Mathiơ 7

Bơta cahrña

(Luka 6:37-38,41,42)

1“Bañ cahrña cau lơi, nàng bol mê ò kòl cahrña. 2#Mak 4:24.Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆. 3Ñchi bơh tài mê sền gŏ thul tòm mat oh mi he mơ ò gŏ ròc dra tòm mat tòm he taih? 4Mbe mê rgơi đơs mơ oh mi he lah: ‘Ai añ in tă thul bơh di mat bi,’ tòm tŭ mat tòm mê gam gơs ròc dra be gen taih? 5Ơ cau ma blac, lài ngan tă tĕ ròc dra bơh di mat mê, gen sồng gŏ loh làng nàng tă thul bơh di mat oh mi mê dê.

6Bañ ai so in phan sàng goh, kung bañ sơrbì lŭ kràng màng he dê sur in, rngòt gơ jă mơ jơng mơ gơ wơl kap crè bol mê mòn.”

Dan, jòi, teh

(Luka 11:9-13)

7“Dan tĕ, rơp ai; jòi tĕ, rơp bàn; teh tĕ, rơp geh pò bol mê in. 8Bơh dilah cau lơi dan gen geh, cau lơi jòi gen bàn, mơ cau lơi teh gen geh pò khai in. 9Gơs ñcau tòm bol mê, dilah kòn klau dan piang lă mơ ai lŭ ơ? 10Hala dilah kòn dan ka mơ ai bơs khai in ơ? 11Behơ̆ dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ, ò ai phan niam ală cau in dan mơ Kơnràñ ò ơ?

12 # Luk 6:31. Behơ̆ bơta lơi mê kòñ cau lơh he in, gen lơh tĕ bơta hơ̆ bol khai in, bơh hơ̆ la tơnggume bơta boh lam mơ jơnau gơnoar hwơr dê.”

Mpồng wềt

(Luka 13:24)

13“Mut tĕ mpồng wềt, bơh mpồng ơnàng mơ gùng dờng lam tus hơ bơta roh rui, mơ oă cau mut tềng hơ̆. 14Ai mpồng wềt mơ gùng hat lam tus hơ bơta kis, mơ dô êt cau jòi geh.”

Sền plai git chi

(Luka 6:43-44)

15“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè. 16Bol mê rơp đal git bol khai bơh plai bol khai dê. Gơs cau pic plai ño di tòm lò hala plai chi ƀal di rlau lò mrơt sơl? 17Behơ̆ chi niam gen gơlik plai niam, mơ chi iơh gen gơlik plai iơh. 18Chi niam ò rgơi gơlik plai iơh, mơ chi iơh kung ò rgơi gơlik plai niam. 19#Mat 3:10; Luk 3:9.Chi lơi ò gơlik plai niam, gen kơl mơ sang tòm ồs. 20#Mat 12:33.Behơ̆ bol mê rơp đal git bol khai bơh plai bol khai dê.”

Añ ò git bol mê

(Luka 13:25-27)

21“Ò di kòp nă cau đơs mơ Añ lah: ‘Khoai Yàng, khoai Yàng,’ gen geh mut tòm lơgar đang trồ ò, mơya mìng cau lơi lơh jat nùs kòñ Bèp Añ jê ơm hơđang trồ. 22Tòm ngai hơ̆ rơp gơs oă cau đơs mơ Añ lah: ‘Khoai Yàng, khoai Yàng, bol hi ò di neh ai sơnđan Kơnràñ mơ đơs hwơr, ai sơnđan Kơnràñ mơ bơtrơh ală cà, ai sơnđan Kơnràñ mơ lơh oă broă gơnap gơnoar ò ơ?’ 23#Đơs Crih 6:8.Tŭ hơ̆ Añ rơp yal loh bol khai in git lah: ‘Ơ ală cau lơh bơta tồi glài iơh bơsak, Añ ò tŭ lơi git bol mê ò, lik lòt tĕ bơh di Añ.’”

Bàr sèng cau bơt hìu

(Luka 6:47-49)

24“Behơ̆ cau lơi kơno ală jơnau Añ bơto do mơ lơh jat, gen kung be dô nă cau jak chài bơt hìu khai hơđang lŭ klềr. 25Dùh mìu, dà tih,#7:25 Js: Hiòng dà. càl khồm druh dê hìu hơ̆, mơ hìu ò tơrlah bơh neh bơt hơđang lŭ klềr. 26Ai cau lơi kơno ală jơnau Añ bơto do mơ ò lơh jat, gen kung be dô nă cau bơrngơl gơla bơt hìu khai hơđang bràs. 27Dùh mìu, dà tih, càl khồm druh di hìu hơ̆, gen hìu tơrlah, tơrlơm lề oă ngan.”

Gơnap gơnoar Yàng Jesu dê

28 # Mak 1:22; Luk 4:32. Tòm tŭ Yàng Jesu neh đơs ală jơnau hơ̆ rau, gen mpồl làng bol ai lơh crih crài bơh bơta bơto sồr Kơnràñ dê, 29bơh Kơnràñ bơto bol khai dô bă gơs gơnoar,#7:29 Hala gơs gơnap gơnoar. ò di be ală cau bơto bơta boh lam bol khai dê.

Currently Selected:

Mathiơ 7: KPM2018

Highlight

Copy