Luka 14

Yàng sa bal tòm hìu cau Pharisi bơto bơh bơta pơndêt să

1Tòm ngai Saƀat, Yàng Jesu mut tòm hìu dô nă cau at bồ jơi cau Pharisi dê nàng sa, gen ală cau ơm tềng hơ̆ kơrhia kơp sền Kơnràñ. 2Tŭ hơ̆ gơs dô nă cau kòp pŭ ntào di đap Kơnràñ. 3Yàng Jesu lùp cau bơto bơta boh lam mơ cau Pharisi lah: “Tòm ngai Saƀat geh gơnoar sơmbòi cau hala ò?” 4Mơya bol khai ơm mŏ mŏ. Gen Kơnràñ at di khai, sơmbòi mơ ai khai in rê. 5#Mat 12:11.Kơnràñ đơs mơ bol khai lah: “Cau lơi tòm bol mê gơs kòn hala kơnrồ alàng dùh tòm tơrlung tòm ngai Saƀat mơ ò hwài tơngguh tơlik gơ mo ơ?” 6Bol khai ò rgơi ho dô jơnau lơi bơh bơta hơ̆.

7Tòm tŭ Kơnràñ gŏ ală cau geh jà, cau lơi kung sac rwah nggui tòm tiah niam rlau jơh, gen đơs mơ bol khai dô jơnau pơnyơu: 8#Pơnđik 25:6-7.“Tòm tŭ cau lơi jà mê pơjum sa tòmbau, bañ nggui tòm tiah niam rlau jơh, rngòt tòm ală cau geh jà gơs cau dờng màng rlau mơ mê. 9Gen cau neh jà mê tus đơs mơ mê lah: ‘Dan lòi tĕ tiah do cau do in,’ mơ tŭ hơ̆ mê rơp ƀàssìl mơ ruc hơ tiah tơnơ̆. 10Mơya tòm tŭ mê geh cau jà, nggui tĕ di tiah tơnơ̆ rlau jơh, gen cau tòmjà rơp tus đơs mơ mê lah: ‘Ơ bi, dan nggui hơđap.’ Gen tŭ hơ̆, mê rơp geh màng ryŭ di đap ală cau nggui sa bal mơ mê. 11#Mat 23:12; Luk 18:14.Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

12Kơnràñ kung đơs mơ cau tòmjà Kơnràñ lah: “Tòm tŭ mê yò sa ngai hala sa mho, bañ jà ală oh mi bơyô, oh mi tòm, jơi bơtiàn mơ cau gơp ƀòn pas gơs, rngòt bol khai kung jà mê sào nàng tơm wơl mòn. 13Mơya tòm tŭ mê yò sa dờng, jà tĕ ală cau rƀah lơòi, cau sồt rmàñ, cau kwet gơlte, cau jơngo, 14gen mê rơp geh lơngai, bơh bol khai ò rgơi tơm wơl mê in. Yàng Tom Trồ rơp tơm wơl mê in tòm ngai ală cau song ring kis wơl bơh bơta chơt.”

Đơs pơnyơu bơh bơta yò sa dờng

(Mathiơ 22:1-10)

15Gơs dô nă cau nggui sa bal mơ Kơnràñ kơno jơnau hơ̆, gen đơs mơ Kơnràñ lah: “Lơngai cau lơi in geh sa piang lă tòm lơgar Yàng Tom Trồ!” 16Mơya Yàng Jesu ho mơ khai lah: “Gơs dô nă cau yò sa dờng, jà oă cau. 17Tus di jơ sa, khai sồr cau dĭ khai dê lòt đơs mơ ală cau neh geh jà sào lah: ‘Jà tus, jơh ală bơta neh sir rau.’ 18Mơya jơh tơl nă jòi jơnau pơrwài lơm. Cau sơnròp đơs mơ cau dĭ lah: ‘Añ neh rwat dô bă sre, pal lòt sền; dan lòi añ in ơm.’ 19Cau ndai đơs lah: ‘Añ neh rwat pram yô kơnrồ, pal lòt lòng sền gơ; dan lòi añ in ơm.’ 20Cau ndai đơs lah: ‘Añ pa tòmbau, gen ò rgơi lòt tus.’ 21Cau dĭ rê wơl, yal bơta hơ̆ mơ cau tòm khai dê. Cau tòm gơjrañ mơ sồr cau dĭ khai lah: ‘Lik lòt tĕ mhar tus tòm ală gùng me mơ ală gùng dềt tòm ƀòn dờng, lam ală cau rƀah lơòi, cau sồt rmàñ, cau jơngo mat, cau kwet gơlte tus hơ do.’ 22Tŭ hơ̆ mo cau dĭ yal lah: ‘Ơ cau tòm, bơta ồng neh sồr, añ neh lơh sir rau, mơya gam gơs tiah.’ 23Cau tòm sồr cau dĭ tai lah: ‘Lik tĕ tòm gùng me mơ đah rò pơnggàr, mơ bơklơn cau mut tồ geh bềng hìu añ jê. 24Bơh añ đơs mơ bol mê, tòm ală cau neh geh jà lài, ò gơs dô nă cau lơi geh liap bơta yò sa dờng añ jê.’”

Khà pal tơm nàng lơh gơs cau bơtê Yàng Jesu dê

(Mathiơ 10:37, 38)

25Gơs mpồl làng bol oă lòt bal mơ Yàng Jesu; gen Kơnràñ wơlke đơs mơ bol khai lah: 26#Mat 10:37.“Dilah cau lơi lòt tus hơ Añ mơ ò kòñ gơboh di Añ rlau mơ mè bèp, kòn bau, oh mi, ruh lŏ he dê, mơ bơta kis să tòm he dê sơl, gen ò rgơi lơh gơs cau bơtê Añ jê. 27#Mat 10:38; 16:24; Mak 8:34; Luk 9:23.Cau lơi ò tui chi pơng he dê mơ lòt jat Añ, gen ò rgơi lơh gơs cau bơtê Añ jê.

28Dilah tòm bol mê gơs cau lơi kòñ bơt bơtào dô nơm gơlang jòng, mơya lài ngan pal nggui nàng kòp khà jền priă, sền mê gơs tơl nàng lơh sir gơ. 29Dilah ò, dơ̆ neh bơt mơnàng rau mơ ò rgơi lơh sir, gen ală cau gŏ rơp dơñŏ tơnhial di mê, 30mơ đơs lah: ‘Cau do neh sơntòm bơt, mơ ò rgơi lơh sir!’ 31Dilah gơs dô nă cau bơtau lơi lik lòt tòmlơh mơ dô bơtau ndai, mơ lài ngan, khai pal nggui kơlôi bơyai lơh nền dilah khai cèng jơt rbô nă tơl pràn rgơi tòmdră jai mơ cau bơtau cèng bàr jơt rbô nă. 32Dilah tòmdră ò jai, tòm tŭ cau bơtau ne gam ơm ngài, gen pal sồr dô nă cau kong sồr lòt nàng dan lơh gơtòmsòr wơl. 33Kung behơ̆ sơl, dilah cau lơi tòm bol mê ò sang lòi jơh ală bơta he gơs, gen ò rgơi lơh gơs cau bơtê Añ jê.

34Boh la phan niam; mơya dilah boh roh ƀă,#14:34 Cil: bơtiat. gen ñchi ai nàng lơh gơ in ƀă wơl taih? 35Boh hơ̆ ò rgơi ngui tòm sre hala tòm phan pơnđồm ù, mìng cau sang gơ hơ bơdìh. Cau lơi gơs tồr nàng iat, gen iat tĕ!”

Currently Selected:

Luka 14: KPM2018

Highlight

Copy