yohane 3

iesu ho i'o nikotemu

1panto cihi ci coufalisai, zou nikotemu 'o ongkosi, zou so'ehti to couyutaya. 2mo biebimi to iesu nemo yofna, yainca: <sensei, os'o cohivi suu miko i'mito hamo ci lema'cohio. 'e osko hi'hioa ci po'e, hoci o'a i'o hamo namo no'upu, uk'a cite meelʉ ta cou.>

3yut'inga to iesu: <te'o bumemeala eʉsvʉta suu, hoci o'te i'momhomʉ yayo 'e cou#<hoci o'te i'momhomʉ yayo 'e cou> hocieno yainca <hoci o'te i'mi to hamo ho tiou no faeva ci nsou> (<i'momhomʉ> 'e tposʉ eni to e'e to ngilisia mo yaa <noepe> ci e'ausna). o'atesi teolʉi 'o hpʉhpʉngʉ to hamo hoci esmi.>

4tuocosi to nikotemu: <'e cihi ci micu mameoi ci cou te mainenu hoci meelʉ i'momhomʉ yayo? teeno meelʉ yuovei no bʉyo no ino ho i'momhomʉ yayo?>

5yut'inga to iesu: <te'o bumemeala eʉsvʉta suu, 'e cou hoci o'te i'mi no chumu ho ino seilei ho yayo, o'ate meelʉ tma'oko no hpʉhpʉngʉ to hamo. 6'e feango ta cou isi peyafa to maameoi, na piepiyasi isi peyafa to seilei. 7'ote i'mi ho os'o yainca <<temu asansano i'momhomʉ yayo#<temu asansano i'momhomʉ yayo> hocieno yainca <teko i'mi to hamo ho tiou no faeva ci nsou>.>> ho yamci. 8la mai no 'tohʉngʉsi 'o poepe ho meaot'ou, lako talʉi 'o mʉmʉsi, at'inghi o'ate cohivi mo i'minenu, te mei'vonʉ. namo afu'u i'mi no seilei ho yayo, 'amoeno acʉhʉ maica.>

9tuocosi to nikotemu: <te mainenu hoci meelʉ yaa maica ci hi'hioa?>

10yut'inga to iesu: <zou lema'cohio ta 'isolaelu na suu, o'a oskoeno maka cohivi 'e moc'o maica? 11te'o a'ʉmta eʉsvʉta suu, imza engha 'e imza ta'sansana, imza 'akasi 'o omzacula aiti; at'inghi nama imu o'te tiova 'e imza 'akasi. 12os'o eʉsvʉta muu 'emo natʉ'ca ta hi'hioa ta hpʉhpʉngʉ, lamu o'te maka taa'uzva, nama hoci'ueno eʉsvʉta na hi'hioa ne pepe na ntemus'a taa'uzva? 13tapeoha na mo i'mine pepe ho ohpueho ho cmʉ'ho ci okocou, uk'a mocu ci mosola ahtu uhne pepe.>

14aʉlʉ mas'a 'o moose ne mosola yonto maepuepuhu ho eepza 'o isi uafkoia ci meemeno, 'e okocou tena ahtao'te yaeza zoepzeni, 15te poa mayo no 'auesiesi nsou namo afu'u tmaa'uzo ci cou. 16isi a'ʉmta ngohia to hamo 'e yatatiskova, ac'ʉha no faeni 'o pecnia ci okosi, te o'te poa meaapayo'ʉ namo afu'u tmaa'uzo ci cou, apuyu mayo no 'auesiesi nsou. 17maica isi popeoskuna to hamo 'o okosi ho poa cmʉ'ho ta hpʉhpʉngʉ, o'atesi topci no kuisi 'e yatatiskova, matesi ieni to okosi ho to'usni 'e yatatiskova.

18namo tmaa'uzo to okocou o'atesi topci no kuisi; namo o'te tmaa'uzo ci cou micu noa topci no kuisi, maica ho o'a isi taa'uzva 'o pecnia ci oko to hamo. 19mo cmʉ'ho ta hpʉhpʉngʉ 'o tiskova, 'e yatatiskova maica homo nomio no kuzo ci peipeis'ausna, o'amo kaebʉ ta tiskova apuyu kaebʉhe to voecʉvcʉ; na i'hahozi no topci no kuisi 'amoeno yontan'e. 20i'ola popeiskuzkuzo, la acʉhʉ himkuzo to tiskova, o'ala ohcum'u to tiskova, maica ho lasi smoyoa hoci hupopayoi namo kuzo ci peipeis'ausna. 21at'inghi, i'ola fiho to so'emio ho yaahioa. la ohcum'u to tiskova, akoeva no poa psoetiskovneni na lasi afu'a hi'hioa ho mio acʉhʉ fiho no 'tohʉngʉ to hamo.

iesu ho i'o yohane

22ataveisi ta hi'hioa tan'e, 'o iesu ho i'o tesi mo uhto mia'usnu ne yutaya. mo aʉlʉ miaveivei noteuyunu ne'e, a'vinano toonono to cou. 23'o yohane mo maezo yonto o'amo covhi ta saalen ci 'ailun ho toonono; maica homo fozu 'o chumu to ic'o, mo acʉhʉ uhne'e ho noa toonono 'o cou. 24(ne mio 'o yohane o'amocu oho poekotva.)

25'omo piyo ci tesi to yohane ho i'omo cihi ci couyutaya mo nomio no meecofkoya ho yupa 'eehcʉvho. 26mo uhto yohane, mi'usni ho yainca: <sensei, teko aiti, i'o moso fiho suu ta apihana ta yolutan, 'o ohsula 'akasi ci cou, 'amicu maezo toonono maitan'e, cu acʉhʉ biebimihe 'o cou!>

27yainca to yohane: <hoci o'te i'mi to hamo namo mofi, uk'a cite elʉa ta cou. 28o'ucula yainca, o'as'a kilisto a'o; ma mi'oc'o noa skuna ho papoevʉ. 'e e'e eni 'atemucueno peelʉi 'akasineni a'o. 29nate mayo no mamespingi 'aeno 'o hahocngʉ; na nanghia to hahocngʉ la bi'upu ho talʉi, ho tasicu talʉi na fihngau to hahocngʉ tena 'aveoveoyʉ ho kokaekaebʉ. totiski mi'ocu elʉ ta a'sʉftonʉ ci kokaekabʉ. 30tena ahtuo'te yuayayokeo, te'o ahtuo'te suhcʉhcʉ.>

i'mi ne pepe ci ic'o

31i'omo i'mi ne pepe ho cmʉ'ho mo tosa'o ta acʉcʉhʉ; 'emo i'mita ceoa mo tma'usnu ta ceoa, na isi engha maezoc'o hi'hioa ta ceoa. i'omo i'mi ne pepe ho cmʉ'ho mo tosa'o ta acʉcʉhʉ. 32isi 'akasi na ohsila afu'a aiti ho talʉi, at'inghi uk'a cimo tiou ta 'akasisi. 33namo tiou to 'akasisi, soomei ho zou mou'ʉmtʉ 'o hamo. 34i'o isi skuna to hamo ci ic'o mo epeaski to e'e to hamo, maica 'o hamo mo uk'a aca'cʉ'hi ho faeni na seileisi. 35isi ngohia to amo 'e oko, isicu acʉha toveineni ta emucusi 'e acʉcʉhʉ. 36namo tmaa'uzo to oko, te yaa 'auesiesi ci nsou; nate o'te tmaa'uzo to oko, o'ate ahtu yaa a'ʉmtʉ nsou, a'vinano na patvovei to hamo 'auesiesi o'ate ahtu mongoi ta feangosi.

Currently Selected:

yohane 3: bsnfe

Highlight

Copy