Malaki 3
3
1 #
Mat 11:10; Mrk 1:2; Luk 1:76; 7:27. Omwaami w'Obunyala aboola ati: “Bone, mbao nduma wamwaanda waange ohundereesera engira, mani Omwaami yi mukoonya achia ohwiicha mu nyuumba yae abaandu nibataamanyire daawe. Haandi wamwaanda yimuliinda, bone ali ohwiicha ohulaangirira endagaano yaange yiindi.” 2#Yoel 2:11; Hubwi 6:17.Nae wiina mweene onyala ohwesimiirisa oludaalo lu yaheechereho?
Olwohuba ali koti omuliro kusaangulusa ebyuuma, haandi koti esabbuuni yibooseraanga. 3Yaheehale hu esisaala ohuheenga omusaango, naali koti oyo owoosa haandi olabya efeesa. Koti omwiitaanyi w'ebyuuma olabya efeesa neende esaabbu, nilwo lu Omwaami yahalabye abaana ba Leefi ohwoola lu bahayaanire Omwaami ebiyaanwa bihoyera. 4Ao mani ebiyaanwa bi baandu bomu Buyudaaya neende abomu Yerusalemu bi banayaaneenge eyiri Omwaami byahamusaangaseenge, koti lu byali mu ndaalo cha hale.
5Omwaami w'Obunyala aboola ati: “Mani njia ohusuda aambi naang'we ohuheenga omusaango.” Mani mu bwaangu bweene njia ohusaandya abalosi neende abacheke, neende abo abechuba eby'obubacha, neende abo abaliichaki b'omusaara kw'abahalaabani, neende abo abasaandya abahasi bafwiirwe neende bamulehwa, neende abo abanyaka ebiindu bya bawalukeenda, neende abo boosi abataanjisamo oluyaali.
Obuwaani bwa silala sy'ehumi
6Omwaami w'Obunyala bwoosi aboola ati: “Olwohuba Ese Omwaami haba singaluuhanaanga; mani sakira eng'we abeechuhulu ba Yakobbo haba simwasihiriswa daawe.” 7Ohutula mu ndaalo cha bakuuka yeeng'we, mwalehana neende ebilagiro byaange haandi haba simubiliindaanga. Mukobole yiindi, mani syeesi njia ohukobola yi muli. Nae mundeeba muti, “Hunaahole siina huhwaakobola yooli?” 8Mani omuundu anyala ohunyaka Nasaae? Nae eng'we muli ohuunyakaho ebyaange. Nae muteeba muti, “Huli ohuhunyakaho hutye?” Muunyakaho mu ohuwaana silala sy'ehumi neende mu biyaanwa bi muunyaanira. 9Mubwaabwa neende esibwaabo, olwohuba eng'we esyaalo syoosi muli ohunyaka. 10#Lef 27:30; Hub 18:21-24; Amal 12:6; 14:22-29; Neh 13:12.Muleete esituundu silala sy'ehumi syoosi mu sibiihiro sy'enyuumba yaange, mani ebyohulya bimala binyale ohuba mu nyuumba yaange. Mani muteeme mubone oba siinjia ohubeekulirao amadirisa k'ekulu mani mbachuheho ehabi nyiingi muno. 11Haba siinjia ohuleha eesike ohusihirisa ebirime byeeng'we. Mani emisabbiibbu mu ndalo cheeng'we haba sichahahae ohwaama. 12Ao mani abaandu bomu byaalo byoosi bahabalaange ab'ehabi, olwohuba esyaalo syeeng'we syahabe esy'ehabi endaalo choosi.
Nasaae asuubisa ohukwiira abaandu esisa
13Omwaami aboola ati: “Muunomanomeho emboosi chitaali endai. Nae muteeba muti, huhulomaloomeho bubi hutye?” 14Muboola muti, “Ohuhalaabanira Nasaae sibula sisihoonya.” Sihoonya siina ohuhola bi Omwaami adaha oba ohweekesa huti huli mu ngisa mu moni w'Omwaami w'Obunyala? 15Nae koti lu hubona, abo abehuduumbasa nibo ba balaanga ab'ehabi. Abahola-mbi haba sibadoong'a ohuba bulai hwoong'ene, nae bateema Nasaae mani bahaya ohusaandisibwa. 16Ao mani abo abatya Omwaami, abeene-na-beene balomaloma nibaboola bati, Omwaami yaatekeeresa haandi yaabawulira. Mani mu moni wae yalimo esitabo esyandiikwa ohwiichulisaho abo abamutya haandi abamwiisamo oluyaali. 17Omwaami w'Obunyala aboola ati: “Bahabe abaandu baange beene hu ludaalo lu njia ohuholeraho. Njia ohubakwiira esisa koti lu musaacha yahakwiira esisa omwaana wae musyaani omuhalaabaniraanga.” 18Ao mani haandi mwahabone enjawuhana akatikaati w'omuundu muluungifu neende omubi, akatikaati w'omuundu ohalaabanira Nasaae neende oyo otamuhalaabanira.
Currently Selected:
Malaki 3: SAMDC
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
