Génesis 11
11
Babelpi torreta ruwanku
1Chaypacha tukuy runaqa uj parlayniyojlla karqanku. 2Maypachachus inti llojsimuynejmanta llojsimorqanku chaypacha, Sinarpi#11.2 Sinar: Sinar nisqa cheqaqa jatun pampa karqa. Sinar sutiyoj cheqaqa Mesopotamia sutiwan rejsisqallataj karqa. Gn 10.10; 14.1. uj pampata tarerqanku, chaypitaj tiyakunankupaj qhepakorqanku. 3Ujpacha paykunapura ninakorqanku: Ladrillota ruwaspa, ninapi chayachinachej, nispa. Ajinaqa rumej cuentanmanta ladrillo karqa, t'uroj cuentanmantataj t'iyuwan, breawan chhapusqa karqa. 4Chaymantataj ninakorqanku: Kunanqa uj llajtata, janaj pachaman chayaj torretawan ruwanachej.#11.4 Torreta ruwanachej: Mesopotamia cheqanejpi llajtakunaqa torreyoj karqanku. Chay torrekunaqa “Zigurat” sutichasqa karqa. Torrekunataqa manchay jatunta ruwaj kanku, yuyaspa torrej umanqa kay pachawan janaj pachawan tinkunan kasqanta. Kay torreqa mana yupaychana wasichu karqa, manachayqa runakuna Diosta mana cuentaman churaspa, wapuykachanankupaj ruwasqanku karqa. Is 14.13-14; Gn 3.6; Ez 28.2. Ajinata ruwaspa, noqanchej manchay uyarisqa kasunchej, manataj kay pachaman ch'eqerasunchu, nispa.
5Tata Diostajrí runakunaj ruwashasqanku llajtata, torretawan qhawarej urayk'amorqa. 6Chantá pay nerqa: Runakunaqa uj parlayniyojlla kaspa, kunan sumaj ujchasqa kashanku. Ruwayta qallarinkuña, chayraykutaj ruwayta yuyasqankuta mana pipis sayachiyta atenqachu. 7Chayrayku urayk'uspa, parlayninkuta pejturparimunachej ama entiendenakunankupaj, nispa.
8Ajinata Tata Diosqa tukuynejman runakunata ch'eqeracherqa, chayraykutaj paykuna llajtata ruwashasqankuta saqerqanku. 9Chay cheqapi Tata Dios kay pachapi tukuy runaj parlayninkuta pejturparerqa, chaynejmantataj paykunata tukuynejman ch'eqeracherqa. Chayrayku chay llajtaj sutin Babel karqa.#11.9 Babel: Ujnin sutin “Babilonia” karqa. Babel niyta munan: Dioskunaj punkunku. Niyta munallantaj: Umata muyuchiy. Tata Dios kay cheqanejpi runakunaj parlayninkuta pejturparerqa, imajtinchus chaypacha runakuna Diosta mana kasunankupaj wakichikorqanku. Chantá yuyasqankuta ruwarqanku. Chayrayku “Babilonia” niyta munan: Mana manchachikuy, millayta ruwaspa puriy, chantá mana kasukuyta munay ima.
Sempa miraynin
(1 Cr 1.24-27)
10Kaykuna Semmanta mirajkuna karqanku. Jatun musphay paramanta iskay watanman Sempata churin Arfaxad paqarerqa. Chaypacha Semqa pachaj watayoj karqa. 11Semqa, churin Arfaxad paqarisqanmanta qhepaman 500 watatawanraj kawsarqa, wawankunataj qharikuna, chantá warmikuna ima karqankuraj. 12Arfaxad kinsa chunka phishqayoj watayoj kashajtin, churin Selajqa paqarerqa. 13Chaymanta qhepamantaj Arfaxad 403 watatawanraj kawsarqa, wawankunataj qharikuna, chantá warmikuna ima karqankuraj.
14Selaj kinsa chunka watayoj kashajtin, churin Éber paqarerqa. 15Chay qhepata Selajqa 403 watatawanraj kawsarqa, wawankunataj qharikuna, chantá warmikuna ima karqankuraj.
16Eber kinsa chunka tawayoj watayoj kashajtin, churin Peleg paqarerqa. 17Chaymanta qhepamantaj Eberqa 430 watatawanraj kawsarqa, wawankunataj qharikuna, chantá warmikuna ima karqankuraj.
18Peleg kinsa chunka watayoj kashajtin, churin Reu paqarerqa. 19Chaymanta qhepamantaj Pelegqa 209 watatawanraj kawsarqa, wawankunataj qharikuna, chantá warmikuna ima karqankuraj.
20Reu kinsa chunka iskayniyoj watayoj kashajtin, churin Serug paqarerqa. 21Chaymanta qhepaman Reuqa 207 watatawanraj kawsarqa, wawankunataj qharikuna, chantá warmikuna karqankuraj.
22Serug kinsa chunka watayoj kashajtin, churin Najor paqarerqa. 23Chaymanta qhepamantaj Serugqa 200 watatawanraj kawsarqa, wawankunataj qharikuna, chantá warmikuna ima karqankuraj.
24Najor iskay chunka jisq'onniyoj watayoj kashajtin, churin Téraj paqarerqa. 25Chaymanta qhepamantaj Najorqa 119 watatawanraj kawsarqa, wawankunataj qharikuna, chantá warmikuna ima karqankuraj.
26Téraj qanchis chunka watayoj kashaspa, kinsa churikunayoj karqa. Paykuna karqanku Abram, Najor, chantá Jarán ima.
Téraj miraynin
27Kaykuna Terajmanta mirajkuna karqanku. Paypata kinsa churinkuna karqa: Abram, Najor, Jarán ima. Jaranqa Lotpa tatan karqa. 28Jaranrí tatan Terajmanta ñawpajta wañuporqa Caldea sutiyoj suyupi, Ur#11.28 Ur: Mesopotamiamanta uranejpi karqa, chaypacha llajtakunamanta astawan unayniyoj llajta karqa, jinataj manchay uyarisqa llajta. Abraham kawsarqa chaypacha, Ur llajtaqa Caldea llajtayojkunaj makinpi kasharqa. Chay karqa Jesús kay pachaman jamunanpaj, 600 wata jina kashajtin. Ur llajtayojkuna killata diosta jina yupaychaj karqanku. llajtapi, maypichus paqarerqa, chaypi.
29Abramqa Saraí sutiyoj warmiwan casarakorqa, Najortaj Milca sutiyojwan casarakorqa. Milcaqa Jaranpa ususin karqa, ñañantaj Isca karqa. 30Sarairí mana wijsallikuyta atisqanrayku mana wawata rejsej karqa.
31Chantá Terajqa churin Abramta, allchhin Lotta, chantá ñojch'an Saraitawan ima pusariykukuspa, Caldea suyupi, Ur sutiyoj llajtamanta riporqa, Canaán sutiyoj cheqanejman rinanpaj. Chaywanpis Jarán llajtaman chayaspa, chaypi tiyakoj qhepakorqanku.#11.31 Terajpa ayllun: Terajqa ayllun pusarisqa Ur sutiyoj llajtanmanta llojsispa Néguev sutiyoj cheqanejman chayarqa, chaymantataj Egiptokama rerqa. Terajqa Ur llajtayoj karqa. Diospa Qhelqachisqanpi mana ninchu imaraykuchus Téraj llajtanta saqesqanta, nillataj ninchu imaraykuchus Jarán llajtapi qhepakusqanta. Abrahammanta rimaspa, sut'ita nin payqa Dios wajyasqanrayku llajtanmanta llojsisqanta. Gn 12.1-3. 32Chantá Terajqa 205 watayoj kashaspa, Jarán llajtapi wañuporqa.
Currently Selected:
Génesis 11: DQDC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
