Ebiholwa 1

1 # Luk 1:1-4. Omukoosi Teofiilo: Mu sitabo sitaangira, ndandiika ebidiira hu biindu byoosi bi Yesu yataangira ohuhola neende ohweekesa, 2ohwoola hu ludaalo lu yayirirwa Muukulu. N'asisiiri ohuyirwa Muukulu, yataangira ohulagira abatume ba yali yadoola niyehoonyera Mwooyo Mwoolerefu. 3Yesu yeyekesa eyiri abatume mu ngeri nyiingi koti lu yali omulamu, n'amalire ohusaandisibwa neende ohufwa haandi mu mbaka y'endaalo amahumi kane, yababonehera naalomaloma hu Bwaami bwa Nasaae. 4#Luk 24:49. Niyali n'asisiiri nabo, yabalagira obutatula mu Yerusalemu, nae baliinde si Laata yasuubisa si mwawulira nimbaboolera endi, 5#Mat 3:11; Mrk 1:8; Luk 3:16; Yow 1:33. “Yowaana yabatiisaanga neende amaachi, nae mu ndaalo chitaali enyiingi, muchia ohubatiisibwa neende Mwooyo Mwoolerefu.”

Yesu ayirwa aakulu Muukulu

(Mrk 16:19-20; Luk 24:50-53)

6Abatume nibali nibebuusire alala, bateeba Yesu bati, “Omwaami, bulaanu esiha sino nisyo syoocha ohukobosera Yisiraeli obwaami?” 7Nae yababoolera ati, “Haba simulimo kweeng'we ohumanya endaalo oba obwiire bu Laata mweene yatekeha neende obunyala bwae. 8#Mat 28:19; Mrk 16:15; Luk 24:47,48. Nae muchia ohunyoola amaani Mwooyo Mwoolerefu n'amalire ohubeehaho; muchia ohuba abaloli baange mu Yerusalemu neende mu Yudea mwoosi, neende Samaria, neende ohwoola yi syaalo syaakamira.” 9#Mrk 16:19; Luk 24:50,51. Niyali niyahamala ohuboola atyo, yayirwa aakulu nibabona, esireesi syaamubwiiha baahaya ohumubona. 10Koti lu bali nibasitingaalire aakulu Yesu n'awaao, bone, abasaacha babiri abefwaalire engubo cha rachaari, baboneha nibeemere aambi nabo, 11baboola bati, “Abasaacha Bagalilaaya eng'we, lwasiina mweemere nimutingaalire aakulu? Yesu wuno, obatusirweho yayirwa Muukulu, achia ohukobola mu ngeri nasilala eyo yi mumubweneremo naachia Muukulu.”

Owakobola mu makulu ka Yuda Yisikarioti

(Mat 27:3-10)

12Bulaanu Abatume bakobola Yerusalemu nibatula hu lugulu lwa Olifu, oluli aambi ekilomiita ndala ohwoola Yerusalemu, olukeendo lufukiirirwa ohukeendwa hu ludaalo lwa Sabbaato. 13#Mat 10:2-4; Mrk 3:16-19; Luk 6:14-16. Nibamala ohwiingira mu Yerusalemu, baachia baniina mu siseenge sy'aakulu si bali nibamenyamo: Petero neende Yowaana neende Yakobbo neende Anderea, Filipo neende Tomasi, Bbatolomeo neende Matayo, Yakobbo omwaana wa Alufaayo neende Simooni Omulwaanirisi w'esyaalo syae, Yuda omwaana wa Yakobbo. 14Bano boosi, alala neende abahasi baandi neende Maria ng'ina Yesu, alala neende bamwaanang'ina, balaamaanga Nasaae neende omwooyo mulala.

15Mu ndaalo echo, Petero yaasiingira yeema mu baasye (omukaanda kw'abaandu boola aambi emia ndala neende amahumi kabiri), mani yaalomaloma n'aboola ati, 16“Basyaange, ebyandiiko byoolerefu byali eby'ohwosereswa abweene, bi Mwooyo Mwoolerefu yalomaloma hale n'abitira mu munwa kwa Daudi, ebidiira hu Yuda owali omweemeresi w'abaandu badiira Yesu. 17Olwohuba yali mulala hweefwe, mani yaberesebwa omukabo kwae mu mulimo kuno.” 18#Mat 27:3-8. (Bulaanu, omusaacha wuno yakula omukuunda neende esiyaanwa sy'esiholwa syae sibi mani yakwiira omutwe yaadihanamo amala keediha erwaanyi. 19Sino syamanyiha eyiri abaandu boosi abamenya mu Yerusalemu, omukuunda okwo kwalaangwa mu lulimi lwaabwe kuti Akelidaama, esyeekesa siti, Omukuunda kw'Amabaanga.) 20#Sab 69:25; 109:8. “Olwohuba syandiikwa mu sitabo sy'Esabbuli siti,

‘Lehe edaala lyae lyeehole ekuunda,

haandi lehe omuundu yeesi ahaye ohulimenyamo’; haandi

‘Lehe omuundu wuundi abukule omulimo kwae.’

21 # Mat 3:16; Mrk 1:9; Luk 3:21; Mrk 16:19; Luk 24:51. Sakira, mulala hu baandu bakeendaanga naafwe endaalo choosi chi Omwaami Yesu yaba mweefwe, 22ohutulira elalira hu hubatiisa hwa Yowaana, ohwoolera elalira hu ludaalo lu yatubukulirwaho yaayirwa muukulu, mulala hu baandu bano niye ohoyere ohweehola naafwe omuloli w'ohusyuuha hwa Yesu.” 23Badoolamo bataao abaandu babiri: Yosefu olaangwa ati Bbarisabba, owakulihwa Yusito, neende Matiasi. 24Mani balaama nibaboola bati, “Omwaami, niiwe omanyire emyooyo ky'abaandu boosi, tweekese wiina hu babiri bano, oyo yi ewe omweene odoolere 25ohubukula obweyaango mu mulimo kuno, neende mu butume bu Yuda yetusaho, mani yechiira yi yadaha omweene.” 26Baboobbera eha, eha yaakwa hu Matiasi oweecha yaabalirwa mu batume ehumi-na-mulala.

Currently Selected:

Ebiholwa 1: SAMDC

Highlight

Copy