Génesis 32

Jacob wakichikun Esauwan tinkunanpaj

1 1 (2) Jacobqa Galaad cheqamanta purirerqa. Rishajtintaj, Diospa angelninkuna payta taripaj jamorqanku. 2 2 (3) Chantá Jacob paykunata rikuspa, nerqa: Kayqa Diospa jarakunan, nispa. Chayrayku chay cheqata suticharqa “Majanayin”, nispa.

3 3 (4) Chaynejmanta Jacobqa Seirman, Edom chaynejman willajkunata kacharqa, pay kutimpushasqanta wawqen Esauman willanankupaj. 4Chantá kay jinata ninankuta kamacherqa: Wiraqochi Esaú, kamachiyki Jacob nisunki: Labanwan tiyakorqani, kunankamataj paywan karqani. 5 5 (5) Tiyapuwan wakakuna, burrokuna, ovejakuna, warmi kamachikuna, qhari kamachikuna ima. Chayta willachimuyki, wiraqochíy, chayman chayamojtiy, allin sonqollawan jap'inawaykipaj, nispa.

6 6 (7) Chantá kachakuna Esaujpaman risqankumanta kutimuspa, Jacobman willarqanku: Riyku wawqeyki Esauwan tinkukoj. Kunantaj pay kikin qanta taripasoj jamushan, 400 runakunata pusariykukuspa, nispa.

7 7 (8) Chayta uyarispa, Jacob mayta mancharikorqa, phutikorqataj. Chantá paywan jamoj runakunata iskayman t'aqararqa. Jinallataj wakakunata, ovejakunata, camellokunatawan t'aqallarqataj. 8 8 (9) Ajinata ruwarqa kay jinata yuyaspa: Sichus Esaú ñawpaj kaj t'aqawan maqanakoj yaykumonqa chayqa, qhepan kaj t'aqaqa ayqekonqa, nispa.

9 9 (10) Chantá Jacobqa Diosmanta mañakorqa: Jatun tatay Abrahampata, chantá tatay Isaacpatawan Tata Diosnin, qan niwarqanki llajtaypi aylluyman kutipunayta. Nillawarqankitaj allin rinawanpaj yanapanawaykita. 10 10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni. 11 11 (12) Chayrayku, Tata Diosníy, wawqey Esaú mana allinta ruwanawanmanta waqaychaway. Manchachikuni pay jamuspa, noqata, warmiykunata, chantá wawaykunatapis wañurachinanta. 12 12 (13) Qanrí niwarqanki allin rinawanta, mirayniypis mama qochapi t'iyu jina mana yupay atina kananta, nispa.#Gn 22.17.

13 13 (14) Chay ch'isi Jacob chaypi puñorqa. Chantá imachá kapusqanmanta wawqen Esauman qonanpaj ajllarqa: 14 14 (15) Iskay pachaj cabrakunata, iskay chunka chivokunatawan, iskay pachaj ovejakunata, iskay chunka mochokunatawan. 15 15 (16) T'aqallarqataj kinsa chunka china camellokunata uñantinta, tawa chunka wakakunata, chunka torokunatawan, iskay chunka china burrokunata, jinallataj chunka burrokunatawan ima. 16 16 (17) Chaykunatataj kamachinkunawan qhaticherqa, sapa tropata waj wajllata. Chantá kamacherqa: Ñawpaychej, jinaspataj sapa tropata karu karu qhepallata qhatinkichej, nispa.

17 17 (18) Jacob ñawpajta rejkunaman nillarqataj: Wawqey Esaú qankunawan tinkuspa, sichus tapusunkichejman: Pitaj patronniykichej? Maymantaj rishankichej? Chayrí kay uywakuna pejpatataj kankuri? nispa chayqa, 18 18 (19) qankuna ninkichej: Wiraqochíy, kay uywakunaqa qanpaj. Kamachiyki Jacob kay uywakunata apachimushasunki. Paytaj qhepataraj jamushan, nispa.

19 19 (20) Chaypacha Jacob kikillantataj iskay kajman, kinsa kaj kamachikunaman, chantá tukuynin tropata qhatejkunaman nerqa: Esauwan tinkuspaqa, qankunapis kikillantataj ninkichej. 20 20 (21) Chantá nillankichejtaj: Kamachiyki Jacob qhepaykutaraj jamushan, nispa. Jacob chayta ruwaspa, sonqonpi kay jinata yuyarqa: Sonqo llamp'uyachita ñawpajta apachispa, Esaúj sonqonta tiyaykuchisaj, chaymantaraj paywan uyapurakusaj. Ichapis ajinata ruwajtiy, allin sonqolla jap'iwanqa, nispa. 21 21 (22) Ajinata Jacob ñawpajta tukuy ima wakichisqanta apacherqa, jinaspataj, chay ch'isi jaranpi puñorqa.

Jacob angelwan maqanakun

22 22 (23) Chay ch'isi Jacob rijch'ariytawan, iskaynin warminkunata, iskaynin warmi kamachinkunata, chantá chunka ujniyoj wawankunatawan pusariykukuspa, Jaboc nisqa wayq'ota chimpacherqa. 23 23 (24) Ajinata pay tukuy ayllunta chantá tukuy imantawan chay wayq'ota chimpacherqa. 24 24 (25) Jacob sapallan jarapi qhepakojtin, uj qhari rikhurimuspa, sut'iyamunankama paywan maqanakorqa.#32.24 Jacobwan pichus maqanakusqanta 28, 30 chijllaypi nin. Gn 18.2, Abrahamman rikhurej angelkuna pichus kasqankuta rejsichikorqanku Tukuyta Kamachej Dios jina. Gn 18.16-33. 25Chantá chay qhari Jacobta mana atipayta atisqanta rikuspa, Jacobpa chakanta llankhaspa, chaki tullunta ch'utarparicherqa. 26 26 (27) Chantá chay qhari nerqa: Kachariway, ñapis sut'iyamushanña, nispa. Jacobtajrí nerqa: Manachus saminchawanki chayqa, mana kacharisqaykichu, nispa.

27 27 (28) Chantá chay qhari taporqa: Imataj sutiyki? nispa. Paytaj nerqa: Jacob, nispa.

28 28 (29) Chay runataj nerqa: Kunanmantaqa manaña Jacobchu sutiyki kanqa.#32.28 Manaña Jacobchu sutiyki kanqa: Jacob waj sutiwan sutichasqa kasqan niyta munarqa pay manaña q'otiyajchu kananta, imaynachus kaynin waj jinaman tukuchisqa kasqanrayku. Gn 2.19-20; 35.10. Kaymanta qhepaman sutiyki “Israel” kanqa,#32.28 Israel: Kay suti niyta munan: Dios maqanakun, Dios maqanakuchun. Kay chijllaypi nin Jacobqa Dioswan maqanakusqanta, mana Dioschu Jacobwan maqanakusqanta. Runakunawan maqanakorqanki, nispa, ichapis ninman karqa, Jacobqa Esauwan chantá Labanwan tinkuspa, allinwan llojsisqanmanta. imaraykuchus Dioswan, chantá runakunawan ima maqanakorqanki, atiparqankitaj, nispa.

29 29 (30) Chaymanta Jacob taporqa: Qanpa sutiykirí, imataj? nispa. Chay runataj nerqa: Imapajtaj sutiyta tapuwankiri? nispa. Jinata nispataj, Jacobta samincharqa. 30 30 (31) Chantá Jacob chay cheqata “Peniel”,#32.30 Peniel: Niyta munan: Diospa uyan. nispa suticharqa, nerqataj: Diospa uyanta rikuni, chaywanpis kawsashaniraj, nispa.

31 31 (32) Inti llojsimushajtin, Jacobqa Penielmanta llojserqa, chakan nanasqa kasqanraykutaj, k'inkiykachaspa purerqa. 32 32 (33) Chayrayku kunankama israelitakunaqa uywaj chakan chaynejpi ankuta mana mikhunkuchu, Jacobpa chakan ch'utachisqa kasqanrayku.

Currently Selected:

Génesis 32: DQDC

Highlight

Copy