Luka 3

Ohuyaala hwa Yowaana Omubatiisi

(Mat 3:1-12; Mrk 1:1-8; Yow 1:19-28)

1Mu mwaaka kw'ehumi neende kitaanu (15) kw'obwaami bwa Tibberio Kaisaari, Pontio Pilato naali gafana wa Yudea, nae Herode naali omutuki wa situundu sya Galilaaya, nae Filipo mwaanang'ina naali omutuki wa situundu sya Yiturea neende Turakoniiti; Lisania yali niye omutuki wa Abbilene, 2Anasi neende Kayaafa nibali abalaamisi bahuluundu, emboosi ya Nasaae yechera Yowaana omwaana wa Sakaria naali mu siparara; 3mani yacha mu situundu sya Yorodaani syoosi, n'ayaala ohubatiisa hw'ohweyolobya hulw'ohuleherwa ebyonoono. 4#Yis 40:3-5. Koti lu syandiikwa mu sitabo sy'emboosi cha Yisaaya omunabbi siti,

“Ekono ly'omuundu wuundi ohumulira mu siparara n'aboola ati:

Mutereese engira y'Omwaami,

mukolole emyaanda chae.

5Buli hooho yicha ohwichuswa,

haandi buli lugulu neende esigulu bichia ohukwalaaswa,

neende ebyo ebyeekodakoda bichia ohukololwa,

neende engira ch'ebiguruguunya chichia ohunyiriswa;

6haandi buli muundu yeesi achia ohubona obuwonia bwa Nasaae.”

7 # Mat 12:34; 23:33. Mani sakira yaboolera abaandu baangi abali nibeetusireyo ababatiise ati, “Eng'we abaana b'endemo! Wiina mweene obalabule ohwiiruha ohweewonia egiili yicha? 8#Yow 8:33. Mani mwaame ebyaamo bihoyera ohweyolobya, haandi mutachaaka ohweboolera abeene-na-beene muti, ‘Efwe huli abaana ba Abburahamu;’ olwohuba mbaboolera endi, Nasaae ali neende obunyala bw'ohubukula amakina kano yakaholamo abaana ba Abburahamu. 9#Mat 7:19. Kata bulaanu buti, embaachi yiteerwe hu musi bweene wa buli musaala; mani buli musaala okutaama ebyaamo bilai kuchia ohutemerwa aasi, mani kusukunwe mu muliro.”

10Nae ebidiiyiha byeecha byamuteeba biti, “Mani hunaahole siina syeene?” 11Nae yabakobolamo ati, “Oli neende amakooti kabiri, leha abereseho oyo otaliho nalyo; haandi oyo oli neende ebyohulya, leha yesi ahole nasilala atyo.” 12#Luk 7:29. Abatoosa b'omusolo bosi beecha ohubatiisibwa, mani bamuteeba bati, “Omweekesa, efwe hunaahole siina syeene?” 13Nae yababoolera ati, “Mutatosaanga ebihira bi muhoyere.” 14Abasikaari bosi bamuteeba bati, “Nae efwe naafwe, hunaahole siina syeene?” Nae yababoolera ati, “Mutayayaanga omuundu yeesi nimwehoonyera amaani oba nimumubachira sa, haandi omusaara kweeng'we kubamaleenge.”

15Koti lu baandu bali sa nibaliindirira, haandi nga boosi bali ohwetebaanga mu myooyo kyaabwe ebidiira hu Yowaana, bati awuundi yahaba naali niye Kristo, 16nae Yowaana yabakobolamo boosi ati, “Ese mbabatiisa neende amaachi; nae oyo owuhira oluyaali ali ohwiicha, yi ese tahoyera ohuboolola esya ch'ebiraato byae; oyo niye ochia ohubabatiisa neende Mwooyo Mwoolerefu haandi neende omuliro. 17Olubibo lwae lumuli mu muhono, ohubuusa engaano yoosi eyiri hu lwanyi lwae lw'ohuseeseraho, haandi neende ohuteera engaano mu syaaki syae, nae omuhuuchi, achia ohukusaamba neende omuliro kutasimiswa.”

18Ao mani yachiiririra ohubachooma, n'ayaalira abaandu Emboosi Ndai. 19#Mat 14:3,4; Mrk 6:17,18. Nae Herode owali omutuki w'esituundu esyo, yi yali yamala ohuchooma hulw'ohudeehya Herodia, owali omuhasi wa mwaanang'ina haandi hulw'ebibi biingi biindi bi yali naaholaanga, 20yameeda sino hweebyo byoosi, mani yekalira Yowaana mu jeela.

Ohubatiiswa hwa Yesu

(Mat 3:13-17; Mrk 1:9-11)

21Bulaanu, abaandu boosi nibali nibabatisiibwe, haandi Yesu yesi niyali n'amalire ohubatiisibwa, mani naali ohusabaanga, ekulu lyeekulwa, 22#Huc 22:2; Sab 2:7; Yis 42:1; Mat 3:17; Mrk 1:11; Luk 9:35. mani Mwooyo Mwoolerefu yamwiihaho mu ngeri y'omubiri nafwaanana koti eguugu, haandi ekono lyatula Muukulu niliboola liti, “Niiwe Omwaana waange muheerwa; niiwe yi sangaliire.” #3:22 niiwe yi sangaliire: Ebyandiiko bihuluundu bihale biindi bisoma biti, ‘enyaanga yino hwiibuule.’

Olwiibulo lwa Yesu

(Mat 1:1-17)

23Yesu hwachaaka obuhalaabani bwae, yali aambi ow'emyaaka amahumi kadatu eky'obuhuluundu, yali omwaana (koti lusyayiribwa ohuba) wa Yosefu, omwaana wa Heeli, 24omwaana wa Matati, omwaana wa Leefi, omwaana wa Meliki, omwaana wa Yanaai, omwaana wa Yosefu, 25omwaana wa Matatia, omwaana wa Amosi, omwaana wa Nahumu, omwaana wa Esili, omwaana wa Nagai, 26omwaana wa Maati, omwaana wa Matatia, omwaana wa Semeini, omwaana wa Yoseki, omwaana wa Yoda, 27omwaana wa Yoanani, omwaana wa Reesa, omwaana wa Serubbabbeli, omwaana wa Seyalitieli, omwaana wa Neeri, 28omwaana wa Meliki, omwaana wa Adi, omwaana wa Kosamu, omwaana wa Elimadamu, omwaana wa Eri, 29omwaana wa Yosua, omwaana wa Elieseeri, omwaana wa Yorimu, omwaana wa Matati, omwaana wa Leefi, 30omwaana wa Simeoni, omwaana wa Yuda, omwaana wa Yosefu, omwaana wa Yonamu, omwaana wa Eliakimu, 31omwaana wa Meleeya, omwaana wa Meena, omwaana wa Matata, omwaana wa Natani, omwaana wa Daudi, 32omwaana wa Yese, omwaana wa Obbedi, omwaana wa Bboasi, omwaana wa Saala, omwaana wa Nahasoni, 33omwaana wa Aminadabbu, omwaana wa Adimini, omwaana wa Arini, omwaana wa Hesirooni, omwaana wa Peresi, omwaana wa Yuda, 34omwaana wa Yakobbo, omwaana wa Yisaka, omwaana wa Abburahamu, omwaana wa Tera, omwaana wa Nahori, 35omwaana wa Serugi, omwaana wa Reewu, omwaana wa Pelegi, omwaana wa Ebberi, omwaana wa Sela, 36omwaana wa Kainaani, omwaana wa Arifakusadi, omwaana wa Seemu, omwaana wa Nowa, omwaana wa Lameki, 37omwaana wa Mesusela, omwaana wa Enoka, omwaana wa Yareedi, omwaana wa Mahalaleli, omwaana wa Kainaani, 38omwaana wa Enosi, omwaana wa Seeti, omwaana wa Adamu, owa Nasaae.

Currently Selected:

Luka 3: SAMIA

Highlight

Copy