Matayo 19

Yesu yeekesa hu hulobana

(Mrk 10:1-12)

1Nae Yesu niyamala ohulomaloma emboosi echo, yatula Galilaaya yachia mu situundu sya Yudea, engereha w'omwaalo kwa Yorodaani; 2mani esidiiyiha sy'abaandu syamuloondaho, yaabawonisirya ebweene eyo.

3Nae Abafarisaayo beecha yaali bamuhema nibamuteeba bati, “Mani elako lifukiiriraho omuundu ohulehanira elalira neende omuhasi wae hulw'esifune syoosi?” 4#Huc 1:27; 5:2.Yesu yakobolamo ati, “Musisiiri ohusomaho muti ohutula muhuchaaka, Nasaae yaloonga omusaacha neende omuhasi, 5#Huc 2:24.mani yaaboola ati, ‘Hulw'esifune sino, omusaacha achia ohulehaanga laatang'ene neende ng'ina, yeyambaania neende omuhasi wae, mani boombi beehola omubiri mulala’? 6Haba bulaanu sibaba nibasisiiri babiri, nae omubiri mulala. Sakira esyo si Nasaae yaambaania alala, omuundu yeesi atasikabuhaniaanga.”

7 # Amal 24:1-4; Mat 5:31. Nae Abafarisaayo bamuteeba bati, “Lwasiina Musa yatusa elako ati, omusaacha abereseenge omuhasi wae ebbarwa yohulehanira nae elalira?” 8Yesu yabakobolamo ati, “Musa yabafukiirira ohulehaniraanga elalira neende abahasi beeng'we, hulw'obwaangalafu bw'emyooyo kyeeng'we, nae sibyabechaanga bityo ohutula muhuchaaka. 9#Mat 5:32; 1 Kor 7:10,11.Haandi mbaboolera endi, oyo yeesi olehanira elalira neende omuhasi wae, ataali hulw'obucheke,” #19:9 hulw'obucheke: Ebyandiiko bihuluundu bihale biindi, luunyuma lw'emboosi, hulw'obucheke, bisoma biti, ‘akera omuhasi oyo yahola obucheke’. mani yaadeehya owuundi, aba aholere obucheke, #19:9 obucheke: Ebyandiiko bihuluundu bihale biindi biingisiramo ano biti, ‘haandi oyo yeesi odeehya omuhasi yiberuuse, yesi aba aholere obucheke’.

10Abeeki bae nabo bamuboolera bati, “Ebiindu nibiba bityo akatikaati w'omusaacha neende omuhasi wae, mani mbao obutadeehya biba bihira.” 11Nae Yesu yababoolera ati, “Abaandu boosi sibanyala baafukiirira enjekesa yino, nae ohumalaho abo ba Nasaae aba yeekulirewo. 12Olwohuba, biriwo ebiindu bitaali nasilala ebikera omuundu yaahaya ohudeehya. Abaandu baandi sibanyala ohudeehya olwohuba beebulwa batyo; abaandi balooywa sa, mani sibanyala ohudeehya; nae abaandi sibanyala ohudeehya olwohuba beefwiirisa obulamu bw'ohudeehya, hulw'ohuhalaabanira Obwaami bwo Muukulu. Mulehe oyo onyala ohufukiirira, afukiirire.”

Yesu aberesa abaana bayere ehabi

(Mrk 10:13-16; Luk 18:15-17)

13Mani baleeta abaana bayere eyiri Yesu abeeseho amahono haandi abasabire. Nae abeeki bae baakayira abaandu. 14Nae Yesu yababoolera ati, “Mulehe abaana bayere beeche yi ndi, haandi mutabakayira daawe; olwohuba obwaami bwo Muukulu bw'abaandu bafwaana koti bano.”

15Yesu yeemao yaabeesaho amahono, mani yeweerao.

Omuraaga muyiinda

(Mrk 10:17-31; Luk 18:18-30)

16Abweene ao, omuraaga wuundi yeecha eyiri Yesu yaamuteeba ati, “Omweekesa, silai siina si hoyeere ohuhola, hu nyoole obulamu butaakama?”

17Yesu yakobolamo ati, “Lwasiina wuundeeba hu biindu bilai? Aliwo omuundu mulai mulala yeeng'ene. Nae nooba n'odaha ohwiingira mu bulamu, diiraanga amalako ka Nasaae.”

18 # Hut 20:13; Amal 5:17; Hut 20:14; Amal 5:18; Hut 20:15; Amal 5:19; Hut 20:16; Amal 5:20. Omuraaga oyo yateeba Yesu ati, “Malako siina?” Yesu yamukobolamo ati, “Oteetaanga; Otayiranaanga; Oteebaanga; Otabachaanga; 19#Hut 20:12; Amal 5:16; Lef 19:18.yisaanga mu lataao neende maakoo oluyaali; haandi, heeraanga owaasyo koti lu weeheera omweene.”

20Omuraaga oyo yaboolera Yesu ati, “Ebyo byoosi byooseresaanga. Siina siindi esidoong'ereo ohuhola?”

21Yesu yaamuboolera ati, “N'odaha ohuba omuundu mwoolerefu, chia okusemo ebiindu by'oli nabyo byoosi, mani eseende chitulamo ochikabire abamanani, ao oba ochia ohunyoola obuyiinda Muukulu; mani omale wiichie wuunoonde.”

22Nae omuraaga oyo niyawulira atyo, yatula ao yaawaao n'asinyiihe muno, olwohuba yali neende obuyiinda buungi muno.

23Yesu yaboolera abeeki bae ati, “Mbaboolera obwadyeeri endi, bichia ohudinyira muno omuundu muyiinda ohwiingira mu bwaami bwo Muukulu. 24Haandi mbaboolera obwadyeeri endi, syaangu muno engamia ohubitira mu moni y'esindani, ohuhira omuundu muyiinda ohwiingira mu Bwaami bwa Nasaae.”

25Nae abeeki bae nibawulira sino, bawuka muno baaboola bati, “Mani nikali katyo, wiina mweene owahanyala ohuwona?”

26Yesu yabatingaala tiiri mu moni, yaabakobolamo ati, “Sino sisinyaliha eyiri abaandu, nae eyiri Nasaae, buli siindu sinyaliha.”

27Abweene ao, Petero yakobolamo n'aboola ati, “Bone, efwe hwaleha ebiindu byoosi mani hwaahuloonda. Ni siina si hwahanyoole?” 28#Mat 25:31; Luk 22:30.Yesu yababoolera ati, “Mbaboolera obwadyeeri bweene endi mu syaalo siyaaha, Omwaana w'Omuundu niyaheehale hu sisala syae sy'oluyaali, eng'we abaanoondaho mweesi muchia ohwiihala hu bisaala by'obutuki, ehumi-na-bibiri, nimuheengera enono ehumi-na-chibiri cha Yisiraeli omusaango. 29Mani buli muundu yeesi owaleha enyuumba, kata bamwaanang'ina, kata bambochoong'ene, kata laatang'ene, kata ng'ina, kata abaana, kata eloba, hulw'eliita lyaange, achia ohunyoola amahabi emia ndala yeebyo, #19:29 amahabi emia ndala yeebyo: Ebyandiiko bihuluundu bihale biindi bisoma biti, ebihirao. alala neende Obulamu Butaakama. 30#Mat 20:16; Luk 13:30.Nae abaangi abataangiramo bachia ohumaliirihayo, nae abamaliirihayo bachia ohutaangiramo.”

Currently Selected:

Matayo 19: SAMIA

Highlight

Copy