yohane euskoskopa
euskoskopa
'e isi etuhca ta 'ayumona ta yohane fukuinisi tposi 'o iesu zou 'auesiesi e'e to hamo; 'o iesu <mo tmucou ho yonta taicoto>. na atuhcusi koyu ta moso tmopsʉ tesi poa tmaa'uzo to iesu zou kilisto. zou oko to hamo, a'vinano i'mi tamo maica ci tmaa'uzo ho ko'ko mayo no 'auesiesi nsou (20:31).
1 soo ta tposʉ tan'e isi engha 'o 'auesiesi ci e'e to hamo mo tmucou, i'mizi no teyai e'fihi ta tposʉ tan'e. to 2-12 soo isi tatoyangzi 'o ohsi hioa ci tonʉ ho po'e to iesu, soomei ho zou leto'usnu, zou oko to hamo. ieni ta isi tposi tamo 12 soo, ito cohivi mo botngonʉ ci cou mo i'mi homo tmaa'uzo, tiova 'o iesu ho zou leto'usnu; at'inghi pantomo maezo yutasufku ci cou, o'te taa'uzva. 13 soo ac'ʉhʉ to 17 soo isi tasansani na hia nayʉca na natʉ'ca to iesu ho ito tesisi, ho i'o hiasi mo'ma'cohio ho poucufna 'o tesi ne tec'u meakvo'ʉ. 18 soo ac'ʉhʉ to 21 soo isi tposi 'o iesu ne isi tʉtpʉta, yʉsvʉta, noa svopca, smoevovei, ho i'o mi'usnu to tesi ho aopa'to to ataveisi no smoevovei.
ehohamva to cihi ci mamespingi ho isi tʉtpʉta nemo seolʉa no smoc'ou (8:1-11) topuhngi ta [ ] ci huomza, maica mo 'enepio ci tposʉ ho i'o noana'o ci efei'i uk'a 'e isi tposi tan'e, panto oho yaeza tposi ho siya to mocmo ci tposʉ.
i'o moso mooyai ta tposʉ tan'e isi afnasa epopayoa 'o iesu zou ceonʉ. so'emio. nsou, namo afu'u tmaa'uzo ho tiou ci cou te acʉhʉ mayo no 'auesiesi nsou. 'e isi hup'opnanfa ta yohane fukuin mo boemi ta lato hioa ta h'oyunsovato, mais'aeno chumu. pang. tiskova. le'aʉt'ʉcʉ ho i'o moatʉ'nʉ. evi to amcuyu ho i'o beahcisi ho epo'usa na a'a'ausna no piepiya.
etaica
1. ehoi (1:1-8)
2. letoonono yohane ho i'o ahoi tesi to iesu (1:19-51)
3. hi'hioa to iesu (2:1-12:50)
4. yone 'elusalemu ho ito cum'usi ne micu sotavei no mainsohʉ (13:1-19:42)
5. smoevovei ho aopa'to 'o iesu (20:1-31)
6. aepʉngʉ: yone ngalilaya ho i'vaho aopa'to (21:1-25)
Currently Selected:
yohane euskoskopa: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014