Yowaana 14

Yesu niye engira yicha eyiri Laata

1“Muteelalihiraanga mu myooyo kyeeng'we. Fukiirire #14:1 Fukiirire: Oba ‘eng'we mufukiirire sa.’ mu Nasaae, haandi mufukiirire mweese syesi. 2Mu nyuumba ya Laata mulimo ebiseenge ebiingi. Siba nisitaali sityo, haba sindahababoleere endi njia ohubatekehera obwiihalo. 3Nindahabe malire ohuchia, nimbatekeheere obwiihalo, ndahakobole mani mbayire yi ndi, mani mwesi mube eyo yi ese ndi. 4Mumanyire engira yichia yi njia.” 5Tomasi nae yamuteeba ati, “Omwaami, y'ochia haba sihumanyireo, hunyala hutye ohumanya engira yichaayo?” 6Yesu yamuboolera ati, “Ese ndi engira yaachana, obwadyeeri, neende obulamu. Abulao onyala ohwoola eyiri Nasaae, naatabitiire hweese. 7Muba nimuumanyire, Laata yesi muba mwahamumanyire. Haandi ohwoola buti mumumanyire kata mumalire neende ohumubona.”

8Filipo yamuboolera ati, “Omwaami, tweekeseho Laata, esyo nisyo si hudaha sa.” 9Yesu yamukobolamo ati, “Filipo, ndahaba naang'we esiha sino syoosi, nae musisiiri ohuumanya? Oyo owuumbona, aba abweene Laata. Obeere otye ohuboola oti, ‘Tweekeseho Laata’? 10Haba simufukiirira muti ndi mu Laata haandi muti Laata yesi ali mweese? Emboosi chino chi nomanoma haba sichilomaloma hulwaange omweene. Laata oli mweese omwene niye ohola emirimo. 11Mufukiirire nimbaboolera endi ndi mu Laata, haandi endi Laata yesi ali mweese. Ataali ao, muufukiirire hulw'ebiholwa byeene ebyo bi hola.

12“Mbaboolera obwadyeeri bweene endi, oyo yeesi owuufukiirira, ebiholwa bi hola yesi achia ohubihola, haandi yahahole ebihiraho ao; olwohuba ese njia eyiri Laata. 13Haandi buli siindu syoosi si munaasabeenge Laata mu liita lyaange, njia ohusiholaanga, hu bulaanu Laata yeeswemo oluyaali ohubitira mu Mwaana. 14Nimunaasabeenge #14:14 Nimunaasabeenge: Ebyandiiko bihuluundu bihale biindi bimeedaho biti, ‘ese’ esiindu syoosi mu liita lyaange, njia ohusiholaanga.

Yesu asuubisa Mwooyo Mwoolerefu

15“Nimuuheera, muchia ohudiiraanga amalako kaange. 16Syesi njia ohusaba Laata, mani ababerese Omukeraki wuundi, oyo ochia ohubechaanga naang'we endaalo choosi. 17Oyo niye Mwooyo owadyeeri yi syaalo sitanyala ohunyoola, olwohuba esyaalo haba sisimubona haandi sisimumanyire daawe. Nae eng'we mumumanyire, olwohuba ali mweeng'we, haandi anabechaanga mweeng'we.

18“Haba siinjia ohubaleha koti abaana bafwiirwe daawe; nae njia ohwiicha yi muli. 19Mu biha bidiidi ohutula buti, esyaalo haba sisichia ohuumbona daawe, nae eng'we muchia ohuumbona. Olwohuba ndi omulamu, mwesi mwahabe abalamu. 20Hu ludaalo olwo, mwahamanye koti lu ndi mu Laata, haandi koti lu eng'we muli mweese, haandi koti lu syesi ndi mweeng'we. 21Oyo owuwulira amalako kaange mani yaakadiira, niye oba niyaheera. Laata achia ohuheeraanga oyo owuheera, syesi njia ohumuheeraanga, haandi njia ohweyekesaanga yaali.” 22Yuda (otaali Yisikarioti) yamuteeba ati, “Omwaami, ochia ohweyekesa otye yi huli, nae waahaya ohweyekesa eyiri esyaalo?” 23Yesu yakobolamo ati, “Buli muundu owuheera, achia ohudiiraanga emboosi chaange, haandi Laata achia ohumuheeraanga. Ese neende Laata huba hwaheeche yaali mani humenye nae. 24Oyo owutaaheera, haba saadiira emboosi chaange daawe. Haandi emboosi chi muwulira haba sichaange, nae cha Laata waanduma.

25“Mbaboleere ebyo nisisiiri naang'we. 26Nae Omukeraki, Omwooyo Mwoolerefu oyo, yi Laata achia ohutuma mu liita lyaange, yahabeekese ebiindu byoosi, haandi yahabeechulise ebyo byoosi bi ndababoolera. 27Mbalehera omuleembe; mbaberesa omuleembe kwaange. Haba simbaberesa omuleembe koti lu syaalo siberesa daawe. Mutaleha emyooyo kyeeng'we kyeelalihira, haandi kyaatya daawe. 28Muwuliire koti lu mbabooleere endi mbwaao haandi njia ohukobola yi muli. Muba nimwaaheera, mwahasangaalire, olwohuba njia eyiri Laata; olwohuba Laata muhunuufu ohuuhira. 29Mbabooleere esyo bulaanu nisisisiiri ohukwaao, hu bulaanu nisyahakweeo, munyale ohufukiirira. 30Ese haba siinjia ohulomaloma naang'we ebiindu biingi daawe, olwohuba omutuki w'esyaalo yeechia, nae haba saali neende obunyala bwoosi hweese. 31Nae ese hola koti lu Laata aba niyandagiire, hu syaalo sinyale ohumanya siti, ese ndaheera Laata. Musiingire, lehe hutule ano.

Currently Selected:

Yowaana 14: SAMIA

Highlight

Copy