مَرْکُسْ 11
11
يٜىٰسُ نَتِّي اُرُشَلِيمَ
1ندٜ ٻٜ ٻَدِي اُرُشَلِيمَ، تٛ غَرِيجٜ بٜتَفَاجِ اٜ بٜتَنِ تٛ حٛشّٜىٰرٜ ندٜ لٜطّٜ جَيْتُنْ، سٜيْ يٜىٰسُ لِلِ تٛکُّٻٜمٛ طِطٛ، 2اٛ وِعِٻٜ، «نَتّٜىٰ غَرِيٜلْ غٛنْغٜلْ يٜىٰسٛ مٛوطٛنْ؞ اٜ نَتُّکِ مٛوطٛنْ، اٛنْ تَوَيْ مبَبَّ مٛلَ اٜ نغَ حَٻِّي، طُمْ مٜىٰطَايِ وَطَّاکِنغَ؞ ڤِتّٛيٜىٰنغَ نغَدّٛنْغَ طٛعٛ؞ 3تٛ غٛطّٛ پَمِيعٛنْ، ‹کٛ وَطِ ڤِتّٛتٛنْغَ؟› مبِعٜىٰمٛ، ‹مٛودِبّٛ اٜ يِطِ حُوتِرْکِنغَ، اٛ وَطَيْ طُمْ وَرْتِرَنغَ نَاع کٛ نٜىٰٻِ؞› »
4سٜيْ ٻٜ نجَحِ ٻٜ تَوِ مبَبَّ مٛلَ نغَنْ اٜ حَٻِّي تٛ دَمُّغَلْ، حَادٜ طَتَلْ؞ اٜ ٻٜ ڤِتَّنغَ، 5سٜيْ وٛٻّٜ دَرِيٻٜ طٛنْ پَمِٻٜ مبِعِ، «نغَمْ طُمٜ ڤِتّٛتٛنْغَ؟»
6کَمْٻٜ بٛو ٻٜ مبِعِٻٜ کٛ يٜىٰسُ وِعِ، سٜيْ يِمْٻٜ ٻٜنْ اَلِٻٜ ٻٜ ندِلِّدِ اٜ مَاغَ؞ 7ٻٜ نجَارَنِنغَ يٜىٰسُ، ٻٜ مبٜعِّتِ شُدَّارِ مَٻّٜ دٛوْ مَغَّ؞ يٜىٰسُ وَطِّينغَ؞ 8سٜيْ يِمْٻٜ طُطْٻٜ مبٜعِّتِ شُدَّارِ مَٻّٜ دٛوْ طَتَلْ، وٛٻّٜ بٛو مبٜعِّتِ حَاکٛ کٛ ٻٜ نغٜوٛيِ تٛ سَابٜىٰرٜ؞ 9يِمْٻٜ وٛنْٻٜ يٜىٰسٛ مَاکٛ اٜ وٛنْٻٜ غَطَ مَاکٛ، اٜ ٻٜ مبِعَ اٜ سٜمْبٜ، «حٛسَانَ! اٛ بَرْکِطِنَاطٛ اٛنْ طٛنْ غَرٛيْطٛ ندٜرْ اِنْدٜ جٛومِرَاوٛ! 10لَامُ مَامَ مٜىٰطٜنْ دَوْدَ غَرَيْطُمْ طُمْ بَرْکِطِنَاطُمْ! اٜنْ مَنْتُ اَللَّه مٛ دٛوْ!»
11سٜيْ يٜىٰسُ نَتِّ اُرُشَلِيمَ، اٛ نَتِّ وُرٛ شٜنِينغٛ، اٛ رَارِ کٛو طُمٜ غَطٜتٜىٰطُمْ طٛنْ؞ نغَمْ نَانغٜ حِيرِي، سٜيْ اٛ وُرْتِي، اٛ دِلِّ بٜتَنِ کَنْکٛ اٜ تٛکُّٻٜمٛ سَڤّٛ اٜ طِطٛ؞
يٜىٰسُ لَانِي لٜکِّ اِبِّ
12ندٜ وٜىٰتِ، اٜ ٻٜ اَلَ بٜتَنِ، يٜىٰسُ نَنِ وٜىٰلٛ؞ 13اٛ حَيْنِي لٜکِّ اِبِّ غٛودُکِ حَاکٛ، اٛ يَحِ اٛ يِعَ کٛو اٛ حٜٻَيْ اِبّٜ تٛ مَاکِ؞ ندٜ اٛ يٛتِّي تٛ مَاکِ، اٛ تَوَايِ غٛطُّمْ سٜيْ حَاکٛ، نغَمْ نَاع طُمْ شَرٜلْ ٻِکّٛيْ مَاکِ؞ 14سٜيْ اٛ وِعِ لٜکِّ کِنْ، «تٛع کٛو مٛيٜ ٻٜيْدَ ݧَامُکِ ٻِکّٛيْ دَغَ تٛ مَاطَ!» تٛکُّٻٜمٛ بٛو نَنِي کٛ اٛ وِعِ؞
يٜىٰسُ لَاٻِنِي وُرٛ شٜنِينغٛ
15ندٜ ٻٜ نَتِّ اُرُشَلِيمَ، يٜىٰسُ نَتِّ وُرٛ شٜنِينغٛ، سٜيْ اٛ فُطِّ رِيوُکِ سٛورٛوٻٜ اٜ سٛودٛوٻٜ ندٜرْ مَغّٛ؞ اٛ تَلِّ تٜىٰبُرْجِ غَيْلِتٛوٻٜ شٜىٰدٜ رٛومَنْکٛعٜنْ يَاکِ شٜىٰدٜ وُرٛ شٜنِينغٛ اٜ جٛوطٛرْلٜ شٛورٛوٻٜ ڤٛولِ؞ 16اٛ حَطِ کٛو مٛيٜ پَٻّٛدٛو اٜ دٛنْغَلْ ندٜرْ نجَيْرِ وُرٛ شٜنِينغٛ؞ 17اٛ وِعِٻٜ، «طُمْ وِنْدَامَ، اَللَّه وِعِي، ‹طُمْ نٛدِّرَيْ وُرٛ اَمْ وُرٛ دٛعَارٜ نغَمْ لٜپِّ فُو،› اَمَّا اٛنٛنْ اٛنْ نغَرْتِرِينغٛ لُورٛ وُيْٻٜ؞»
18مَوْٻٜ اَرْدِيٻٜ دِينَ اٜ مٛودِٻّٜ اَتَّوْرَ نَنِ کٛ يٜىٰسُ وَطِ، سٜيْ ٻٜ نغَطِ کَ طَٻُّتُکِ لَاوٛلْ نٛ ٻٜ مبَرْدَتَمٛ؞ اٜ ٻٜ کُلَمٛ، نغَمْ يِمْٻٜ فُو کَيْطِنِ اٜ اٜکِّتِنٛلْ مَاکٛ؞
19ندٜ نَانغٜ حِيرِ، يٜىٰسُ اٜ تٛکُّٻٜمٛ مبُرْتِي غَرِيرِ ندِنْ؞
اِبِّ کِ يٜىٰسُ لَانِ کِ يٛورِي
20سُبَکَ اٜ ٻٜ پَٻّٛو، سٜيْ ٻٜ نغِعِ لٜکِّ اِبِّ کِنْ يٛورِي حَا اٜ طَطِ مَاکِ؞ 21بِيتُرُسْ سِفْتٛرِ وِعِ يٜىٰسُ، «مٛودِبّٛ، رَارُ! اِبِّ کِنْ طٛنْ کِ لَانُطَا کِ يٛورِي؞»
22يٜىٰسُ نٛوتِي وِعِٻٜ، «کٛولٜىٰ اَللَّه؞ 23اٜ مِ وِعَعٛنْ غٛونغَ، تٛ غٛطّٛ وِعِي حٛشّٜىٰرٜ ندٜعٜ، ‹دِلُّ، کُبٛطَا حٛورٜ مَاطَ ندٜرْ مبٜىٰلَ،› تٛ اٛ وَطَايِ سٜکٛ ندٜرْ ٻٜرْندٜ مَاکٛ، اَمَّا اٛ حٛولِي کٛ اٛ وِعِ طُمْ وَطَيْ، طُمْ وَطَنَيْمٛطُمْ؞ 24نغَمْ نٛنْ اٜ مِ وِعَعٛنْ، فُو کٛ تٛرِيطٛنْ ندٜرْ دٛعَارٜ، کٛولٜىٰ اٛنْ کٜٻِيطُمْ، ندٜنْ طُمْ وَرْتَيْ طُمْ مٛوطٛنْ؞ 25-26کٛو ندٜيٜ تٛ اٛنْ ندَرَکٜ اٛنْ نغَطَ دٛعَارٜ، تٛ اٜ وٛودِ مٛ نجٛغِتِيطٛنْ ندٜرْ ٻٜرْطٜ مٛوطٛنْ، نجَافَنٜىٰمٛ، نغَمْ ݧَاکٛ مٛوطٛنْ مٛ دٛوْ مَا يَافَنٛوعٛنْ حَکّٜ مٛوطٛنْ؞»
پَمٛلْ دٛوْ تٛ لَامُ يٜىٰسُ پِوٛيِ
27طٛنْمَا يٜىٰسُ اٜ تٛکُّٻٜمٛ نَتِّ اُرُشَلِيمَ؞ يٜىٰسُ اٜ يِيلٛو ندٜرْ وُرٛ شٜنِينغٛ، سٜيْ مَوْٻٜ اَرْدِيٻٜ دِينَ اٜ مٛودِٻّٜ اَتَّوْرَ اٜ مَوْٻٜ يِمْٻٜ نغَرِ تٛ مَاکٛ؞ 28ٻٜ مبِعِمٛ، «اٜ لَامُ مٛيٜ نغَطَتَا کُوطٜ طٜعٜ؟ مٛيٜ حٛکُّمَا لَامُ وَطُکِطٜ؟»
29يٜىٰسُ نٛوتِي وِعِٻٜ، «مِ پَمَيْعٛنْ پَمٛلْ غٛعٛ؞ نٛوتَنٜىٰيَمْ، ندٜنْ مِ وِعَيْعٛنْ اٜ طُمٜ لَامُ نغَطِرَيْمِ کُوطٜ طٜعٜ؞ 30بَڤْتِسْمَ طُمْ يَحَيَ وَطِ، تٛ اَللَّه طُمْ پِوٛيِ، کٛو تٛ يِمْٻٜ طُمْ پِوٛيِ؟ نٛوتَنٜىٰيَمْ!»
31سٜيْ ٻٜ مٜدِّ حَکُّندٜ مَٻّٜ، ٻٜ مبِعِ، «تٛ اٜنْ مبِعِي، ‹دَغَ تٛ اَللَّه طُمْ پِوٛيِ،› اٛ وِعَيْ، ‹کٛ وَطِ اٛنْ جَٻَايِ کٛ اٛ وِعِ؟› 32اَمَّا تٛ اٜنْ مبِعِي، ‹تٛ يِمْٻٜ طُمْ پِوٛيِ…› » ٻٜ مبِعُ نٛنْ نغَمْ اٜ ٻٜ کُلَ يِمْٻٜ، نغَمْ کٛو مٛيٜ جَٻِي يَحَيَ اٛ اَنَّبِيجٛ؞ 33سٜيْ ٻٜ نٛوتِي ٻٜ مبِعِ يٜىٰسُ، «مِنْ اَنْدَا؞»
يٜىٰسُ وِعِٻٜ، «نٛنْ مِنْ مَا، مِ وِعَتَاعٛنْ کٛو اٜ طُمٜ لَامُ نغَطِرَيْمِ کُوطٜ طٜعٜ؞»
Currently Selected:
مَرْکُسْ 11: fuv
Highlight
Share
Copy
Want to have your highlights saved across all your devices? Sign up or sign in
© 2011, Bible League, All rights reserved.
