Juan 12

Nan Nangisiitan Maria San Whangwhangyu San I'in Hesus Ad Betania

(Mateo 26:6-13; Mer'us 14:3-9)

1Onom ad gway erkaw asiyot nan pijasta gway ma'gwaniyon Lumaus, ummoy as Hesus ad Betania gway ilin Lazaro gway chay tinakuna san natojana. 2Gwot insakasakanan chanan taku ad aschi nan anon Hesus san lawhi kun hummachang as Marta gway nanchurngu kun osas Lazaro sasan na'a'an an Hesus. 3Gwot sa'ad as Maria inayana nan koggwan nan litro gway amod nan patognaay whangwhangyu gway pasig nardo, kun insiitna san i'in Hesus kun asinaot punachan san huu'na. Ad sa'ad nan hoyoy napnu san whangun nan whangwhangyu. 4Ad sa'ad as Judas Iscariote gway osa sasan pasuyut Hesus gway sija nan mangijiwhit an sija, anana, 5“Mila'u otjan nannaja whangwhangyu as tuyungkasut as dinario ad naatod san whawha'sigwot?” 6Ingwhakana na wha'on kus kapu tan isi'nana chanan whawha'sigwot jon kapu tan manaa'aw as sija ja sija nan mamangchon san pila' ad choona a'huton nan chokana.

7Gwot anan Hesus, “Ainnugwana man. Tinerterponna na tot mangununnana mallana san lachag'u san miilhona'. 8Tan nan whawha'sigwot patinajunay iingkaw an cha'aju gwon wha'ona' kus patinajunay iingkaw an cha'aju.”

Manuukuchancha Nan Mangtojancha An Lazaro

9Naakammugwan kunan amochay taku gway agwad as Hesus ad Betania, ummoycha. Ad wha'on ku' ahus ekay as Hesus as umoycha ilan jon whayugwoncha hosay ilan as Lazaro gway chay tinakuna san natojana. 10Gwon sa'ad chanan papangat nan papachi nanuukuchancha gway otojoncha hos as Lazaro 11tan kapu san na'gwa an sija angsan sasan Hudyu nan ummoy an Hesus kun tinuttuwachas sija.

Nan Nilumno'an Hesus Ad Jerusalem

(Mateo 21:1-11; Mer'us 11:1-11; Lukas 19:28-40)

12Mawhikat kun sa'ad chachay amochay taku gway ummoy na'apijasta chingngorcha kun gway umoy as Hesus ad Jerusalem, 13nangayacha san tuhun nan palma#12:13 Sa'ad nan palma osa ayasin nan muya gway isun nan hugwa. kun ummoycha inahot as Hesus. Kun ip'aip'awchaay manggwana,

“Hosanna!#12:13 Sa'ad nannaja Aramaic gway apapat, nan pijaona anan “Takuwon cha'ami” gwon awni kun nauser nu manchaychajaw.

Piyan as sija gway umali san ayobhongan Apudyus.

Machaychajaw as sija gway Alin chanan ijIsrael!”

14Kun inchasan Hesus nan uyhun nan asno kun nangawhajuwana. Tan nilista san Ukud Apudyus gway anana,

15“Achi aju umogjat cha'ajuway iJerusalem.

Ilanju nan Aliju anna umaliyay

nangaabwhaju san uyhun nan asno.”#12:15 Mawhasa san Zacarias 9:9.

16Nannaja na'gwa wha'on kus naagwatan chanan pasuyutna san sachi chimpu. Jon nappung kun nipaila nan inachajaw Hesus san natakuwana asichaot somsom'on chay nilista gway mipangkop an sija ja annaja inggwacha an sija.

17Ad sa'ad chachay takuway iningkaw an sija say nam'agwana an Lazaro san lohonay lijang kun tinakuna as sija san otoy, impano'no'cha nan inilacha. 18Gwot ummoy ahos nan amochay taku inahot as Hesus kapu tan chingngorcha nannaja mataakanay inggwana.

19Sija nan asi'a'anan chanan Pariseo, “Ilanjuwot maid kun ma'gwa ta'u. Amod nan takuway ummoy nitunud an sija!”

Nan Nanganapan Nan Uchumay Griego An Hesus

20Iningkaw chanan uchumay Griego gway umoy ad Jerusalem tot manchajawcha san Pijasta. 21Gwot sa'ad nannachaja ummoycha an Felipe gway iBetsaida ad Galili kun inimuscha an sija gway manggwana, “Apu, whayugwonmi ilan as Hesus.”

22Ummoy Felipe ingwhaka an Andres kun ummoychaay chugwa ingwhaka an Hesus.

23Kun anan Hesus gway summungwhat an chicha, “Hummu'nag nan chimpuway michajagwa' gway Ana' nan Taku. 24Tuttuwa iwhaka' an cha'aju gway nu achi mijoso' nan osaay hu'orn nan trigo san luta ja achi matoy sissija eka osossa''an. Gwon nu matoy mamushus as angsan. 25Nu ngachan nan ahus nan whijagnas patpatkona achi kun ma'awhijag an Apudyus as ingkaingkana gwon nu ngachan nan achi mangipatog san whijagna ad asna luta kapu an sa'on, ma'awhijag an Apudyus as ingkaingkana. 26Nu ngachan nan mansilwhi an sa'on maserpu mitunud an sa'on. Ad sa'ad nu agwan nan agwad'u agwad ahos as sija. Nu ngachan nan mansilwhi an sa'on ichajaw Ama.”

Nan Nangiwhagan Hesus San Matojana

27Kun intuyuy Hesus gway manggwana, “San sana anna nakuyu nan somsomo''u. Ad ngachamma iwhaka'? Ana'on, ‘Ama, ilisiya' san likat gway ippong'u?’ Wha'on tan annaja nan kapun nan ummaliya' san sana chimpu. 28Ama, ichajawnu nan ngachannu!”

Gwot anan nan kingaay nerpud langit, “Nappung'u ichajaw ad asi' asinon ichajaw.”

29Gwot sa'ad chachay takuway nasi'asi'ad ad aschi ja nangngor san kinga, ananchaon nangichur. Anan nan uchum, “Na'aapapat nan anghel an sija!”

30Anan Hesus gway summungwhat, “Wha'on kus humayugwa' nannaja kingaay chingngorju jon humayugwanju chi. 31Sana nan mau'uman nan luhung. Ad nan mangituyay sannaja luhung sana nan maawha'ana. 32Ad as sa'on nu miwhajuka' san krus paachayuko' nan losanay taku gway mamati an sa'on.” 33Amaschi nan ingwhakana as mangipaakammugwana san ininonaay matoy.

34Gwot anan chachay takuway summungwhat an sija, “Naagwatanmi san Ukud Apudyus#12:34 Nan niigka san Griego “Lintog ta'u.” gway sa'ad nan Kristu iingkaw as ingkaingkana. Kunja kamma ananon maserpuway miwhajug san krus nan Ana' nan Taku? Ngachamma nannaja gway Ana' nan Taku nu'?”

35Sija nan anan Hesus an chicha, “Sina'itan nan ingkagwan nan silaw an cha'aju. Manadchayan aju san annaan nan silaw an cha'aju tot achi cha'aju awha'on san manghulingot. Nan manadchayan san manghulingot achina kun akammu nan umajana. 36Sa'ad san annaan nan silaw an cha'aju tuttugwaonju nan silaw tot mangngachan aju anana' nan silaw.”

Ingwhakan kun Hesus nan sachi lummajaw gway nallinus an chicha. 37Ta'on nu angsan nan mataakanay inggwana san agwachancha achicha kun tuttugwaon as sija 38tot tumuttuwa nan anan profeta Isaias gway anana,

“Apu, ngachan nan namati san ingwhakami?

Ja ngachan nan nangipailan Apudyus san pigsana?”#12:38 Mawhasa san Isaias 53:1.

39Sija nan achicha kun mamati kapu tan anan ahos Isaias,

40“Inuyap Apudyus nan atacha

tot achicha ma'aila

ja impawhatuna nan somsomo'cha

tot maid maagwatancha

ja tot achicha managkulin an sa'on, anan Apudyus,

ad impawhayu' chicha.”#12:40 Mawhasa san Isaias 6:10; Mateo 13:14.

41Ingwhakan Isaias nannaja kapu tan inilana nan inachajaw Kristu kun ingwhakana nan mipangkop an sija.

42Gwon uyay nu amaschi angsan sasan papangat nan Hudyu nan namati an Hesus. Jon kapu tan umogjatcha sasan Pariseo achicha kun ipaakammu tan maperjawcha san sinagoga.

43Tan sija impatogcha nan mapachajagwancha sasan taku nu nan mapachajagwancha an Apudyus.

Ukud Hesus Nan Mangu'um Sasan Taku

44Kun inipa'w Hesus gway manggwana, “Nu ngachan nan mamati an sa'on wha'on kus ahusa' as tuttugwaona, tuttugwaona hos nan nangiwhaun an sa'on. 45Ad nan mangila an sa'on mailana hos nan nangiwhaun an sa'on. 46Sa'on nan silaw gway ummalid asna luta tot nu ngachan ad nan mamati an sa'on achi kun iingkaw san manghulingot.

47“Ad nu ngachan nan manchongor san ukud'u gwon achi kun chumngor sina achi' kun u'umon as sija. Tan wha'on kus ummaliya' tot u'umo' chanan taku ad asna luta jon ummaliya' ta takuwo' chicha. 48Nan mallagwing an sa'on ja achina tuttugwaon nan ukud'u, agwad nan mangu'um an sija. Chay inukud'uwanchi gway atuttugwaan nan mangu'um an sija san udchin nan erkaw 49kapu tan achiya' kun nanukud san ugwa'ay somsomo' jon nan nangiwhaun an sa'on gway as Ama, sija nan nangiwhilin an sa'on nu ngachan nan iwhaka' ja nu ngachan nan ukucho'. 50Ad akammu'ay sa'ad nan whilinna mangatod as ma'awhijakan an Apudyus as ingkaingkana. Sija nan nu ngachan nan iwhaka' sija nan impaiwhakan Ama an sa'on.”

Currently Selected:

Juan 12: NUA

Highlight

Copy