maluko 1

epeaski to e'e 'o letoonono yohane

(matai 3:1-12; luka 3:1-18; yohane 1:19-28)

1'o oko to hamo#panto piyo ci tposʉ noana'o uk'a ci <'o oko to hamo>., fukuin to iesu kilisto mo maica na ahoisi. 2to tposʉ to eyongensa 'izaya mo maica 'o hiasi tmopsʉ:

yainca to hamo:

aiti, te'o popeoskuna 'o soskuskunu'u;

te papoevʉ suu, ptuceoneni suu.

3ne maepuepuhu panto mo moozoyʉ ci cou:

ayocneni no tesi ceonʉ 'o nooe'oca,

ptusngʉcvi 'o tesi mia ci ceonʉ!

4micu maito e'e, mo yuyafo to maepuepuhu 'o yohane, toonono to cou, a'vinano psoyaski#<micu maito e'e, mo yuyafo to maepuepuhu 'o yohane, toonono to cou, a'vinano psoyaski> panto piyo ci tposʉ noana'o isi yainca <'o letoonono ci yohane, maita e'e ho yuyafo to maepuepuhu ho psoyaski>.: <temu ma'vovei, tiou ta toonono, tesieno peteongasa to hamo na kuisimu.> 5'o botngonʉ ci cou mo i'mi to mauhpʉhpʉngʉ ta yutaya ho ine 'elusalemu ho uhto tuhcu to yohane. ihe esansana na kuisihe; cu yonto c'oeha ne yolutan ho tiou to toonono to yohane.

6'o yohane mo sʉ'eʉsʉ to m'um'u no lakuta ci yʉsʉ, smoeputu tomo feo'u ci snoeputa 'o cpʉh'osi; 'o lasi ana zou liu ho sʉhsi. 7isi epeaska: <i'o tena ataveihe cmʉ'ho a'o cimo cihi mo na'nohe taicini a'o, 'upena hoci'u pop'up'ungu ho yungneni no sapiei o'ate h'unano 'aseolʉ. 8mi'o boemi ta chumu ho toononvi muu, ma tenasi titheni no seilei ho toononvi muu.>

noa toonono ho noa hʉsvʉta 'o iesu

(matai 3:13-17; luka 3:21-22)

9o'a mo noana'o, mo i'mi to nazalo ne ngalilaya 'o iesu ho cmʉ'ho, cu yonto c'oeha ne yolutan 'o yohane ho toononvi 'o iesu. 10ne micu tmo'poyapo to chumu 'o iesu aiti mo maavo 'e engʉca. mo mais'a hofoyu 'o seilei ho tma'pueho to feangosi. 11panto mo i'mi ne pepe ci fihngau, yainca: <zou ngohia ci oko'u suu, la'u ʉm'ʉmnʉa suu.>

12isi osnia popeocucufna to seilei 'o iesu ho uhto maepuepuhu. 13mo mimsʉptʉhi to ic'o, noa hʉsvʉta to satan; mo noteuyunu 'o yuansou, at'inghi panto tensi cimo aʉt'ʉt'ʉcʉ.

eyoho'a to iesu 'omo sʉptʉ ci leeyayoskʉ

(matai 4:12-22; luka 4:14-15; 5:1-11)

14ataveisi ne ohecu poekotva to poo'usna 'o yohane, mo uhne ngalilaya 'o iesu, psoyaska 'o fukuin to hamo. 15isi yainca: <cu mic'ʉhi 'e hie, tec'u mon'i esmi 'o hpʉhpʉngʉ to hamo! temu ma'vovei, tmaa'uzo ta fukuin.>

16mo smai'ofeihni to aaskiti to etʉpʉ ne ngalilaya 'o iesu, aiti 'omo yoso ci leeyayoskʉ - saimong ho i'o ohaesasi ci 'antole - mo yonto etʉpʉ ho tokeʉpʉ. 17isi mi'usni to iesu ho yainca: <uhtan'e. to'ofeihni a'o. te'o poa tolʉ no cou ci leeyayoskʉ na muu.> 18ihecu osnia teongasi 'o keʉpʉ no yoskʉ, cu to'ofeihni to iesu.

19o'amo smaimcovhi, isi teolʉi to iesu 'o oko to sipitai ci yakovu ho i'o ohaesasi ci yohane; mo yonto 'apangʉ ho tmasuce to keʉpʉ no yoskʉ. 20ne isi eyoho'a to iesu, cu yʉnʉ'vi to 'apangʉ 'o amohe ho i'o mo to'usnu ci soskuskunu, cu to'ofeihni to iesu.

cihi ci isi ti'eopi to h'aokuv'o ci cou

(luka 4:31-37)

21mo esmi to hosa ne kapenong; ne micu 'ansokunici, mo yʉmeʉmʉ to kaitoo 'o iesu ho mo'ma'cohio to cou. 22'omo tmalʉ to hiasi mo'ma'cohio mo acʉhʉ na'no yamci, maica 'o hiasi mo'ma'cohio mo a'sʉftonʉ yaa tonʉa, o'a mo totiski to lema'cohio seiso.

23ne mio, panto cihi ci isi ti'eopi no h'aokuv'o ci cou mo esmi to kaitoo, moozoyʉ ho mainca: 24<iesu ne nazalo, mainci 'afeo'fu'a a'mi? tekon'asi cmʉ'ho ho aapayo'a a'mi? os'o cohivi zou siya suu; miko i'mi to hamo ci socofkoya!>

25isi pashʉi to iesu 'o h'aokuv'o: <'ote ptaʉngʉ, aupcio i'mi ta feango ta cou tan'e ho yuyafo!>

26isi kuici poa psoekeukeucu to h'aokuv'o 'o ic'o, tmunsohʉ tmuezonʉ, ataveisi micu mongoi to feango to ic'o. 27mo acʉhʉ kuici yamci 'o botngonʉ, yupa euc'oc'ou: <mamos'a mainenu ci hi'hioa eni? a'ʉmtʉ o'a mocu ohola ahta totalʉi ci ceoceona! mita yaa tonʉ no eo'o'ofeihna si h'aokuv'o, 'o h'aokuv'o mo maezo peteozu taini!>

28'o ongko to iesu micueno monmon'i psoengabo to mia'usnu to ngalilaya.

poa yov'o to iesu 'o botngonʉ cimo tma'congo

(matai 8:14-17; luka 4:38-41)

29ne micu mongoi to kaitoo, mo uhto emoo to saimong ho 'antole; 'o yohane ho i'o yakovu mo maezo fiho. 30'o ba'i to saimong mo seolʉa no na'no cuveu ho oevoi to hopo; ne micu esmi 'o iesu, ihecu'so eʉsvʉta to iesu na a'a'ausna to tma'congosi. 31isi usa to iesu ho aiti, tiemuca ho ec'ʉvi. micu tosvo 'o cuveusi, cu yʉc'ʉ ho aʉt'ʉt'ʉca 'omo cmʉcmʉ'ho.

32cu yofna, ne micu meove 'o hie, 'enepio ci cou ihe hafa 'omo yaa mav'ov'o ci tma'congo ho i'o isi ti'eopi no hicu ci cou ho uhto tuhcu to iesu; 33'o cou to cono hosa mo maezo esmi, yu'eteuyunu to tuhcu to phingi. 34isi poa yov'o to iesu 'omo mav'ov'o ci tma'congo to cou, yaeza peobanga 'omo 'enepio ci hicu. isi potani hoci ya'ei 'o hicu, maica ihe'so cohivi zou siya 'o iesu.

yone ngalilaya ho psoyaski to e'e

(luka 4:42-44)

35taseonasi ne micu hucma, o'a mocu mo tiskova, micu yʉc'ʉ 'o iesu, mongoi to emoo, uhto mo no'caciku ci hpʉhpʉngʉ, yonto ic'o ho 'inoli. 36mo yuyafo 'o saimong ho i'o 'oahngʉsi ho i'ima 'o iesu; 37cu elʉa, ihe yainca: <ma ihe o'te toehunga i'ima suu!>

38yainca to iesu: <teton'a uhta mo cum'u ci you, te'o ahtao'te yaeza usa ho psoecʉ'hi ta e'e, maica 'aeno eni 'e te'o atuhca ho mi'o cmʉ'ho.>

39isicu saingaboa to iesu 'o hpʉhpʉngʉ ta ngalilaya, yonto makakaitoo ho psoyaski to fukuin, a'vinano meobango to hicu.

poa yov'o to iesu 'omo to'ho'ho ci cou

(matai 8:1-4; luka 5:12-16)

40panto cihi cimo tma'congo no to'ho'ho mo uhto tuhcu to iesu, pop'up'ungu ho mainca: <hociko'so maka mimha, 'ateko peelʉi poa cofkoya a'o.>

41mo aot'ou 'o himcocoveoi ci 'tohʉngʉ#<mo aot'ou 'o himcocoveoi ci 'tohʉngʉ> panto piyo ci h'unasi ci tposʉ noana'o isi yainca <mo na'no sʉ'no 'o 'tohʉngʉ>. to iesu, isi ho'usneni 'o emucusi ho peuasa, yainca: <'ate'o mimha, nahocu cofkoya!> 42'o to'ho'ho to feangosi micu osni mongoi, micu cofkoya. 43isi osnia poa e'ohʉ to iesu, a'vinano bumemeala eutotaveiya, 44yainca: <teav'a eʉsvʉta no mocmo ci cou; yʉsngʉcʉ uhto saisi ho poa aitneni, takocu maito h'oesvʉta to moose ho sʉ'tʉ, mi'usnu to cou ho soomei ho mikocu cofkoya.>

45at'inghi 'e cou eni ne micu yuyafo, isi psoengongaboa 'e hi'hioa eni, 'amakna o'anamo meelʉ apa'to yʉmeʉmʉ ta hosa 'o iesu, micuc'o moezʉ yonto mo no'caciku to yafana ta hosa; 'emo botngonʉ ci cou mioc'o i'vav'ov'o ta hpʉhpʉngʉ ho biebimi to iesu.

Currently Selected:

maluko 1: bsnfe

Highlight

Copy