykuchkaspanmi rikururqa, hinaspam karullanta muyuruspan pasarurqa. 33Ichaqa Samaria llaqtayuq runam chayninta richkaspan paypa kasqanman chayarurqa, hinaspam rikuruspan llumpayta llakipayariykurqa.

34Chaymi payman asuykuspan heridankunatapas aceitewan hinaspa vinowan hampiykurqa, chaymantam sillakunan animalman churkuykuspan samapakuna wasiman aparqa hinaspam chaypi atienderqa.

35Paqarinnintin punchawmi manaraq pasakuchkaspan wasiyuqman iskay jornalpa chanin qollqeta qoykurqa, onqoqta atiendeykunanpaq, hinaspam nirqa: “Atiendeykapullawankimá, mastapas gastaptikiqa kutimuspaymi pagapullasqayki”, nispa.

36Chaynata Jesús niruspanmi chay tapuqninta nirqa:

¿Kay kimsanmanta mayqannintaq chay saltearachikuq runapa runamasinqa? nispa.

37Hinaptinmi Diospa leynin yacha-chiqñataq nirqa:

Paymanta llakipayarikuqmi, nispan.

Chaymi Jesusñataq nirqa:

Qampas chaynatayá ruwamuy, nispa.

Mariapa hinaspa Martapa wasinpi Jesús tarikusqanmanta

38 # Jn 11.1. Jesusmi richkaspan huk taksa llaqtaman chayarurqa, chay llaqtapim Marta sutiyuq warmi wasinpi samaykachirqa. 39Martapa ñañanmi karqa María, paymi Jesuspa ñawpaqninpi tiyaykurqa rimasqanta uyarinanpaq.

40Martañataqmi tukuy ima ruwaypa atipasqan kaspa, Jesusman asuykuspa nirqa:

Señor, ¿manachum imapas qokusunki ñañay sapallay ruwaqta saqeruwaptin? Yanapawananpaqyá kamachiy, nispa.

41Chaymi Jesusñataq nirqa:

Marta, Marta, tukuy imapa atipasqanmi muspaypi hinaña kachkanki. 42Hukllam ruwanaykiqa, ñañayki Mariaqa allin kaqtam akllakurun, chaytaqa manam pipas qechunqachu, nispa.

Currently Selected:

Lucas 10: RCQ12

Highlight

Copy