Matayo 1

Olunyaali lw'olwiibulo lwa Yesu Kristo

(Luk 3:23-38)

1Luno nilwo Olunyaali lw'olwiibulo lwa Yesu Kristo, omwiichuhulu wa Daudi, omwiichuhulu wa Abburahamu.

2Abburahamu, yeebula Yisaka, Yisaka nae yeebula Yakobbo, Yakobbo nae yeebula Yuda neende bamwaanang'ina. 3Yuda yeebula Peresi neende Seera mu Tamari, ng'ina yaabwe. Peresi yeebula Hesirooni, Hesirooni nae yeebula Raamu; #1:3 Raamu; Mu Lugiriki ni Aramu 4Raamu nae yeebula Aminadabbu, Aminadabbu nae yeebula Nahasoni, Nahasoni nae yeebula Salimoni; 5Salimoni nae yeebula Bboasi mu Rahabbu, Bboasi nae yesi yeebula Obbedi mu Ruusi, Obbedi nae yeebula Yese; 6#2 Abat 24:14,15; 2 Biha 36:10; Yer 27:20.Yese nae yeebula Daudi owali Omutuki.

Daudi nae yeebula Solomooni mu muhasi wali owa Wuria; 7Solomooni nae yeebula Rehobboamu, Rekobboamu nae yeebula Abbija, Abbija nae niyeebula Asa; #1:7 Asa: Mu Lugiriki ni Asafu 8Asa nae yeebula Yehosafati, Yehosafati nae yeebula Yolaamu. Yolaamu nae yeebula Wusia; 9Wusia nae yeebula Yotamu, Yosamu nae yeebula Ahasi, Ahasi nae yeebula Hesekia; 10Hesekia nae yeebula Manaase, Manaase nae yeebula Amosi. Ebyandiiko bihuluundu biindi bisoma biti Amosi nae yeebula Yosia. 11Yosia nae yeebula Yekonia neende bamwaanang'ina; mani Abaisiraeli beemao bayirwa mu buboye e Bbabbilooni.

12Nibamalire ohuyirwa Bbabbilooni, Yekonia yeebula Seyalitieli, nae Seyalitieli yeebula Serubbabbeli, 13Serubbabbeli nae yeebula Abbiudi, Abbiudi nae yeebula Eliakimu, Eliakimu nae yeebula Asori; 14Asori nae yeebula Sadoki, Sadoki nae yeebula Akimu, Akimu nae yeebula Eliudi; 15Eliudi yeebula Eliasari, Eliasari nae yeebula Matani, Matani nae yeebula Yakobbo; 16Yakobbo nae yeebula Yosefu owali wamwe Maria oweebula Yesu olaangwa Kristo. 17Mani enjibulo chiri ehumi neende chine ohutula hu Abburahamu ohwoola hu Daudi. Ohutula hu Daudi ohwoola huwaambwa hu ohuyirwa Bbabbilooni chosi chali enjibulo ehumi neende chine. Haandi ohutula hu huyirwa Bbabbilooni ohwoola hu hwiibulwa hwa Kristo chosi chali enjibulo ehumi neende chine.

Ohwiibulwa hwa Yesu Kristo

(Luk 2:1-7)

18 # Luk 1:27. Ohwiibulwa hwa Yesu Kristo #1:18 Ohwiibulwa hwa Yesu Kristo: Ebyandiiko bihuluundu bihale biindi bisoma biti, ohwiibulwa hwa Kristo. hwali huti: Yosefu niyali n'afukiirisaanie ohudeehisania neende Maria ng'ina Yesu, nibasisiiri ohubaaho alala, Maria yeyakaana nga ali asito ohweema hu maani ka Mwooyo Mwoolerefu. 19Nae koti Yosefu wamwe yali omuundu muluungifu siyadaha ohuwaambya Maria esoni mu baandu mani yaheengawo mu mwooyo kwae ohulehanira elalira nae. 20Nae niyali nasibaasa atyo, malaika w'Omwaami yaamubonehera mu silooto yaamuboolera ati, “Yosefu mwaana wa Daudi, otatya ohubukula Maria yaaba omuhasi wao. Olwohuba enda eyo haba siyomusaacha daawe. Yayinyoola hulw'obunyala bwa Mwooyo Mwoolerefu. 21#Luk 1:31.Achia ohwiibula omwaana musyaani. Wahamulaange oti Yesu, olwohuba niye ochia ohununula abaandu bae ohubatusa mu byonoono byaabwe byoosi.” 22Bino byoosi byaholehana ohwooseresa emboosi chi Omwaami yalomalomera mu munabbi ati: 23#Yis 7:14. “Omuhaana muyere osisiiri ohubaaho neende omusaacha yahanyoole amabaanga mani yeebula omwaana musyaani owahalaangwe ‘Emanueli’” amahuluundu mbwe, (Nasaae ali naafwe.) 24Yosefu niyasimuha mu ndoolo, yahola koti lu malaika w'Omwaami yali amukerakiire. Yosefu yabukula Maria yamuyira yaaba omuhasi wae; 25#Luk 2:21. nae haba siyabaaho nae koti omusaacha neende omuhasi ohwoola lu Maria yeebula omwaana wae oyo. Yosefu mani n'amulaanga Yesu.

Currently Selected:

Matayo 1: SAMIA

Highlight

Copy