Génesis 5
5
Adanpa miraynin
(1 Cr 1.1-4)
1Kaykuna Adanpa mirayninmanta kajkuna kanku. Mayk'ajchus Dios runata ruwarqa chaypacha, runata payman rijch'akojta ruwarqa. 2Diosqa qharita warmitawan ruwarqa, chantá paykunata samincharqa. Paykunata ruwaytawantaj: “Runa”, nispa suticharqa.
3Adán 130 watayoj kashajtin, churin payman rijch'akoj paqarerqa. Adantaj payta “Set” sutiwan suticharqa. 4Chaymanta Adanqa 800 watatawanraj kawsarqa. Chay jawa Adanpata waj churinkuna, chantá ususinkuna ima tiyapullarqataj. 5Adanqa tukuyninpi 930 watata kawsarqa, chay jina unayniyoj kaspataj, wañuporqa.
6Maypachachus churin Enós paqarerqa chaypacha, Setqa 150 watayoj karqa. 7Churin Enós paqarisqanmantapacha Setqa 807 watatawanraj kawsarqa, wawankunataj qharikuna, chantá warmikuna ima karqankuraj. 8Tukuyninpi Setqa 912 watata kawsarqa, chay jina unayniyoj kaspataj, wañuporqa.
9Enosqa, churin Cainán paqarerqa chaypacha, 90 watayoj karqa. 10Chay qhepata Enosqa 815 watatawanraj kawsarqa, wawankunataj qharikuna, chantá warmikuna ima karqankuraj. 11Tukuyninpi Enosqa 905 watata kawsarqa, chay jina unayta kawsaspataj, wañuporqa.
12Cainanqa, churin Malalel paqarerqa chaypacha, 70 watayoj karqa. 13Chaymanta Cainanqa 840 watatawanraj kawsarqa, wawankunataj qharikuna, chantá warmikuna ima karqankuraj. 14Tukuyninpi Cainanqa 910 watata kawsarqa, chay jina unayniyoj kaspataj, wañuporqa.
15Malalelqa, churin Yared paqarerqa chaypacha, 65 watayoj karqa. 16Chay qhepata churin Yared paqarisqanmanta Malalelqa 830 watatawanraj kawsarqa, wawankunataj qharikuna, chantá warmikuna ima karqankuraj. 17Tukuyninpi Malalelqa 895 watata kawsarqa, chay jina unayniyoj kaspataj, wañuporqa.
18Yaredqa, churin Enoc paqarerqa chaypacha, 162 watayoj karqa. 19Chay qhepata Yaredqa 800 watatawanraj kawsarqa, wawankunataj qharikuna, chantá warmikuna ima karqankuraj. 20Tukuyninpi Yaredqa 962 watata kawsarqa, chay jina unayniyoj kaspataj, wañuporqa.
21Enoc 65 watayoj kashajtin, churin Matusalén paqarerqa. 22Enocqa Diospa munayninta ruwaspa kawsarqa. Matusalén paqarisqanmanta qhepata, Enocqa 300 watatawan kawsarqa, wawankunataj qharikuna, chantá warmikuna ima karqankuraj. 23Tukuyninpi Enocqa 365 watata kawsarqa. 24Enocqa Diospa munayninta ruwaspa kawsarqa. Chantá uj p'unchay chinkaporqa, imaraykuchus Dios kawsashajta pusakaporqa.#5.24 Pusakaporqa: Dios kay pachamanta Enocta pusakaporqa, Dioswan k'achata kawsakusqanrayku. Enocqa mana kay pachallapichu Dioswan k'achata kawsakorqa, manachayqa Dioswanña kashaspapis, k'acha kawsakullaypipuni karqa. Heb 11.5; Jud 14.
25Matusalén 187 watayoj kashajtin, churin Lamec paqarerqa. 26Chay qhepata Matusalenqa 782 watatawanraj kawsarqa, wawankunataj qharikuna, chantá warmikuna ima karqankuraj. 27Tukuyninpi Matusalenqa 969 watata kawsarqa, chay jina unayta kawsaspataj wañuporqa.
28Lamec 182 watayoj kasharqa chaypacha, churin Noé paqarerqa. 29Paytataj “Noé” sutiwan suticharqa, imaraykuchus nerqa: Paymin sinch'i ruwananchejmanta samarichiwasun. Tata Dios kay pachata maldicisqanrayku atin mana atin llank'ashanchej, Noetaj chaymanta samarichiwasun, nispa.
30Noé paqarisqanmanta qhepaman, Lamecqa 595 watatawanraj kawsarqa, wawankunataj qharikuna, chantá warmikuna ima karqankuraj. 31Tukuyninpi Lamecqa 777 watata kawsarqa, chay jina unayniyoj kaspataj, wañuporqa.
32Noé 500 watayoj kashajtin, paqarerqanku churinkuna Sem, Cam, chantá Jafet ima.
Currently Selected:
Génesis 5: DQPC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.